Најголемата шетачка зона во градот, Широк Сокак од вчера рано утрото е посипана  со ризла за да не се лизгаат минувачите на гранитните плочки. Според ЈКП „Нискоградба“ ризлата е посипана по реакции на граѓани дека замрзнатиот дожд предизвикал  лизгање и несигурност кај граѓаните при движењето.

-Ризлата е фрлена вдолжи Широк Сокак и сега таа ќе послужи како подлога за новите врнежи од снег кои се очекуваат во четврток и петок, изјави Методи Силјановски директор на ЈКП „Нискоградба“.

Од Нова година досега по улиците низ градот и локалните патишта во општина Битола се фрлени 340 тони сол и 340 кубни метри ризла.

Комплетната механизација на ЈП „Нискоградба„ со околу триесеттина вработени повеќе од  26 часа се на терен на расчистување на снегот од градските и приградските улици.

Од денеска почнува санацијата на ударните дупки на улиците во Битола и руралните средини кои се дел од општината, најави директорот на ЈКП „Нискоградба“, Методи Силјановски.

Битола утрово осамна со снежна покривка од 16 сантиметри и уште во текот на ноќта во првите шест часа од снежните врнежи, ЈП „Нискоградба“ ги исчисти улиците од прв и втор приоритет.  

-Исчистени се улиците од прв и втор приоритет уште во текот на ноќта, а подоцна и приградските населби. Напочеток беа посипени ризла и сол , а откако наврнаа над десет сантиментри снег ја вклучивме целокупната механизација на претпријатието, изјави Методи Силјановски, директор на ЈП „Нискоградба“ во Битола,  за апла.мк.