АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Ноември 24, 2024
БИТОЛСКИТЕ ПОЖАРНИКАРИ ЌЕ ДОБИЈАТ НОВА ОПРЕМА
Јули 17, 2018Битолската пожарна ќе се поднови со 16 дишни апарати, 42 специјални комбинезони за гаснење пожар на отворен простор, комплет со пожарникарски ракавици и чизми. Опремата се набавува во рамки на проектот Јакнење на капацитетите на територијалните противпожарни единици во Пелагонискиот регион (Битола, Прилеп, Ресен).
Центарот за развој на Пелагониски плански регион и Министерството за локална самоуправа на РМ, го потпишаа договорот за реализација на овој проект. Проектот е аплициран до Бирото за рамномерен регионален развој, а вкупната вредност е 4.163.550 денари.
„Поштомување“ е новата книга поезија на битолчанката Биљана Т. Димко во издание на фондацијата „Д-р Димитар Котевски“ Битола, а истата беше промовирана пред широката јавност на манифестацијата ,,Пријатели на фондацијата“, поезија на Широк Сокак 2018.
Позитивна критика за книгата напишаа познатиот лингвист, поет, есеист Радован П. Цветковски и м-р Симона Петровска. Радован П. Цветковски напиша дека Димко во своите стихови отвора нова поетска врата, потпирајќи се на народното и на мисловното по нешто блиски до Блаже Конески.
Секторот за внатрешни работи Тетово и Секторот за внатрешни работи Битола поднесоа кривични пријави против три лица за случајот со оставеното бебе пред влезот од Домот за доенчиња во Битола на втори јули годинава. Пријавите се поднесени против малолетната мајка на бебето, нејзиниот невенчан сопруг и нејзиниот татко.
Поради основи на сомнение дека сторилa кривично дело „напуштање немоќно дете“ поднесена е кривична пријава до Основното јавно обвинителство Битола против 17-годишната мајка од Желино.
Во РЕК за 6 пати помалку отскриена пепел на депонија
Јули 16, 2018Ако лани на одлагалиште имаше непокриена површина со пепел од 30 000 метри квадратни, сега тоа е сведено само на 5000 метри квадратни, рече Јани Макрадули, заменик министер за екологија на днешната средба со претставниците на невладините организации, пелагониските општини и раководството на РЕК во комбинатот.
Пронајден францускиот турист на Пелистер
Јули 16, 2018Спасувачите од Дирекцијата за заштита и спасување синоќа по полноќ кај Мало Езеро го пронајдоа залутаниот француски турист. Се работи за 23 годишно момче кое вчера попладне само се искачувало на Пелистер.
Француски турист се загуби на Пелистер, а по него до доцна во ноќта трагаа спасувачи од Дирекцијата за заштита и спасување, дознава Апла.мк.
Потрагата почна доцна попладнето кога спасувачите мораа да ја напуштат крштевката на ќерката на еден од спасувачите и да тргнат во потрага на Французинот.
Да го испратиме во историјата синдромот да го порекнуваме успехот на другиот, порача Заев од Битола
Јули 14, 2018Да го испратиме во историјата и да го заборавиме еднаш засекогаш синдромот да го порекнуваме успехот на другиот. Ова е успех на сите нас без разлика на политичката определба, порача премиерот Зоран Заев на општо народната прослава по повод поканата за членство во НАТО што вечерва се одржува во Битола.
Колумните што историчарот Александар Литовски ги пишуваше во периодот од 2015 до 2017 година, како општествно политичка дијагностика на дотогашниот режим, а според рецезентите со својата острина беа како глас во пустината, испечатени се во книгата „Нашето националистичко пијанство“.
Книгата која на 516 страници содржи 106 колумни на авторот Литовски, беше промовирана синоќа во битолската Магаза во присутво на претставници од државната и локалната власт, пратеници, историчари и други општествени дејци од Битола. Тоа се колумни што докторот по историја Литовски ги пишуваше во неделникот „Глобус“ и во весникот „Слободен печат“.
Референдумот е темелот на нашата иднина, рече Александар Кирацовски, генерален секретар на СДСМ
Јули 13, 2018После деценија порази, после години минати во изолација и неизвесност, Македонија денес гордо чекори напред. Стануваме дел од големото евроатланско семејство на кое вредносно и цивилизациски му припаѓаме, изјави на прес конференција генералниот секретар на СДСМ, Александар Кирацовски.
За РЕК и обиколницата разговарано на работната средба меѓу Петровска и државниот секретар за животна средина
Јули 13, 2018
Забрзување на активностите за поставување заштитни филтри на РЕК „Битола“, беше една од темите за кои денес на работната средба зборуваа градоначалничката на Општина Битола, Наташа Петровска и државниот секретар во Министерството за животна средина и просторно планирање, Ана Петровска.
Крфица
Најчитани
