Денеска, кога со сета почит и достојно се сеќаваме на државотворните настани на двата Илиндена во  1903, и во 1944, од перспективата на оваа 2023 година, неминовно е да се соочиме со фактот дека треба да  ја прифатиме државотворната агенда на концептот за Македонија кој не повикува: Да ја градиме како граѓанска држава, која ќе биде слободна татковина на сите граѓани и на сите етнички заедници кои ќе ги уживаат благодетите на земја членка на Европската Унија.

Од АД ЕСМ подружница РЕК Битола  И Синдикатот при РЕК на граѓаните на Република Северна Македонија им го честитаат големиот национален и верски празник Илинден, кој  претставува симбол за македонската непокор, желба и одлучност на многу генерации во минатото за денес да живееме во слободна и независна држава, празник во кој се чествуваат храбрите илинденци и  пожртвуваните партизани од Народнослободителната војска кои ги положиле животите за создавање на сопствена и слободна држава. На сите граѓани им посакуваат овој голем ден да го поминат во здравје, среќа, радост и  љубов. 

Со отворањето на манифестацијата „10 дена Крушевска Република“ вечерва (1.8.2023 г.) на Гумење во Крушево,  под слоганот „120 години Илинден – Огниште на татковината“ и официјално почна чествувањето на големиот празник 2 Август, Илинден – Денот на Републиката.

На отворањето на манифестацијата на која се обрати претседателот на Владата Димитар Ковачевски присуствуваше и министерката за култура Бисера Костадиновска-Стојчевска.

Ковачевски на манифестацијата „Десет дена Крушевска Република“ рече „пред нас е аманетот на Илинденците и Асномците, дека секоја битка за македонскиот напредок– вреди!“

„И Илинденските и Асномците се бореле со се што имале, а најмногу со своите животи за меѓународно внимание, помош, поддршка, за вистинско признание од другите народи, нации и држави! И во тоа успеале! Но, нивните идеали и принципи се идентични и денес! И токму по Илинден 903-та, Асном 44-та, но и Скопје 1991-ва, клучното прашање е: каква држава сакаме и правиме денес? Каква држава сакаме да оставиме утре? Сакам јасно и силно да истакнам дека и ние имаме обврска, имаме незавршена работа, континуирано да ја градиме државата како слободна држава на слободни граѓани! Држава со своја историја, сегашност и иднина! Тоа е нашата обврска, тоа е нашиот наследен завет и аманет, тоа мора да биде нашето наследство за идните генерации! Ние знаеме дека од Илинден - до денес, ништо не било лесно. Затоа што и нема лесен пат до вредна цел. Илинденците и Асномците не се прашувале дали вреди да се продолжи. Не калкулирале со следниот потребен чекор. Не бегале од одлуки и не се криеле. Знаеле и дека во обединувањето е силата – и така и постапувале. Одлуките на илинденците и асномците обврзуваат дека битките се водат, не се напуштаат! Така е добиена битката за слобода. За своја македонска држава. За свој македонски јазик. За признавање на македонскиот идентитет“, рече Ковачевски во Крушево. 

Министерката Костадиновска-Стојчевска по повод одбележувањето на  120 години од Илинденското востание и Крушевската Република порача - „Крушево одново сведочи на нашиот копнеж, на нашата битка до последен за слобода, на нашиот глас до светот дека ние Македонците сме жедни за своја Татковина и дека и ние Македоците имаме право на неа. Под бајракот на скапо платената слобода, продолжуваме да ги чуваме и реализираме вредностите на двата Илиндена, 1903 и 1944 година. Нашите илинденци, нашите партизани се најсветиот дел од нашата историја, од нашиот идентитет“, рече Костадиновска -Стојчевска од Крушево .

Манифестацијата  „10 дена Крушевска Република“ која ги претставува културата, традицијата и историјата на Крушево за присутните реализираше богата програма и целовечерен концерт на повеќе изведувачи.

