Стотина параглајдеристи денес во различни бои го обоија небето над Битола, а нивниот воздушен танц низ фотообјективот успеа да го „улови“ битолската фотографка Ивoна Кочов. Параглајдеристите се дел од Светското првенство кое се одржува во Крушево каде има 150 учесници од 49 земји. Во рамки на своите дисциплини тие денес имаа прелети од Крушево кон  Острец и Големо Коњари преку 100 километри. 

Во детското оделение при КБ Битола реазлизиран е уште еден проект на Ротаракт Широк Сокак. Се работи за реновирање, разубавување на просториите во ова одделение. 

Направено е цртање на ѕидните површини, a ќе прави и санација на подните површини и поставување нови плочки на подот. 

„Јавното претпријатие за изградба и одржување на јавен простор за паркирање и уредување и организирање на јавен локален превоз на патници во општина Битола и тоа како има концепт и решение за паркирањето во градот’, возврати Зоран Дојчиновски, директор на Јавното претпријатие по денешните обвинувања од ВМРО-ДПМНЕ дека власта немала концепт како да го реши паркирањето во Битола.

„Не е точно дека цената на паркинг услугите се зголемува. Имено, за првите два часа цената на паркинг услугата во централното градско подрачје (зона А) изнесува 30 денари, додека за секој следен час до крајот на паркинг сесијата цената изнесува 25 денари за час, што е за 5 денари пониска цена од предходната“, стои во реакцијата на Дојчиновски.

Викендов Битола беше раздвижена и живописна за што придонесоа и активностите на младите учесници од меѓународниот младински камп „Патоказ кон помируваењето“ кој по четврти пат се одддржува во Битола. Во кампот учествуваат младинци од Израел, Германија и Македонија.

„Ветувањата со кои се рафрлаше сегашната власт пред две години преминаа во буквален хаос во однос на паркирањето во градот. Иако ветуваа со полна уста , а досегашниот концепт за јавно-приватно партнерство страшно го критикуваа, сега се виде дека се било само голема манипулација. Ни кога ветуваа, ни сега немаат концепт и решение за проблемот со јавното паркирање“, обвини на прес конференција Стефан Димовски, потретседател на ОК на ВМРО-ДПМНЕ во Битола.

Исто така рече дека голи пароли се тврдењата оти паркинг услугите поевтинуваат. „Ако се земе статистиката дека најмногу битолчани во просек ги користат за два часа, со сегашните цени ќе плаќаат и поскап паркинг“, рече Димовски. Додаде дека неизвесна е судбината на новото јавно претпријатие, а извесна е само онаа на вработените кои останаа на улица. 

„Поделени се околу 1000 картички на земјоделците од Пелагонија за користење на зелена нафта. Со оваа мерка земјоделците ќе набават нафта за 30 проценти поевтина, која во овој момент е повеќе од потребна за прибирање на плодовите , но и за обработка на земјиштето, па задоволството кај земјоделците е големо бидејќи се намалува цената на самото производство, а со тоа и земјоделскте производи ќе бидат поконкуретни и на крајот се враќаат пари директно кај земјоделците што досега се нема случено“, рече на денешната прес конференција Менде Трајковски портпарол на Општинската организација на СДСМ од Новаци.

Граѓанската иницијатива „Понаку“ бара од Јавното претпријатие „Комуналец“ да им ги врати металните обрачи за кеси кои ги отстрани од битолските улици, за како што пишуваат во нивната реацкија, да можат повторно да ги насместат и битолчани да имаат каде да го фрлаат ѓубрето. Реакцијата на „Поинаку“ следува откако „Комуналец“ пред неколку денови ги тргна жолтите кеси и металните обрачи и на прес конференција соопшти дека тоа го направи по налог на комуналната инспекција.

„Бидејќи изнесовте дека во ноќта помеѓу 01 и 02 август 2019 година ги презедовте овие дејствија наводно по налог на комуналниот инспекторат при Општина Битола, бараме од Вас јавно да ја презентирате документацијата која согласно Законот за јавна чистота и Одлуката на Општина Битола од 2012 година ( објавена во Службен Гласник бр.14/2012 година ) треба да биде составена при преземање на вакви дејствија ( записник, фотографии, присутни лица, службени белешки, потврда за одземени предмети и останато – член 115, 116 и 117 од истата одлука ). Исто така презентирајте и документација и доставете информација до јавноста дали е формирана комисија од Градоначалникот на Општина Битола која е должна да постапува по жалби при вакви ситуации ( член 117 од истата одлука )“, пишува во реакцијата на „Поинаку“.

