Денес со почеток од 21 часот на Широк Сокак пред Центарот за култура и во Битола ќе се одржи прослава по повод поканата на НАТО за членство на Македонија во алијансата. Битолската градоначалничката Наташа Петровска навајвувајќи го престојниот настан насловен симболично „Одиме напред“ рече дека ова е историски момент за Македонија зашто таа во иднина ќе може рамо до рамо со моќните држави да решава за значајни прашања.

Прочистителната станица што во следните две години ќе се гради во Битола ќе го реши горливиот еколошки проблем со загаденоста на водотеците во Битолско. Директорот на Јавното претпријатие „Нискоградба“ Методи Силјановски, најави дека есенва ќе биде распишан меѓународен тендер за избор на фирма која ќе ја гради станицата, ќе го догради колекторскиот систем и ќе го врши наздорот.

„Пречостителната станица ќе ги опфајќа отпадните води од Битола, селата Кравари, Долно Оризари, подлеплистерските села. Петтиот канал со пречистителната станица ќе биде 95 проценти чист, се решава и Драгорот и загадувањето на Црна Река од страната на Битола, па потоа и големиот проблем како што е загадувањето на Тиквешкото езеро“, рече Силјановски.

Јавното претпријатие „Нискоградба“ започна со санација на ударните дупки низ улиците во општина Битола, односно локалните патишта кои се под општинскa надлежност.

„Поради временските неприлики и дотур на асфалт од базите одреден период не се извршуваа овие активности. Согласно програмата на Општина Битола за одржување на улици и патишта во следниот период интензивно според списокот што ни го достави Општината со имиња на улици за санација на ударни дупки, активностите ќе течат континуирано“, рече директорот Методи Силјановски.

Вчера во 19 часот по њујоршко време во Музејот на модерната уметност (МоМА) во Њујорк се отвори изложбата „Towards a Concrete Utopia: Architecture in Yugoslavia 1948-1980“, истражувачки проект кој пред очите на светската публика го претстави исклучителното модернистичко наследство од територијата на поранешна Југославија. „Towards a Concrete Utopia: Architecture in Yugoslavia 1948-1980“ воедно е и првото обемно претставување на оваа архитектонска продукција во една од најреномираните светски културни институции.

Пустош по ресенските овоштарници остави циклонот Флоријан кој вечера попладне ја зафати Преспа со силни врнежи од град. По трет пат ова лето наврна град во најплодниот регион со јаболка во земјава, па овоштарите велат дека сто проценти од годинешниот род е оштетен. Најзагрозени се овоштарниците во селата Јанковец, Сопотско и Златари. Наместо на странските пазари, исчуканите јаболка ќе завршат во индустријата за преработка,каде откупната цена е доста ниска.

Општина Могила веќе прогласи елементарна непогода во шест села погодени од лошото невреме со врнежи од град, што предизвика големи штети кај тутунот, пченицата, пченката и други земјоделски производи. Претседателот на Советот Александар Јанкуловски, изјави дека во четири села од пред две недели е прогласена елементарна непогода, а на денешната седница на Совет на списокот ќе бидат додадени уште две села или вкупно шест.

Преку цел ден најголема комунална бучава во Битола има кај кружниот тек меѓу улиците „Филип Втори Македонски“, односно некогашната „Иван Милутиновиќ“ и „Столарска“, поточно пред Здравствениот дом и кај месноста викана „Грозд“.

Мерењата на Центарот за јавно здравје од Битола за ланската година покажаа дека на кружниот тек пред Уредот отстапувања од граничната вредност има за четири децибели преку ден, вечер и ноќ. Така, преку ден и вечер измерените вредности покажале бучава од 59 децибели, а границата е 55, ноќе 49 децибели, а нормалата е до 45. Ова е зона на здравствена заштита и спаѓа во подрачје од втор степен на заштита од бучава.

„Непрекинато откривам дека никако неможам да ги откријам луѓето. Она што го кажуваат не е она што го прават, а дали е она што го мислат? Можеби ни сами не знаат!“

Меша Селимович

Ви се чини дека знаете сѐ за другиот, каде греши, како треба да се однесува, која работа му прилега, кое однесување согласно ситуацијата треба да го манифестира... Ако се прашаме доволно искрено ни сами за себе не знаеме секогаш. И иако е полесно да ,,му делиме ум“ на оној другиот, не замислувајќи ни одблиску каков би ни бил животот да сме во неговите чевли, понекогаш се заглавуваме во нашиот без да сме свесни.

