ЈКП Водовод Битола апелира  до сите корисници да ги припремат своите шахти  за  да бидат достапни на  инкасантската служба  да може слободно да ја евидентира состојбата за потрошената вода за пиење.

ЈКП Водовод Битола  започнува со редовно читање на состојбите на водомерите за потрошена вода  во пролетниот период, со воведувањето на новиот електронски  начин.

Членовите на младинскиот Интеракт Клуб Битола Широк Сокак“ и Националната установа Универзитетска библиотека „Св. Климент Охридски“ – Битола покренуваат кампања за важноста на читањето во раната возраст како дел од светскиот план „Визија 2030“ со мото „Читај да го промениш светот“, во рамките на спроведување на ЕУ програма Целите за одржлив развој на УНЕСКО Агенда 2030.

„Читањето на глас секој ден е најбитно нешто што можe да се направи за стекнување на знаења и вештини потребни за полесно снаоѓање во едукативниот процес на детето. Читањето од раната возраст помага да се развијат говорни вештини, да се збогати речникот на детето, да се запознае со светот на имагинацијата и уметноста, ги збогатува неговите вештини за слушање, помага во развој на перцепција, набљудување, внимание, размислување и логично расудување, а сето тоа ќе обезбеди трајно останување на врските во мозокот потребни за процесот на учење“, велат од Библиотеката.

Кампањата „Читај да го промениш светот“ е дел од светското движење потикнато од промовирање на важноста за читањето каде се вклучени повеќе од 40 милиони деца кои читаат по 10 часа во текот месец март.
Кампањата ќе биде спроведена преку повеќе насочени активности:

- Изготвување на промотивни материјали
- Организирање на јавни читања и дебати (работилници и предавања)
- Промоција на читањето во сите образовни и културни установи
- Активирање на клубови на читатели
- Спроведување на анкети
- промовирање на читањето преку социјални мрежи и медиуми со вклучување на познати личности, користење на Инстаграм и Фејсбук со слики и објави на следниот хаштаг:
- #readtochangetheworld
- #interactshiroksokakbitola
- #nuub.bitola

Димитар Ѓоргиевски, помлад соработник во Историскиот aрхив во Битола, е задолжен да го обработува и штити фотографскиот фонд и другите лични материјали останати од првите сниматели на Балканот, браќата Манаки. Тој вели дека фондот на Манаки е еден од најбараните фондови за истражување како на национално, така и на интернационално ниво на Балканот, а и истражувачи od секаде низ светот се интересираат и го истражуваат.

Денеска децата од градинката ,,Мајски Цвет” во придружба на нивните воспитувачки и директорката на градинката го посетија ЈКП „Водовод“ . Најмладите изведоа рецитал од неколку стихотворби и песнички и поделија рачно дизајнирани честитки и испратија порака за среќен 8-ми Март до сите жени во претпријатието.

Рек Битола потпиша договор за набавка на 6 еколошки автобуси на природен гас за превоз на работниците. Јавната набавка ја доби фирмата ,,Аутомакедонија”, која ќе треба да ги испорача автобусите најдоцна за 8 месеци.

Автобусите ќе бидат од јапонскиот производител ,,ИСУЗУ”,и нивната вредност е 1,4 милиони евра.

Средношколската заедница при Средното медицинско училиште „Д-р Јован Калаузи" – Битола го реализираше настанот „Ние како едно“ во просториите на училиштето. Целта на настанот беше да се претстават активностите и профилите во училиштето и формирањето на Средношколската заедница на еден несекојдневевн и интерактивен начин. На настанот присуствуваа повеќе од 200 ученици и професори од основните и средните училишта, кои организирани во групи имаа можност подетално да се запознаат со активностите на училиштето, меѓу кои и формирањето на Средношколската заедница. Настанот беше организиран како мини-саем на различни локации во училиштето.

Настанот го организираа самите ученици кои се членови на Средношколската заедница со помош од професорите, стручната служба и Младински културен центар – Битола. Овој настан беше последна активност од проектот „Средношколски капитал“, што го спроведува Младински културен центар – Битола, во чиј склоп се формира Средношколската заедница при ОСМУ „Д-р Јован Калаузи" – Битола и се спроведоа серија работилници за јакнење на капацитетите на истата.

Проектот „Средношколски капитал“ е дел од Проектот за младинско изразување поддржан од Европска унија и е спроведуван од Младински образовен форум, Центарот за балканска соработка Љоја и Младински сојуз Крушево.