Понатаму прашуваат „по кој основ ги држите осум дена металните обрачи, каде се наоѓаат истите, зошто не ги враќате, за да можеме повторно да ги наместиме како битолчани би имале каде да го фрлаат ѓубрето низ градот“.

„Зошто објавивте дека започнавте постапка за набавка на 70 канти за ѓубре, дури откако ние наместивме обрачи со кеси, доколку до 01/08/2019 година имаше доволно канти за ѓубре низ Битола“, велат од „Поинаку“.

На местата од каде беа извадени кесите за ѓубре, поставени се лепенки со натпис „ Овде имаше кеса за ѓубре, Панде ја изваде“.

Директорот на Комуналец Панде Богоевски пре четири дена соопшти дека кесите се тргнати по налог на комуналната инспекција зашто со нив се прекрушуваат одредби од Законот за јавна чистота и Одлуката за одржување на јавна чистота на јавните површини во Битола, ја нарушуваат амбинеталноста на градот.

Да се биде лидер потребно е да се исполни еден услов. Да се биде човек кој ќе ги препознае и искористи сопствените моќи и потенцијали да влијае на себе, а со тоа и на светот околу себе за тој да стане подобро место за живот. Како најкратка дефиниција која сум ја прочитала, а концизно, јасно и прецизно објаснува што е лидер вели: „Лидерот е човек кој има влијание врз мислите, чувствата, одлуките и акциите на другите луѓе.” Негова основна карактеристика е што има способност да креира стратешка визија која ги мотивира луѓето да ја активираат својата слободна волја и напор истата да ја остварат. Ако го читате текстот сигурно длабоко во себе во некоја сфера се препознавате себеси како лидер. Тогаш најдобро за почеток да се запрашате:

,,Дали сакам позив или подобро титула?”

Ако одговорот е само титула, тука завршува читањето на овој текст за Вас. За оние другите кои избираат позив имам уште неколку прашања:

„Претпоставувам дека некогаш сте се прашале како би било да можете да го менувате светот, да оставите трага, да влијаете позитивно и кога нема да сте физички присутни во него?” или „Како би било да имате нешто кое ќе го активира вашето внатрешно задоволство и тоа како магија да се пренесува на оние кои ви се важни?” Одлично, нели?

Тогаш треба да размислите што за Вас како лидер е поважно: статусот, финансиските средства и чувството на важност додека ја играте таа улога или радоста, ентузијазмот и вербата во себе и другите луѓе. Рузвелт, Мендела, Ајнштајн и многу други не биле луѓе чии двигател беа парите. Нив ги водел предизвикот да променат нешто, да остварат нешто големо. Тие на таков начин станале легенди.

Секој лидер има своја автентична црта и никој не наликува еден со друг.Исти, а сепак различни. Лидерот се води најчесто од своето внатрешното чувство кое креира сопствена смисла во пошироки рамки и континуирано го користи внатрешниот потенцијал од кој упорно не отстапува и кога сите надворешни околности му ,,зборуваат“ дека е нешто погрешно,тешко, неостварливо. Тој е некој кој знае да се поврзе со бескрајната интелегенција, не обрнувајќи внимание на површните и ефтини трендови. Тоа не значи дека не знае да ужива, туку знае да препознае моќ во другиот спроти себе и да биде поддршка освестувајќи дека шансите се создаваат кога е тешко, а успехот расте правопропорционално со растењето на тежината на предизвикот.

Постои мит кој вели „Лидерот се раѓа, не се создава”. Но, најновите светски истражувања покажаа дека образованието (како неформалното, така и формалното) се шири во невидени размери до сега што упатува на фактот дека сепак лидерот може да се моделира. Лидерот е човек кој постојано се едуцира и унапредува. Тој знае дека најзначајната карика за успех е да знаеш како со луѓето кои ти се важни. Обуките кои во својата база ја користат Науката за личен просперитет односно Неуролингвистичко програмирање му овозможуваат на поединецот да усвои моќни алатки, стратегии, методи и вежби за да стигне до она што рекол Хари Фајерстоун ,,Најдоброто во другите ќе го разбудиш само ако го дадеш најдоброто од себе,, . За среќа тоа може да се научи!

Пишува: м-р Билјана Галовска НЛП тренер и коуч, предавач на Бизнис Академија Смилевски , Битола

(инфо за обуките посветени на личен и професинален развој на е маил Оваа е-адреса е заштитена од спамботови. Треба да ви е овозможено JavaScript за да ја видите.)

Годинава награда за докуметнарен филм ќе додели и Општина Битола. Одлуката општината домаќин да дели награда на филм од документарната програма паднала затоа што и браќата Манаки на времето својата филмска кариера ја започнале во областа на документаристиката.