Во американскиот Сенат, слично како во германскиот Бундестаг, предложена е резолуција поврзана со македонскиот народ и наследство. Според републиканскиот сенатор од Индијана Мајк Брон, целта е да прослават слават јазикот, историјата и културата на македонските Американци. Во резолуцијата се вели дека е важно да се истакнат клучните придонеси и културно влијание на македонските Американци во САД, објави Гласот на Америка. Според проценките, денеска во САД живеат околу половина милион граѓани со македонско потекло.

Според Мето Колоски, коосновач и волонтерски претседател на Обединетата македонска дијаспора која ја поднесе иницијативата за резолуцијата, ова е важно за Македонија и македонскиот народ. Во разговор за „Локално“ истакна дека се бара претседателот на САД да го прогласи септември како месец за македонско-американско наследство.

Ова е признание за Македонците во Америка и нивната улога во унапредување на САД во последните 150 години. Слични месеци има за други етнички заедници во САД, и не бараме ништо друго освен поголемо признание на нашата заедница, која се претпоставува дека има над 500.000 Американци со некакво македонско потекло или родум во САД, потенцира Колоски.

Истакнува дека Резолуцијата не е поврзана со уставните измени во Македонија. Колоски ни посочи дека слична резолуција беше прогласана во Мичиген пред три години пред, како што вели, лошиот француски предлог.

Имаше и две предлог-резолуции во Конгресот во минатиот состав. Ставот на ОМД е јасен, доколку Бугарија сака уставни измени во Македонија да се стави некакво бугарско малцинство, нека Бугарија направи уставни измени кај нив и македонското малцинство во Бугарија да го признат како малцинство со сите човекови права. Бугарија треба да си го реши „македонскиот синдром“ што го имаат, дециден е коосновачот на ОМД.

Во однос на резолуцијата за Илинден, поднесена од владеачката партија во македонското Собрание, Колоски вели дека не ја прочитал резолуцијата и не може да ја коментира, но не е спорно церемонијална резолуција во било кое собрание и прославување на празник или годишнина.

120 години од Илинден е голем ден за Македонија и македонскиот народ и треба сите да го почитуваме и да не ги заборавиме жртвите кој ги дадоа своите животи за слободна, независна и суверена Македонија. Вечна им слава и да продолжиме да ја градиме Македонија на прав пат, а не задоволување на апетитите на соседите или некавки туѓи интереси, порача македонскиот граѓанин кој живее во САД.

Пред повеќе од еден месец беше донесена важна резолуција во друга држава, поврзана со нашиот народ и идентитет. Германскиот парламент на 15 јуни донесе резолуција за поддршка на европскиот пат на нашата земја, во кој ја признава македонската култура, идентитет и јазик. Во документот се препорачува германската влада да ја повика Бугарија да го поддржи патот на Македонија кон ЕУ во рамките на постигнатиот компромис и да се воздржи од поставување дополнителни услови. Нашата земја е повикана да ја спроведе договорената промена на Уставот и да ги внесе етничките Бугари во земјава.

Извор Н.П., Локално.мк 

Линк https://lokalno.mk/

Фото Диоген Хаци-Коста Милевски 

Несекојдневен настан се случи денеска во Воената академија „Генерал Михаило Апостолски” во Скопје. Додека свој говор имаше министерката за одбрана Славјанка Петровска, мало улично кученце се качи на бината срамежливо барајќи вода.

Истото кученце дефилираше и додека им честитаа на новите потпоручници и офицери во Армијата, со што ова кученце ги освои срцата на сите присутни. Пред присутните министерката Петровска соопшти дека кученцето ќе го однесе на ветеринар, а потоа и ќе го вдоми кученцето, кое ќе биде нов чувар во Министерството за одбрана.

Министерот за внатрешни работи Оливер Спасовски во интервју за Бриф разговара за проектот „Отворен кабинет“, зголемување на платите на полициските службеници, изградба на нови и реконструкција на постоечките објекти на МВР, како и чествувањето на претстојниот празник Илинден.