Координаторот на советничката група на СДСМ Методија Илиевски, на денешната седница на Совет, од говорница го праша Тони Коњановски дали планира да ја напушти градоначалничката фотелја и да стане носител на листата на ВМРО-ДПМНЕ во петтата изборна единица, а со тоа и иден пратеник.

„На 20 декември бевте прашан дали ќе бидете носител на листата во петтат изборна единица, а одговорот Ви беше ‘рано е за било какви коментари на таа тема’. Дали вашето колебање и двоумење денес да се појавите на седницата на Совет каде е ваша морална, законска и етичка обврска да го образложите буџетот, е доволен показаател дека сакате да избегате од моменталната фотелја и дека не сте задоволни од вашата работа во изминатите години, дека ставате потврда дека Вие ги потрошивте финансиските средства во изминатите 2 години, а немате видливи резултати? Да ми одговоирите дали ќе ја напуштите градоначалничката фотелја и ќе потврдите дека ги изневерувате битолачни и ќе станите носител на избортна единица број 5“, праша Илиевски.

Коњановски му одговори дека: „„Од самиот избор насочен сум како градоначалник кон работата и одоворноста која ја зедов пред граѓаните да направиме нешто за градот. Сосема е рано и далеку, макар да сме длабоко навлезени во фолклорот на предизбориетои, во таа насока ги тумачам и сите наводи за носители на листи и пратеници. Она што го ветив и го чувствувам како обврска дека доследно, одговорно, принципиелно и отчетно ќе се залагам за подобрување на условците во градот“.

Ж.З.

Доцна синоќа советничкото мнозинство изгласа промена на претседателите на шест комисии на Советот на Општина Битола. На местото на советниците од Коалицијата на ВМРО-ДПМНЕ,  изгласани се претседатели од Коалицијата на СДСМ и од редовите на Поинаку.

На челното место на Комисијата за спорт и млади на кое беше Зоран Петковски, сега е назначен Борче Корлевски од СДСМ. На местото на Бојан Бојковски во Комисијата јавни и комунални дејности поставена е Мирјана Захариевска-Ралевска од СДСМ. За претседател на Комисијата за економски развој доаѓа Елизабета Тодоровска од Демократскиот сојуз на Власите, на местото на Лидија Павловска. На Комисијата за јавни дејности Јадранка Павловска од СДСМ наместо Марица Тодоровска, на Комисијата за урбанизам и заштита на животната средина Жаклина Наумовска од СДСМ на местото на Ѓорги Ѓоргиевски. Промени има и во Комисијата за туризам која наместо Бојан Бојкоски во следниот период ќе ја води Иван Чулакоски од Поинаку.

Со ова за првпат Комисиите за јавно и комунални дејности и урбанизам ќе ги водат жени. 

Ж.З.

До доцна во ноќта Советот на Општина Битола распраше по предлозите за покачување на цената на водата за пиење за периодот од 2024 до 2026 година, но советничкото мнозинство гласаше против. Да не дојре до поскапување на цената гласаа советниците од СДСМ со колалицоните партнери, Поинаку и Левица, а ВМРО-ДПМНЕ гласаа воздржано.

Од Советот беше побарано да донесе одлука за поскапување на водата за пиење за 6,9 денари за домаќинствата и 5,2 денари за претпријатијата за 2024 година. Според тоа, домаќинствата наместо 31,78 денари за кубик вода ќе требаше да плаќаат 38,71 денар, а фирмите од 52,80 на 58,07 денари. Покачувањето на цената во 2025 и 2026 година ќе беше помало и ќе се движеше од 0,9 дени до еден денар за метар кубен вода.

