„Деновиве градоначалникот Коњановски конечно ги посети средните училишта во градот и тоа Таки Даскало и Техничкото училиште Ѓорги Наумов. Притиснат од фактот дека откако е дојден на функцијата градоначалник, за капитални расходи за средните училишта не издвоил ни денар од општинскиот буџет,  што јасно може да се види од објавените квартални извештаи за 2022 година, Коњановски мораше да ги промовира проектите реализирани од градоначалничката Петровска и директорите поставени од СДСМ, колку да остави впечаток дека сепак нешто работи“, обвини Весна Баковска од СДСМ Битола.

Таа посочи дека во Техничкото училиште Коњановски се сликал на спортските терени, во спортската сала, ги промовирал и другите зафати од времето на претходниот директор и локална власт, финансирани од дотациите од централниот буџет и донации, а Коњановски ги прикажал како да се направени со пари од општината.

„Пред да одите во училиштата, било средни било основни, проверете што сте направиле  за подобрување на состојбата во истите бидејќи лагата има кратки нозе. Можеби Вам ви е важна партиската кампања, но помислете малку и на учениците и професорите за унапредување на условите во кои работаат и учат.
Време е од општинскиот буџет да издвоите пари за реконструкција на училиштата и да ја продолжите праксата на Вашата претходничка која на образованието му даде висок приоритет“, рече Баковска и упати прашање: „Кога планирате да почните да го градите училиштето во Буковски ливади?“

На ден 21.01.2023 година (сабота) во 10:00 часот во просториите на Офицерски дом Битола, ќе се одржи брзопотезен шаховски турнир „Штајниц 2023“ на кој учество ќе земат шахисти не само од нашиот град туку и од целата држава, како и од соседна Грција. Во рамки на клубот постои и Шаховската школа која ќе работи со мади категории на шахисти, што воедно е основен мотив и приоритет на новиот Шаховски клуб „Штајниц“. Повеќе информации за клубот може да најдете на нашата веб страна www.sks.mk

Контакт: Оваа е-адреса е заштитена од спамботови. Треба да ви е овозможено JavaScript за да ја видите.

070 395471

Шаховски клуб Штајниц

Претседател Пеце Богдановски

На 15.01.2023 полициски службеници од Полициската станица Демир Хисар во ловиште ,,Лесково“, на место викано „Тепих“ во атарот на с.Смилево, ги затекнале во незаконит лов И.С.(82) од с.Смилево и Н.Ѓ.(22) со престој во с.Загориче, демирхисарско. Тие не поседувале ниту соодветна дозвола за лов ниту дозвола за оружјето, а од нив биле одземени ловни пушки и ловни куршуми. По документирање на случајот против нив ќе биде поднесена соодветна пријава во врска со чл 80 ст.1.т.1 од Закон за оружје.