АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Јуни 04, 2026
Анета Блажевска
Водовод Битола со демант
Март 06, 2026Водовод Битола со соопштение
Јавно демантираме неточни информации објавени во одредени политички статуси за состојбата на улицата Индустриска во н. Боримечка.
Информираме дека чистењето на улиците се врши веднаш по завршувањето на санацијата на дефектите и интервенциите на водоводната мрежа. Во текот на работите, при ископ и поправка, нормално е да има привремено нарушување на површината, но по комплетирање на санацијата нашите екипи вршат расчистување и доведување на теренот во соодветна состојба.
ЈКП „Водовод - Битола, продолжува одговорно и посветено да работи во интерес на граѓаните.
Со почит,
ЈКП “Водовод” - Битола
Ски центарот Копанки на Пелистер официјално ја заврши скијачката сезона, информираа од раководството на центарот. Причина за затворањето се високите температури и недостигот на соодветни услови за скијање на патеките.
Од Ски центар Копанки им се заблагодарија на сите посетители кои оваа зима ги посетија падините на Пелистер и беа дел од скијачката атмосфера. Како што велат, сезоната беше исполнета со дружење, спортски дух и љубов кон скијањето.
„Ви благодариме на сите што ја поминавте оваа зима со нас и што создадовте прекрасна атмосфера на Копанки. Се надеваме дека следната сезона ќе донесе уште повеќе снег и уште повеќе убави моменти на стаза“, порачуваат од ски центарот.
Со ова официјално се затвора скијачката сезона на Копанки, а љубителите на зимските спортови повторно ќе се вратат на падините на Пелистер следната зима.
Центарот за управување со кризи објави дека вчера, во тешка сообраќајна несреќа, на 52-годишна возраст, животот го загубил нивниот колега, Љупчо Бучукоски, оперативен работник во Регионалниот центар за управување со кризи во Битола.
Колективот на Центарот за управување со кризи изразува длабоко жалење за загубата и упатува искрено сочувство до семејството Бучукоски. Драг Љупчо, Центарот за управување со кризи ќе те памети по твојата беспрекорна професионалност, посветеност во извршувањето на службените обврски, коректниот однос кон колегите и несебичната поддршка и помош кон граѓаните и градот Битола и Демир Хисар секогаш кога тоа беше потребно. Денес, кога се простуваме од тебе, со тага но и со гордост за твоите дела, ти благодариме за сè што направи во твојот прерано прекинат животен пат. Ќе останеш запаметен по добрината, човечноста и професионалноста, објавија од ЦУК.
СВР Битола информираат дека во 12:20 часот во ОВР Демир Хисар било пријавено дека патничко возило „фиат“ со демирхисарски регистарски ознаки излетало од патот на местото викано Крбла.
Во несреќата на лице место починал возачот Љ.Б. (52) од селото Жван, демирхисарско. Смртта ја констатирал лекар од Итната медицинска помош во Демир Хисар.
Почна реконструкцијата на улици во Братиндол
Март 06, 2026ЗАПОЧНА РЕКОНСТРУКЦИЈАТА НА УЛИЦИ ВО БРАТИНДОЛ
Општина Битола ја започна реконстркцијата на улици во селото Братиндол. Станува збор за проект кој општината го доби од вториот повик на владата преку министерството за транспорт, во вредност од 4.227.303 денари.
Се работи за реконструкција на коловоз, односно седум краци. Најпрво расчистување, односно ископ на земја, потоа поставување тампониран слој и на крајот асфлтирање.
Со ова ќе се подобри комуникацијата на локалното население во ова населено место, а Општината и со ова покажа дека се грижи и за руралните средини.
Од психотерапија до книга: „Живата соба“ претставена пред битолската публика
Во Книжевниот клуб Утопија претставена книгата „Живата соба“ на Благица Ваниќ и Билјана Копрова
Настанот беше замислен како отворен разговор за темите што книгата ги отвора: односите, личниот развој, емотивната зрелост и искреноста кон себе.
Гостинка на вечерта беше Благица Ваниќ, која зборуваше за процесот на создавање на книгата и за тоа како текстот произлегува од реална психотерапевтска практика, но е напишан со јазик близок до секојдневното искуство на луѓето.
Промотор на книгата беше психотерапевтот Љупчо Кимовски од центарот „Свесност“, долгогодишен соработник на авторката, кој ја отвори дискусијата за значењето на „живата соба“ како простор на присутност, разговор и лична рефлексија. 
Во текот на вечерта се отворија теми поврзани со анксиозноста, меѓучовечките односи, личните граници и потребата од автентичен дијалог. Публиката активно се вклучи со прашања и размислувања, што ја претвори промоцијата во динамична дискусија.
Како продолжение на темите од книгата, беше претставен и практичен онлајн курс за справување со анксиозност, заснован на психотерапевтска пракса и реални животни ситуации.
Со ова издание, Книжевниот клуб Утопија продолжува да создава простор за книжевни настани кои ги поврзуваат литературата, психологијата и јавниот разговор за теми што се важни за современиот живот. 
Следното издание на клубот ќе се одржи на 16 март во 19:00 часот во 3D киното на Центарот за култура, каде публиката ќе има прво можност да ја проследи новата филмска адаптација на „Оркански височини“ (Wuthering Heights), по романот на Emily Brontë. По проекцијата ќе следи отворена дискусија на големата сцена, посветена на односот меѓу литературата и филмот и на современите читања на ова класично дело. 
