Со традиционалниот шпански танц денес на плоштадот Магнолија во Битола се претстави ансамблот „Франсиско Гоја“ од Мадрид, Шпанија. Нивната игра беше уживање за минувачите. Создадоа музика удирајќи со костањети и пеејќи. Им се придружија и маријачи на жичени инструменти, па се создаде несекојдневна атмосфера за уживање во убавите звуци, танцот и живата музика.  Настанот беше дел од уличните перформанси „Музика на Широк Сокак“ во рамките на Илинденски денови.