И ноќеска , двe вечери со ред, Пелистерската мечка се навратила во пчелaрникот на битолчанецот Никола Наумовски и уништила уште 5 сандаци со пчели, или вкупно во два дена 9 сандаци. Пчеларот Никола Наумовски-Ниче, чии пчеларник е на само еден километар од Битола пред патот за Дихово, вели дека мечката повторно му направила штета и стравува за останатите пчелни семејства. 

-Завчера 4 сандаци, ноќеска 5, како да се заштитиме? Денеска дојде комисија да направи увид на штета од вчера што пријавив, а затекна нова состојба. Во истовреме поради ситуацијата во опасност ми се сите пчелни семeјства, а нема како да ги заштитам, вели Наумовски за Апла.мк.

Според него државата мора да ја ревидра  забраната за отстрел на кафеавата мечка, и да дозволи отстрел. Многу се размножени и прават штети, а сега заради полицискиот час слегуваат и до градот, апелира Наумовски.