„ВМРО-ДПМНЕ изгуби се во овој град. Го изгубија мнозинството во Советот, денес ќе ги изгубат и претседателите во комисиите. Утре ќе го изгубите бројот на членови во Комисиите, за неполни два месеци ќе ги изгубите и членовите во Управните одбори.  Тоа е реалноста во Општина Битола. Денес ние ќе гласаме негативно за програмите на јавните претпријатија. Ние нема да поддржиме субвенции за јавни претпријатија освен за Пела Линк, покачување на цена на услугите на претпријатијата не ни поаѓа ни на памет. А вие нема ва се справите со сето ова. И ќе ги оставите и ќе избегате како ѓавол од темјан и од јавните претпријатија и од Општина Битола. Ние ќе ја исправиме Општина Битола напред како што ја водевме четирите години. Нема да дозволиме да се случи хаварија никаде ни во Општината, ни во јавните претпријатија, рече Методија Илиевски, координатор на советничката група на СДСМ од Битола на денешната седница на Советот. 

Интегрален текст од прес конференцијата на градоначалникот Тони Коњановски: 

Денес и официјално бевме сведоци на новата коалиција во Советот на општина Битола, составена од СДСМ и Поинаку, што има јасна тенденција на пресликување на деструктивната централна политика на локално ниво.

И за едните и за другите, главен приоритет е незаконското работење, партизацијата на институциите и блокирање на локалната самоуправа преку оневозможување на реализација на општинските програми, кои произлегуваат од приоритетите на нашите сограѓани, на битолчани од кои сме избрани сите да дејствуваме во интерес за остварување на истите.

Советничката Габриела Илиевска, продолжува да делува како продолжена рака на СДСМ, до скоро неодлучна во своите приоритети кои никако не им одат во прилог кон остварување на потребата на граѓаните од кои што е изгласана, такашто, нејзиното незаконско работење, денес е наградено со поддршка од СДСМ и покрај бројните решенија и дописи од државниот инспекторат за локална самоуправа, за прекршување на Деловникот за работа од страна на Илиевска.

Новата коалиција, која месеци наназад неофицијално се препознаваше, денес се потврди со неизгласувањето на разрешувањето на советничката Габриела Илиевска, од позицијата Претседател на Советот на општина Битола.

Зад ваквото делување, не постојат чесни намери и тоа лесно се препознава.

Мојата конструктивност, за која сум избран од граѓаните, продолжува и токму затоа со поддршка од општинската администрација, изготвени се предлог програми кои не се популистички, туку реални потреби за 2024 година за продолжување на инфраструктурните проекти, поддршката на спортот, социјалната заштита, образованието, културата.

Зад секоја кочница на реализацијата, одговорноста пред граѓаните, ќе мора да ја понесе новата коалиција на СДСМ и Поинаку која повеќе од очигледно е долго време планирана па оттаму доаѓа и одговорот зошто проектите и општинската работа во континуитет се кочат.

Интегрален текст од прес конференцијата на Бојан Бојкоски од ВМРО-ДПМНЕ: 

„Денес во очи на посетата на претседателот на СДС советниците од СДС со замајување на јавноста сакаат да ги покријат сите ветувања кои ги дадоа но не ги реализираа во овие 4 години централна власт. Неуспешен е спинот на СДС дека сметките за вода и канализација ќе поскапат поради директорите кои раководат со ЈП. Дури и врапчињата на гранките знаат дека регулаторната комисија за енергетика ја одредува цената на водата.

Со регулаторната комисија за енергетика раководат лица кои се партиски кадри на СДС кои освен партиските задолженија ништо друго не спроведуваат.

Исто така граѓаните треба да знаат дека со Одлука на Владата на СДС цената на водата на ЈП Стрежево ја поскапија за 20%. Дали Ковачевски е запознат со оваа одлука?

Сведоци бевме дека во изминатиот период поради неуспешните екомомски политики на владата на СДС, Македонија беше зафатена од екомомско цунами со незапамтена двоцифрена инфлација и енормно високи цени на електричната енергија. Уште еднаш да повториме дека ниту директорите ниту советот не ја утврдуваат висина на цената на водата.

