Webp.net gifmaker

По 7 децении реновирана внатрешноста на Здравствениот дом во Битола (фото и видео)

Јуни 19, 2021

За првпат откако е отворен во педесеттите години од минатиот век , темелно се реконструира внатрешноста во Здравствениот дом во Битола, по целосна обнована Службата за Итна медицинска помош пред неколку години, сега се реновирани и Детската превентивна и Стоматолошка служба, потоа просториите каде се чуваат вакцини, како и ходниците на објектот. Министерот за здравство Венко Филипче, кој денеска го посети Здравствениот дом, изрази задоволство за овие крупни зафати што се спроведуваат последните години и најави други инвестиции во Битолското здравство.

Видео: Златко Јосифовски

-Целиот Здравствен дом внатрешно е реновиран, нешто што не е направено 70 години, немало никаква интервенција откако епуштен во употреба. Целосно се реновирани внатрешните простории, ходниците, работните простории, педијатриската служба, превентивната служба, вакциналните пунктови, превентивната стоматологија, делот каде се чуваат вакцините од редовниот календар. Ова на некој начин е континуитет, надополнување на процесот што започна пред две-три години кога беше целосно реновирана службата за медицинска помош, а ќе се финализира со замена на кровот. Во период кој што следи, после помошта која треба да стигне од Делегацијата на ЕУ ќе добие и ново амбулантно возило, а понатаму во целокупниот процес на подобрување на условите во здравствените установи ставаме фокус на реновирањето на Болницата, рече Филипче.

Директорката на Здравствениот дом во Битола, Весна Спироковска, рече дека во наредниот период следи реконструкција и на просториите каде е сместена лабораторијата.

-Денеска имаме можност да покажеме што направивме во овие неполни 4 години. Ја променивме душата на Здравствениот дом, остана само надворешноста, додека сите служби се реновираа. Сега ги промовираме трите служби каде реновирањео е завршено, претходно беше реновирана службата за Итна помош, а во наредниот период останува уште лабораторијата. Со тоа сите простории ќе бидат реновирани, а ова е за првпат да се прават вакви поголеми зафати, рече Спирковска.

Министерот Филипче упати благодарност до сите вработени во Здравствениот дом во Битола за доброто менаџирање на КОВИД кризата, како и за успешната реализација на процесот на вакцинација кој што е во тек.

203210867 1308925622835676 8479863949847311146 n

203044688 4313971938660572 4732416684939070062 n

00050 Moment

 

00045 Moment

00043 Moment

00042 Moment

00041 Moment

00035 Moment

00033 Moment

00032 Moment

Сподели

Login to your account

Username *
Password *
Remember Me
© 2021 АПЛА.мк. Сите права се задржани