Несовесни млади битолчани од амфитеатарот на Тумбе Кафе секоја вечер прават депонија. Забавите на овие несовесни битолчани завршуваат со купишта ѓубре расфрелно насекаде, по скалите, по тревата, а се кршат и уништуваат и камените плочи. Стаклените шишиња се расфрлени и искршени наоколу, а сликите од ова место секој ден се полоши и полоши . Повозрасните битолчани кои наутро пешачат до Тумбе Кафе се ужаснати од глетката.

-Свеста на младите во однос на отпадот и загадувањето  е на многу ниско и загрижувачко ниво, секое сабајле амфитетарот е полн со ѓубре со шишиња од нивните пијанчења. Ние повозрасните им го собираме ѓубрето, бидејќи жалосно е да се гледа како се уништува просторот , велат нашите соговорници и апелираат до битолската полиција навечер да ги засили контролите на Тумбе кафе и на Градското шеталиште каде несовесни млади лица уништуваат и крашат на спортските терени и во паркот.