Фотографски разгледници, тоа е можеби најсоодветниот термин да се опишат фотографиите на Сашо Ставрев од изложбата „Пелистерска зимска рапсодија“ кои се дел од годинешната Зимската приказна во Битола. Во Офицерскиот дом изложени се десетици фотографии кои го покажуваат неговиот сензитивен лов на пелистерски убавини. Од побелени планински стрмнини кои се отсликуваат во Пелистерските Очи, покривки од мраз над речните долини, залези и изгрејсонца на врвови и уште голем број други величенствени прирдони убавини.

„Зимска рапсодија содржи фотографии- разгледници вистински да им се допаднат на луѓето. Целта ми беше да им ги покажам убавините на Пелистер, посебено на повисоките делови зашто знам дека луѓето сакаат да одат, а немаат можност. Ми се роди идеја следната изложба да ги поставам фотографиите кои најмногу ми се допаѓаат и да ги поделам на секој што сака да ги има. Не можат сите да ги видат езерата барем нека ги гледаат на фотографија“, рече Ставрев.

Тој е исто така голем вљубеник во планината како и неговиот тетко Петар Стврев. Вели дека во него имал добар водич и учител како во планинарењето, така и во фотографирањето. Дел од сликите се направени додека го придружувал во неговото традиционално искачување на врвот Антена на втори јануари кога им носи шампањ по повод Нова година на вработените на пунктот на Македонската телевизија. Но, и од минатата Нова година кога беше дел од манифестацијата „Први на први“ кога група битолски искусни планинари се исчакуваат првото изгрејсонце да го дочекаат на врвот на Пелистер.

„Изложбата ми даде потешкотии бидејќи бев тематски распределен само зимски период, па повеќе се чувствав како селектор отколку како автор. Од многу фотографии избирав, но најмалку ги имав зимски. Лесно е ќе се качиме до Видоковец или до Големо Езеро преку лето, но за ова треба наменски да се подготвуваш. Зимата најмаку ја сакам , сум риба во хороскоп и сакам да се капам на езеро. Но, сепак снегот има своја романска, изгрејсонцето е посебно доживување“, рече Сашо Ставрев.