АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Ноември 21, 2024
Обука во рамки на проектот „We Lead The Changes“
Ноември 13, 2023Во рамки на проектот “We Lead The Changes“ на 11 и 12 ноември во Битола се одржа дводневна работилница за политички систем и локална самоуправа наменет за жени и девојки од ромската етничка заедница во Битола.
На првиот ден од обуката обучувачот м-р Диоген Хаџи Коста Милевски ги запозна учесниците со основите на политичкиот систем, улогата на граѓаните во политиката и нивното значење за процесот на креирање на одлуките во едно општество.
Вториот ден од обуката беше посветен на локалната самоуправа и начините на учество на граѓаните во процесот на креирање на одлуките на локално ниво. Учесниците во работилницата под менторство на обучувачот преку дебата и групна работа подготвија предлози и барања кои во периодот кој следи ќе бидат доставени до локалната самоуправа а се насочени кон унапредување на статусот на жените ромки во Битола.
Проектот е имплементиран од страна на организациите Здружение на жени Ромки – Лачо Диве и Здружение за развој на ромската заедница – Сумнал. Со финансиска поддршка од Регионалната Ромска Образовна Младинска Асоцијација „PPOMA“, во рамки на проектот „Romani women POWER OF CHANGE“ in the Western Balkans and Turkey“. #WeLeadTheChanges #НиеГиВодимеПромените
Со концерт и изложба Битола се сеќаваше на големиот музичар и диригент Георги Здравев
Ноември 13, 2023СДСМ: Просветните работници за првпат по 23 години ќе добијат К-15
Ноември 10, 2023Прес конференција на Весна Баковска од СДСМ:
,,Просветните работници во Битола за првпат после 23 години, годинава ќе добијат К-15 во износ од 10.000 денари. Владата предводена од СДСМ го врати регресот за годишен одмор и одвои средства во буџетот кои до крајот на годината треба да бидат исплатени на сметките на наставниците и професорите. Последно, наставниците зедоа К-15 во 2000-та година и тоа наместо пари, добиваа канти сирење, маслинки и месни производи.
Владата предводена од СДСМ не ги троши парите на стиропор и жални врби, туку во зголемување на платите. Од формирањето на Владата пред шест години досега, платите на наставниот кадар се зголемени за 55%. За споредба, во 11 години владеење, ДПМНЕ ги зголеми платите во образованието за само 4%. Претходниот период го паметиме и по казните од екстерните тестирања, 60 милиони евра потрошени за компјутери за секое дете кои никогаш не проработија, а наместо студентски и ученички домови, се градеа споменици.
Подобрување на животниот стандард на граѓаните е основна цел на Владата предводена од СДСМ. Враќање на достоинството на наставниот кадар е еден од нашите приоритети!", рече Баковска.
СДСМ: Парите кај граѓаните, не во стиропор!
Ноември 09, 2023СДСМ Битола пренесувајќи го фесјбук статусот на министерката за труд и социјална политика Јованка Тренчевска порача : „Ова се резултатите од работењето на Владата на СДСМ! Парите кај граѓаните, не во стиропор!“
„Од 2019 година до денес зголемување на платите во градинките. Воспитувачите за 54% поголема плата! Негувателите за 47% поголема плата! Хигиеничарите за 64% поголема плата! Затоа што го цениме трудот на вработените на кои им е доверена иднината на нашите деца“, објавија од СДСМ.
Илиевски: Коњановски и ДПМНЕ за 2 години потрошија над 60 милиони евра, а абер немаат да ги почнат ветените проекти
Ноември 09, 2023„Коњановски и ДПМНЕ за 2 години потрошија над 60 милиони евра, а абер немаат да ги почнат, камо ли да ги реализираат проектите што ги ветуваа. Нема нови инвестиции, нема спортски комплекс, нема ново училиште, нема нова зграда за пожарната, нема рекреативен центар Смолево...Нема ни отчет каде се потрошени парите на граѓаните“, рече Методија Илиевски, кооринатор на советничката група на СДСМ на денешната седница на Совет освернувајќи се на предизборните ветување на ВМРО-ДПМНЕ
Корлевски: Во ребалансот што го предлага Коњановски, парите за К-15 и повисоки плати се обезбедени од Владата што ја предводиме
Ноември 09, 2023„За проекти и реализација не ги бива, ама за извртување на вистината ДПМНЕ се махери! Во ребалансот што го предлага Коњановски, парите за К-15 и повисоки плати се обезбедени од Владата што ја предводиме! И нашите сограѓани ќе ги добијат! Спорни се намерите на Коњановски и ДПМНЕ да се расфрлаат со пари за работи кои треба да се платат следната година, изјави советникот од СДСМ Борче Корлевски на денешната седница на Совет.
Возот од Скопје за Битола се расипал кај Богомила, па патниците се вратиле со комбиња
Ноември 08, 2023
Патниците кои тргнале со возот од Скопје во 14,30 часот во Битола стигнале дури вечерта во 21 часот, сведочат читатели за Апла.мк. Според нив, возот се расипал кај Богомила, па патниците чекале пет часа. Откако на крај изгубиле надеж дека ќе се поправи со комбиња доашле до Битола.
Полскиот амбасадор во посета на Битолската библиотека, договорена соработка со директорот Стефановски
Ноември 08, 2023Директорот на НУУБ „Св. Климент Охридски“- Битола, м-р Бојан Стефановски беше домаќин на амбасадорот на Република Полска во Република Северна Македонија, господинот Кшиштоф Гжелчик.
„Господинот Гжелчик на функцијата амбасадор во Република Северна Македонија е официјано од мај 2023 година, со што посетата на нашата библиотека е на почетокот на неговиот мандат. За време на посетата, делегацијата од Амбасадата на Р. Полска предводена од амбасадорот имаа можност да се запознаат со работата на библиотеката, како и со тековните и веќе реализираните проекти, а се разговараше и за заедничка соработка“, соопштија од Битолската библиотека.
На средбата се постигна меѓусебен договор во кој предвидено е реализирање на низа заеднички активности во наредниот период. Првично планирано е фондот на Библиотека да се збогати со книги од полски автори на полски јазик, како и книги преведени од полски на македонски јазик. Потоа планирано е збогатување на библиотечно катче со полска литература во склоп на библиотеката.
Во текот на наредната година предвидени се уште неколку активности во делот на популаризација. Месец мај во Република Полска е посветен на популаризацијата на полската литература и култура во странство. По тој повод, на оваа посета беа договорени обуки на библиотекари, културни манифестации и семинари во кој учество ќе земат познати полски писатели и библиотекари, како и размена на библиотекари во и од Република Полска и Република Северна Македонија, со цел размена на искуства и пратење на моредните трендови од библиотечното работење.
„Нашата библиотеката е институција која поддржува културна размена, развој во областа на библиотекарството и секогаш работи во интерес на читателите“, велат од НУУБ „Св.Климент Охридски“ Битола.
Најчитани