Цената на водата се утврдува врз основа ЗАКОН ЗА УТВРДУВАЊЕ НА ЦЕНИ НА ВОДНИТE УСЛУГИ.

Крајно несериозно и потценувачко е да ја вреѓате интелегенцијата на граѓаните и да собирате ситни политички поени кога во 2018 година советниците од СДС гласаа ЗА поскапување на цената на комуналните услуги“. 

Интегрален текст од прес конференцијата на градоначалникот Тони Коњановски: 

Пред 15 тина дена предупредив дека, поради политички интерес, централната власт е насочена кон деструкција на битолското образование, преку одземање на ингеренциите на локалната самоуправа и целосна партизација на училиштата. Ваквиот процес континуирано продолжува со засилен интензитет.

Веднаш после мојата прес конференција, во која побарав спречување на крах во битолските основни и средни училишта со нивно оставање без 301 наставник, одземени ми се ингеренциите само во делот на назначување на директори на 2 основни и едно средно училиште.

Како резултат на тоа, во основното училиште „Свети Климент Охридски“, МОН за директорка ја назначи генералната секретарка на општинската организација на СДСМ, што сметам дека претставува директно инволвирање на политиката во основното образование.

Во основното училиште „Александар Турунџев“, каде веќе трет ден имаше бојкот на наставата од страна на наставниците, а каде исто така одземени ми се ингеренциите, именувана е претходната директорка, за која до општината претходно беа доставени повеќе петиции од страна на вработените во училиштето. Според моите информации, бојкотот е ставен во мирување денес после третиот час, во исчекување на решението од државниот просветен инспекторат, кој на барање на наставниците, изврши инспекциски надзор во училиштето.

Најголемата загуба во ваквите ситуации за жал е кај учениците.

Иако досега не е до мене стигнато решение за новоназначен директор на техничкото училиште, дали ваквиот тек на настаните наговестува дека и таму ќе биде назначено лице против кое се водат повеќе постапки за незаконско постапување?

Ваквата партизација во образованието, со одземање на ингеренции само во делот на назначување на директори, јасно говори дека има тенденција на испуштање од работа на веќе ангажираните наставници и професори и вработување на партиски кадри, што најмногу се рефлектира врз воспитно – образовниот процес на учениците.

Денес, веќе имам јавувања и од родители кои реагираат на очекуваната промена на наставници, за што, реагирале и во училиштата, а најавуваат и протести, доколку се случи отпуштање и смена на наставници. Учениците градат поврзаност со наставниците, а секоја промена, особено кога е масовна, за личностите во развој, не е едноставна.

Морам да напоменам дека, никогаш не сум бил против конструктивно делување и ангажирање на професионалци во дејноста, кои ќе придонесат за квалитетно образование и високи резултати на учениците.

Но, примерот кој го даваме сите ние како раководни структури на локално и централно ниво, на некој начин е модел на однесување кој понатаму го следат учениците.

Токму затоа, во образованието, секогаш мора да биде приоритет квалитетот, а партиските интереси мора да останат надвор од училиштата. Кога моите ингеренции се веќе одземени во споменатите училишта, го повикувам Министерството за образование да ја запре партизацијата на образованието, да не ги остави наставниците на улица, а на учениците да им овозможи настава каква што заслужуваат.

Министерката за култура, Бисера Костадиновска-Стојчевска, денеска се сретна со директорката на Заводот и музеј – Битола, Мери Стојанова, со која разговараше за тековните активности поврзани со реконструкцијата и адаптацијата на старото училиште „Димитар Влахов“, во село Љубојно, во Центар за промоција на македонскиот јазик.

На средбата беа дефинирани активностите што ќе следуваат по завршувањето на тендерската постапка, која е во тек. Теренот е подготвен, кажа министерката за култура Костадиновска-Стојчевска, и следниот месец може да започне реновирањето на старото училиште.