Кога ќе се заглавиме во себе, најефектна е онаа народната ,,роди ме мајко со к ֙смет и фрли ме на буниште“. Демек, ако имаш среќа нема да се мачиш, туку секогаш ќе имаш слободен ум и работите сами ќе пристигнуваат во твојот живот. И тогаш ќе бидеш ти –ТИ секогаш. Уште да беше така лесно и секогаш да бевме она кое се прикажуваме дека сме пред другите!

Каде грешиме? Скоро никаде, освен што имаме преголеми очекувања од оние околу нас. При тоа ние едно чувствуваме, друго мислиме, трето правиме. Во меѓувреме секогаш сме сигурни дека „проблемот’’ не е во нас туку во оној другиот. Најголемиот апсурд е исчекувањето другите да ги задоволат нашите барања и очекувања. Така имаме сигурна зона на разочарувањето. Дури во неа можеме слободно да страдаме. Ако некој не се однесува според нашите стандарди тогаш проблемот не е во нас. А, и како би можел да биде? Звучи логично ,нели? Е не е!

Се препознавте некаде? Ако е така на добар пат сте да го слушнете она што следи. Влегувате во домот на соседите и почнувате да им ја преуредувате куќата, дворот, гаражата и да расчистувате она што Вас ви смета? Сигурно ќе бидете избркани од таму. Неможете да правите нешто што некој не го бара од Вас само заради тоа што сметате дека така треба. Ниту пак може да се надевате дека некој знае што точно имате во вашиот ум, па ќе го задоволи вашето очекување. Нити пак, она што Вас ви смета на другиот треба да му смета исто така.

Ставете го фокусот на себе. Средете го домот (преиспитајте се и видете каде сте сега и каде сакате да бидете), тргнете ја прашината (тајм аут за црните мисли), додајте некои детали за амбиентот да е поубав (насочете го фокусот на некој цел), а кога ќе дојде соседот и ве праша на кој начин го средувате домот или вашата градина,слободно може да го покажете вашиот пример и да објасните.

Малите работи носат големи промени. Битно е секој ден да се активираме. Ако Вие се ослободите од сопствените очекувања имајќи во предвид дека сте задолжени само за себе и може да работите само на себе, тогаш животот ви тече во друга насока. Ослободени од очекувањата имате сопствено право да работите на себе и тој пример да го пренесувате на оние кои ќе го побараат тоа од Вас. Во меѓувреме усогласете се колку можете повеќе. Таа усогласеност на телото, умот и срцето никогаш не доаѓа однадвор. Потребно е само секој ден да направиме по еден мал чекор.

Пишува,

М-р Билјана Галовска

(coaching & NLP practitioner), info – Оваа е-адреса е заштитена од спамботови. Треба да ви е овозможено JavaScript за да ја видите., 072/252-603

Покрај песните, битолската публика ќе го памети пејачот и актер Влатко Илиевски и по неговата енергична актерска игра во претставата „Есенин“ кој во 2013 година беше одриграна на сцената на Народниот театар во Битола. Познатиот македонски пејач, кој по професија е актер, ја играше главната улога на познатиот руски поет Сергеј Александровиќ Есенин во истоимената претстава, која ја режираше битолчанецот Благојче Божиновски. Претставата која беше дел од премиерите на Народниот театар во Битола за сезоната 2013-та, ја опишуваше руската диктатура која според делото поставено на сцената, придонела поетот да се самоубие.

Јавното претпријатие „Комуналец“ во соработка со Општина Битола и компанијата „Пако Мак“ од Скопје обезбедија 150 канти и 10 контејнери за пластичен отпад во битолската населба Стрелиште. Ова е четврта населба во градот што добива канти за пластика, а целта е кај граѓаните да се подигне свеста за селекција на отпадот. Досега вкупно се обезбедени 1650 канти и 150 контејнери за пластика.