Додека траат препораките младите да не одат на групни собири, гимназијалецот Пантелејмон Трпчевски, ученик од четврта година во гимназијата „Јосип Броз Тито“ во Битола, времето од принудниот распуст го искористи за уживање во природа. Тој вчера се искачи на врвот Пелистер и за нашата редакција испрати прекрасни фотогрaфии од незаменливата природа на Пелистер облеана со сончевина. Пелистер е место кое е недостижно за коронавирусот и грипот, а чистиот воздух лек за добар имунитет. 

„Во врска со новонастаната ситуација со коронавирусот, јас сум матурант од Горната гимназија и максимално го искористувам привремениот распуст на нашата најубава планина Баба...“, ни напиша Трпчевски.

Фотографиите од врвот Пелистер никого не оставаат рамнодушен. Материјалот изобилува со пејсажи од планински предели, изгрејсонца и заоѓања на врвот. Снегот наликува на песочна плажа покрај пладневното сонце.

Ж.З.