Градинките сега се подновени со нови гардеробери, масички, столчиња, креветчиња и клупи. Мебелот во двете градинки е набавен со сопствени средства на ЈОУДГ „Естреја Овадија Мара“ во износ од околу 1,6 милиони денари.

„До крајот на месецот ќе пристигнат и нови теписи за сите девет градинки. Желба ми е сите градинки што се под моја надлежност да добијат нов лик, слично на новите занимални кои ги отворивме пред еден месец. Целокупниот мебел скоро во сите објекти е во очајна состојба и треба да се промени. Среќна сум бидејќи почнавме од некаде, сѐ со цел подобрување на условите за згрижување на најмладите и најмили, да имаме исто така задоволни родители и вработени. Опремувањето на градинките ‘Пролет’ и ‘Снегулка’ ми се мотив за подобрување на условите во градинките, а тоа го правиме со многу желба, ентузијазам, професионалност и посветеност“, вели директорката на ЈОУДГ „Естреја Овадија Мара’’, Лидија Тфирст Митревска.

Исто така набавен е и нов мебел за правната служба, книговодството и логопедот, бидејќи како што велат во градинките, условите во кои работеле беа очајни, со мебел стар колку и занималните 45 години.

Ж. Здравковска

Новиот мебел вo „Пролет“ 

Нов мебел во „Снегулка“

Како беше претходно