Во организација на НУУБ „Св. Климент Охридски" Битола денес во просториите на библиотеката се одржа промоција на книгата "Споменар" од авторката Виолета Лазаревска. Воведен збор за настанот имаше Панде Димитровски, а делото го претстави Глигор Стојковски. Говорејќи за оваа книга тој рече дека авторката со своите автобиографски раскази, на читателите им нуди приказни со необични доживувања и неочекувани пресврти, што лесно се восприемаат, пред се, поради користењето едноставна нарација.

Лазаревска пак, осврнувајќи се на своето дело, подвлече дека преку оваа книга сакала да оживее дел од приказните кои долго време ги носела во себе. На крајот, со видна возбуда и со многу емоции, рече: „Особена радост ми причинува што книгата ја промовираме токму во мојата родна Битола".

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

https://static.xx.fbcdn.net/rsrc.php/v3/yB/r/jW-67A66DPX.png"); background-position: 0px -336px; background-size: auto; width: 16px; height: 16px; background-repeat: no-repeat; display: inline-block;" data-visualcompletion="css-img">

 

 

 

 

 

Од печат излезе збирката проза и поезија „Мојата Битола“ на битолчанецот Зоран Ѓоргиев, хроничар и истражувач на градот, дипломиран правзник и магистрант на Универзитетот во Хаифа, Израел. Книгата се состои од триесетина прозни текстови и песни во кои тој ја искажува љубовта кон родниот град, Битола градот на клавирите, убавините, конзулите, матинеата, среденадите, пајтоните. Но, и разочарувањето зашто времето минува, а таа не ја добива достојната грижа за да го поврати својот сјај.

Во предговорот, авторот пишува дека инспирацијата за книгата ја добил од секојдневните случувања во Битола. Еден збор или случка му биле довзолни за да се занесе, однесе и сам да си ја отвори душата како бисерна школка за да ја опее љубовта кон градот што не можел да ја скрие.

„Но, како што поминуваше времето, таа убавина почна да исчезнува. Не знам и самиот зошто, дали можеби беше жедна за вода која никој не ја залива како што треба, дали ѝ требаше мал зрак светлина кој ќе ѝ ги растера облаците или пак, ветренце со мирис на липа кое ќе ја вратеше нејзината волшебност и магија...Книгата ја зпочнав со многу љубов, но ја завршив со очај и немир, се̍ заради суровата реалност која денес ја живееме“, напиша Ѓоргиев.

На промоцијата стиховите и емотивната проза со својата прекрасна нарација ја оживеа Силвана Петровска-Насух. Рецензенти беа Ана Бунтеска и Божидар Божиновски.

Бунтеска која и самата е е битолчанка напиша дека ова е интимно обраќање кон градот, како „одново и одново да се вљубувате во иста жена“.

„Битола ве удриа од секоја страница. Жал по времињата кои веќе ги нема, жал по луѓето кои одамна се заминати, гнев кон секој кој ја сквернави нејзината убавина и става“, пишува Бунтеска.

За рецензентот Божиновски, книгата е љубовно писмо за Битола, љубовна приказна за домот.

„Низ вековите Битола била дом на многумина кои ја опеале, ја насликале, ја снимиле, овековечиле, а Зоран е еден од низата на тој ѓердан на вратот околу убавата Битола“, напиша Божиновски.

Ова е втора книга на Ѓоргиев во рок од три месеци, по првата „Траги на еврејското наследство во Битола“.

Ж. Здравковска

По повод 24 мај -Ден на сесловенските просветители Св.Кирил и Методиј, комисијата за образование при ОО СДСМ Битола,сектор образовните при Форум на жени СДСМ Битола и ЛК СДММ при СДСМ Битола организираа трибина под мотото "Предизвикот на младите во образованието".

