Раководството на Стрежево ќе ги преземе сите законски мерки и нема да дозволи земјоделците и правните лица да се соочат со рестрикции на вода, граѓаните да немаат доволно вода за пиење и да се загрози исплатата на плата на 250-те вработени, и ќе продолжи професионално и успешно да го води Хидросистемот , рече директорот на ЈП „Стрежево“, Менде Граматковски, во врска со долгогодишниот сидски спор со ЗК Пелагонија и обидите да се блокира сметката на претпијатието. 

Комисијата за подигање спомен обележја при Советот на Општина Битола со два гласа „за“ и 2 „воздржани“ не ја прифати иницијативата на Сојузот на борци од Битола за поставување биста за првоборецот Пецо Гуросвки. Тие ги прифатија иницијативите за подигање биста на народниот херој Васко Карангелевски од Сојузот на борци-Битола, спомен обележје за Јонче Мурџевски од истоимената месна заедница и спомен обележје за ликот и делото на пејачот Јонче Христовски поднесена од семејството.

Со тоа овие три иницијативи станаа составен дел од од Програмата за спомен обележја од 2023 до 2028 година кој треба да се изгласа на Советот, но не и онаа за Пецо Гудовски.

Инаку Гудовски (1920-2008) беше припадник на македонското националноослободително и комунистичкото движење и учесник во антифашистичката борба. Тој е дедо на актуелната министерка за култура Бисера Костадиновска –Стојчевска од СДСМ.

Во Комисијата за подигање спомен обележја „за“ гласаа Кети неделковска, советничка од СДСМ и Кире Климевски од ВМРО-Народна, а воздржание беа Сашо Никовски од ВМРО-ДПМНЕ и Марта Ѓоргиевска од СПМ.

Гудовски е родум од Лавци, работел во селското училиште како служител и така започнале неговите први активности и контакти со селскиот учител Тошо Даскалот. Заедно со него имал заслуги за основањето на првиот партизански одред „Пелистер“. Под сомнение дека одржува врски со Тошо Даскалот бил во затвор и измачуван повеќе од 40 дена. Бил челен на одредите „Даме Груев“ и „Гоце Делчев “, баталјонот „Стив Наумов“, Првата македонско-косовска ударна бригада и учествувал во борбите во Егејска Македонија, Кочани и Куманово..Исто бил заменик командант и на Седмата македонска ударна бригада. Носитело е на многубројни одликувања од времето на НОБ.

И родот на боровинката, најсобираната бобинка на Пелистер, годинава е намален поради интензивните врнежи дожд во мај, јуни и почетокот на јули кога растението цветаше. Ова е уште еден растителен вид со намален принос годинава поради климатските прoмени, покрај житото, пченката и дел од градинарските култури. Бидејќи бербата е во тек, не може да се даде точна бројка за колкав процент е намален приносот, но од Нaционалниот парк „Плеистер“ велат дека лани родот беше значително поголем од оваа. Дополнителен проблем е и тоа што моликата, симболот на Пелистер, исто така погодена од глобалното затоплување, се повеќе ги освојува просторите на боровинката.

„Родот на боровинката најповеќе зависи од климатските услови, доколку во периодот на формирње на цут и плод времето е врнежливо, формирањето на плод е оневозможено и родот во таа година е помал. Промените се должат највеќе на временските услови, но има и еден природен процес кој се случува изминатите 20 години. Моликата како пионерски и светлољубив вид освојува голини и камењари и се искачи на надморска висина до 2.600 метри, до самиот врв, со тоа значително се намали површината под боровинка“, вели шумарскиот инженер Зоран Пројчевски.

 

Според него, контролираното ширење на моликата во зоната на одржливо искористување во паркот е препорачлива мерка за намалување на негативното влијание.

Експертите промената кај боровинаката под влијание на климатските промени ја забележаа уште пред неколку години, кога во рамките на проектот „Одржливо управување со растителните природни ресурси“ утврдија дека плодот на боровинката е намален. Во последните години инзнесува 0.238 грама, а во 1950-ите години бил 0.267. Тошо Арсов, професор на Факултетот за земјоделски науки и храна и експерт за самоникнати растенија, пред три години изјави дека боровинката се качува на повисоко поради притисокот од инвазивните видови. Тој рече дека под моликата и елата се среќаваат боровинки со многу помала продуктивност.

Од боровинката во исхраната се користат плодовите и листовите. Плодовите покрај во свежа состојба, се користат и за преработување во сируп, овошни сокови, мармелад, слатко, компот, ракија и вино и како сушени плодови. Сувите листови се кроистат за подготовка на чај и се со висока концентрација на витамин Ц и влегуваат во состав на чаевите за намалување на нивото на шеќер во крвта. Сувите плодови се меѓу најефикасните средства против дијареа, се користат при воспаленија на слузокожата на желудникот и цревата.

Ж.З. 

„Денес во Собранието стана кристално јасно кој навистина сака Северна Македонија да стане просперитетна држава, земја членка на ЕУ, а кој сака да ја блокира европската иднина на државата“ рече премиерот Димитар Ковачевски на прес-конференција.

Тој додаде дека се потврди дека Владата и сите политички партии и чинители од проевропскиот фронт ѝ мислат добро на државата, граѓаните и се за интеграција на државата во ЕУ, како што беа и за НАТО.

„Денес повторно се потврди дека единствената идеологија на ВМРО-ДПМНЕ е блокада и изолација и тоа проеврпски ориентираните граѓани нема да го заборават и простат. Ова блокирање кое тие долго го заговараат нема причина да се случи“ рече Ковачевски.

Премиерот додаде едка ВМРО-ДПМНЕ нема никакви аргументи, дека нема идеја за дискусија и поради тоа не води дебата.

„Со огромна леснотија тие покажуваат дека се подготвени да ја блокираат европската иднина само за лични цели, а против подобар и попросперитетн живот за граѓаните и остварување на стратешката цел – членство во ЕУ“ рече Ковачевски.