И преживеаните бранители жестоко реагираат на ваквиот вандалски чин.

-Исчкртаниот споменик го видов вчера додека на ученици од основно училиште и нивната наставничка им раскажував за она што се случуваше во 2001 година. Навистина е тажно на овој начин да се уништува споменикот на бранителите кои учествуваа и загинаа бранејќи го суверенитетот и интеритетот на нашата држава, тие не го заслужуваат ова. Сквернвењето е лош пример за младите, кој упатува на непочитување на вистинските вредности и непочитување на овие луѓе кои ги положија своите млади животи, изјави за апла.мк, Сашо Гилевски, преживеан бранител од конфликтот во 20001 година кој ги извлекуваше мртвите тела на своите соборци.

Гилевски попладнево го избриша графитот од споменикот и на својот фејсбук профил порача „кои и да сте немојте да гибате по моштите на моите браќа колеги кои го дадоа својот живот во 2001 година, не ми беше тешко го исчистив сам“.

Битолчани бараат полицијата да ги открие и казни  строителите.

Истиот симбол е испишан на многу места низ градот, меѓу кои и на партизанската плоча кај Стара Болница каде што порано бил озлогласениот бугарски затвор каде биле мачени многу од борците за слобода за време на НОБ. 

Инаку познатиот код 420 означува глобално движење, односно Светски ден на канабисот и се одбележува на 20 април со протести за негова слободна употеба. Постојат повеќе теории за потеклото на овој симбол кој се поврзува со марихуаната, а најприфатена е онаа која се смета дека станува збор за шифрата 4:20. Во почетокот на 70-тите години од минатиот век група од неколку средношколци од Сан Рафаел во Калифорнија започнуваат да ја употребуваат оваа фраза како таен код, на тој начин договарајќи се дека ќе се чекаат после часовите со џоинт пред статуата на Луј Пастер во 4,20 часот.