Главен акцент на трибината се стави на младите, а говорници беа просветните работници: директорката на градинката "Естреја Овадија -Мара" Лидија Тфирст Митровска која зборуваше за улогата на воспитувачот во воспитно - образовниот процес во раниот детски развој и предучилишен развој. За улогата на наставникот во наставата беа презентирани аудио видеа со Ирена Мацеска, одделенски наставник, Весна Баковска предметен наставник и Гордана Анастасова, наставник во одделенска настава и поранешен директор во О.У.Климент Охридски која го презентираше значењето на Еразмус проектите во образованието.

Како говорници беа Роза Јовановска,доктор по педагошки науки и Добри Петровски, долгогодишен професор на Педагошки факултет и поранешен проректор и декан на Педагошки факултет кои зборуваа за образованието денес.

Андреј Гулабовски,претседател на ЛК СДММ зборуваше за предизвикот на младите во образованието, а младите презентираа за мисијата на Св.Кирил и Методиј и јазикот.

Истакнато беше дека изминатата деценија образованието во Битола доживеа крах кое се должеше на недомаќинското работење на ВМРО- ДПМНЕ како локална власт.Кога СДСМ ја правзеде локалната власт, поставените директори се соочија со блокирани сметки, струја пред исклучување, милионски суми со долгови, но сепак училиштата беа успешно менаџирани и а долговите исплатени.

Покрај очајната состојба во училиштата беа изведени низа реконструктивни зафати како енергетско ефикасни фасади, спортски игралишта, промена на подови и дограми, реновирање на училишните тоалети и соблекувални во спортските сали, комплетно реновирани училници опремени со нов училишен инвентар, нови електрични инсталации и лед осветлување, нова ИКТ опрема и нагледни средства, уредување на училишните дворови, нови кабинети по природните науки со инвентар и нагледни средства за експериментална настава. Потоа, промена на кровови, нова дигитална опрема за време на пандемијата за online настава, ИКТ опрема во одделенска настава.

Поради тоа, на директорите од Комисија за образование им беа доделени благодарници за посебен придонес во образованието кои оставија траен белег во битолските училишта. Сепак да се биде учител,наставник, професор е најблагодарната,најубавата но и многу одговорна професија.Просечниот учител раскажува, добриот учител објаснува, квалитетниот наставник демонстрира, а најдобриот инспирира. И затоа ако треба да поставите некој на пиедестал, ставете ги наставниците.Тие се хероите за иднината на едно општество.

На 24.05.2023 во 18.30 часот во Битола на ул.„Димитар Илиевски Мурато" од страна на полициски службеници од криминалистичката полиција на СВР Битола бил лишен од слобода И.Г.(29) од Битола. Тој, управувајќи патничко возило „пасат“ со битолски регистарски ознаки, кај место викано „Грозд“, преку отворен прозорец со воздушна пушка испукал во кучиња скитници. Од него биле одземени воздушна пушка „гамо“ калибар 4,5 мм. и пакување со дијаболи. По документирање на случајот против него ќе биде поднесена пријава по Законот за оружје.

Младинскиот културен центар - Битола како граѓанска организација која активно работи на промовирање на волонтерството на локално и национално ниво, реализира волонтерска акција наречена Опстанок.

Акцијата се реализира во СОУ „Таки Даскало“ Битола, во соработка со вработените и волонтерите од училиштето, со цел обновување и обезбедување на услови за зачувување на зеленилото во училишниот двор. За време на акцијата се засадија садници и се постави систем за наводнување „капка по капка“ како би обезбедиле услови за одржување на зеленилото во училишниот период. Во дополнение на оваа активност волонтерите ги разубавија жардинериите во дворот со исцртување и обојување.

Училишниот двор во СОУ „Таки Даскало“ Битола сега е уреден, раззеленет и обезбедени се услови за опстанок на зеленилото во престојниот летен период.

Во акцијата беа вклучени 50 волонтери од редовите на волонтерскиот клуб на училиштето, вработените во училиштето и претставници од граѓанскиот сектор во Битола.

АД ЕСМ Подружница РЕК„Битола“ го честита Денот посветен на Св. Кирил и Методиј, сесловенските просветители кои со својата животна посветеност и дела постигнаа неверојатен цивилизациски напредок, не само македонската писменост, туку и за сите словенски народи.