Инспирирана од саат кулите во македонските градови, дизајнерката Ангела Христовска, креира уметничка динамична типографија (31 кирилична буква). На дизајнот претходеше анализа на темата односно истражување за постоењето на саат кулите, нивната функционалност, традиција и приказна која ја носат со себе.

Секоја буква го има во себе кругот како симбол на часовниците, времето, традицијата и културното наследство на македонските градови. Ова писмо го нарече ВРЕМЕ.

Како што се продлабочуваа приказните за саат кулите, се градеа логотипите за некои од македонските градови кои во срцето на својот метеж го чувствуваат отчукувањето на традицијата и историјата. Со користење на буквите од писмото „Време“ се развија логотипи за градовите Битола, Охрид, Прилеп, Крушево и Велес. Кружните типографски елементи се застапени во секоја буква од овој уметнички динамичен фонт, а композицијата со логотип на градовите пак е инспирирана од механизмот што го движи инструментот за покажување на времето. Механизмот е асоцијација на животот.

Овие логотипи се потсетување за „градовите“ да се грижат за своето културно наследство а за граѓаните да ги раскажуваат своите приказни, бидејќи само така можеме да ја градиме меморијата на времето кое миналo, само така можеме да ставиме ред во комплексниот универзум.

Логотипите и буквите имаат цел да дадат дополнителна промоција на македонските градови и знаменитости преку употреба на кирилични фонтови и типографски елементи и да потсетат на важоста на културното наследство споменувајќи ги градбите на саат кулите како иницијална точка за будење на свеста за зачувување и негување на кирилицата и културносто наследство. 

Логотипите и буквите Здружение на граѓани за поинакво делување АРТАКТ, Битола, ги ставаме на располагање на градовите (локалните самоуправи) и граѓаните кои можат бесплатно да ги користат.Проектот Урбана Кирилица го имплементира Здружение на граѓани за поинакво делување АРТАКТ Битола и се реализира со финансиска поддршка на Министерство за култура на Република Северна Македонија.

Вечерва со почеток во 20.00 ч. во Свечената сала на Офицерски дом - КИЦ Битола, се отвора Првото меѓународно биенале на минијатурни графики и цртежи – Битола 2023. Ова е најголем ликовен настан во земјава во овој период на годината, а единствен ваков во регионот.

Нашата главна цел како министерство е секоја една педа обработлива земја да ја ставиме во функција за производство на храна, истакна министерот за земјоделство, шумарство и водостопанство, Љупчо Николовски во Дневникот на Македонската радио телевизија.

Оваа цел, додаде министерот Николовски, произлегува од донесениот Национален план за производство на храна што министерството уште минатата година го подготви и донесе. Токму во таа насока се и предложените измени во законот за земјодлеско земјиште, преку кои за прв пат се пропишуваат јасни одредби кои имаат за цел заштита на земјоделското земјиште

Околу четириесетина камери ќе треба да бидат поставени на триесетина локации во Битола за градот да добие виде наздор со цел поголема безбедност на граѓаните и јавните добра. Ова го предвидува физибилити студијата што по нарачка на Општина Битола ја изработи фирмата „Кабтел“ од Скопје.

Во физибилити студијата направено е мапирање на клучни локации за снимање од влезовите на градот, клучните крстосници и пешачките зони, средните и основните училишта, парковите, делови каде се одлага комунален одпад, објектите за култура, плоштадот и Широк Сокак.

Видео надзорот ќе биде слрден од еден мониторинг центар, а Тони Ѓоргиев претставник на фирмата која ја изработи студијата рече дека приватноста на граѓаните нема да биде загрозена.

„Опфатени си сите аспекти од Законот за заштита на лични податоци, земајќи во предвид сегментот каде треба да се заштити приватноста, а каде треба да биде изложена за да се заштити безбедноста на граѓаните. Податиците нема да бидат злоупотребувани, ќе се користат ислучиво за да се зголеми безбедноста на граѓаните и градот“, рече Ѓоргиев.

Предвидено е камери да се постават и во парковите, каде често се случуваат девијантни однесувања, односно кршење на клупи, дрвја, канделабри и друга урбана опрема. Изработувачот на студијата посочи дека за да се постават камерите нема да бидат сечени дрвја, туку ќе се најдат соодветни места за да може да се снима потребниот агол, а да не пречат крошните. Воедно, за да биде заштитена камерата од кражба или демолирање, се поставуваат две вкрстено.

„Во општина Битола повеќе години наназад се зборува за потребата од видео надзор, тоа е барање и од граѓаните со цел подигање на нивото на безбедност на градот, заштита од внадализам со кој се уништуваат опрема или објекти поставена на јавни површини, јавни добра. Целата е намалување на криминалот, насилството, одржување на хигиената“, рече градоначалникот Тони Коњановски.

Засега нема теримин кога ќе биде изработен проектот за видео надзор и кога ќе биде инсталиран на терен. Надлежните рекоа дека ова обемен проект кој бара добивање на бројни дозволи. Колку точно ќе чини ќе се знае откако ќе се направи фаиналана премер пресметка.