Набавени нови комунални возила за битолски Комуналец
Март 05, 2026СЕ ОБНОВУВА ВОЗНИОТ ПАРК ВО ЈП „КОМУНАЛЕЦ“ БИТОЛА
Со две нови комунални возила е збогатен возниот парк на јавното претпријатие „Комуналец“ Битола, за што како што вели директорот Горан Степановски она што го ветија пред јавноста го реализираат.
Набавени се две возила, едното за собирање комунален отпад, а другото за селекција на отпад. Капацитетот е од 8 м3 и на двете возила.
На денешната средба со градоначалникот Коњановски и претседателот на Советот Бојкоски, Степановски кажа дека и во текот на 2026 година дополнително ќе се обновува возниот парк.
Јавното претпријатие и во периодот пред нас, ќе работи на обезбедување и на друга механизација, со цел поефикасно извршување на својата дејност, а во интерес на граѓаните и градот во целина.
100 жени на Пелистер за 8 Март
Март 05, 2026100 Жени на Пелистер за 8-ми Март
По повод Меѓународниот ден на жената – 8-ми Март, ве покануваме на посебен настан на Пелистер, посветен на женската сила, природата и заедништвото.
Настанот „100 Жени на Пелистер“ има за цел да ги поврзе жените со природата, да поттикне движење и активност, како и да создаде простор за инспирација, дружење и позитивна енергија.
За сите учеснички е обезбеден бесплатен превоз од Битола, како и бесплатна храна и пијалоци. 
Програма на настанот
09:00 – Поаѓање од Битола
10:00 – Пристигнување пред Хотел Молика
Пешачка тура од Хотел Молика до Инфо Центарот преку Историската патека
12:00 – Презентација во Инфо Центарот
Во рамките на настанот ќе се одржи кратко инспиративно предавање посветено на потребата жената да се движи и да се поврзе со природата. Планината е простор на тишина, сила и саморефлексија – место каде жената може да се врати кон себе и да ги пронајде одговорите што веќе ги носи во себе.
13:00 – Забава со НАЛА Бенд, бесплатна храна и пијалоци во Инфо Центарот, бесплатен превоз.
? Пријавување на телефон: 078 348 062
✨ Овој 8-ми Март – освој го својот врв!
Демант на последните јавни напади на странски инвеститори во Индустриска зона Жабени Битола
Почитувани сограѓани,
Во врска со последните јавни напади, чувствуваме должност одговорно и достоинствено да се обратиме.
Индустриската зона Жабени претставува срцето на битолската и пелагониската економија. Во неа се вработени речиси 6.000 наши сограѓани од регионот, што ја прави најголем работодавач во државата и столб на економската стабилност на Пелагонија. Зад овие бројки стојат семејства, домови и реални животни приказни.
Особено е срамно и неосновано да се напаѓа странски инвеститор од особена важност за регионот, кој со години вложува, отвора работни места и придонесува кон економскиот раст. Ваквите изјави не само што не се во интерес на граѓаните, туку испраќаат лоша порака до сите потенцијални идни инвеститори.
Просечната плата во зоната за 2025 година изнесува 48.344 денари, што е повисока од државниот просек и речиси двојно повисока од минималната плата. Тоа се конкретни показатели дека станува збор за сериозни компании кои обезбедуваат достоинствени услови и сигурна егзистенција.
Во моментов се градат две нови фабрики – процес кој неминовно носи зголемено движење на механизација и привремено валкање на просторот. Тоа е преодна фаза на развој. Истовремено, редовно се врши миење на улиците во понеделник и среда, а надлежните служби континуирано постапуваат со цел одржување на редот и хигиената.
Наместо политизација и создавање негативна клима, потребна ни е зрелост, одговорност и поддршка за инвестициите што носат работни места и економска сигурност.
Индустриската зона Жабени останува симбол на труд, развој и економска сила на Битола и Пелагонија. 
ЈАВЕН ПОВИК ЗА ПОДДРШКА НА ПРОЕКТИ И ПРОГРАМИ ЗА ЗДРУЖЕНИЈА ВО ОБЛАСТА НА ЕДНАКВИТЕ МОЖНОСТИ
Март 05, 2026ЈАВЕН ПОВИК ЗА ПОДДРШКА НА ПРОЕКТИ И ПРОГРАМИ ЗА ЗДРУЖЕНИЈА ВО ОБЛАСТА НА ЕДНАКВИТЕ МОЖНОСТИ
Општина Битола, објавува јавен повик за поддршка на проекти и програмски активности на здруженија на граѓани/ фондации кои работат во областа на еднаквите можности.
Предмет на Јавниот повик е прибирање понуди за финансиска поддршка на проекти на здруженија на граѓани и фондации кои работат во областа на еднаквите можности.
Проектите ќе бидат поддржани со средства од Буџетот на Општина Битола за 2026 год. согласно Програмата за еднакви можности на Општина Битола за 2026 год. во вкупна вредност од 300.000 ден. во следните области: Родовата еднаквост преку образование, родовата еднаквост преку медиуми, родовата еднаквост преку здравство, родовата еднаквост преку социјалната заштита, родова еднаквост преку активности против родово основано насилство и трговија со луѓе, родова еднаквост и економското јакнење на жената.
Пријавувањето е во рок од 15 дена од денот на објавување на овој повик 05.03.2026 година заклучно со 19.03.2026година.
За критериумите за аплицирање и бодување, временската рамка за спроведување на проектите, висината на финансиските средства, поднесокот на апликациите, потребната документација на следниот линик: https://www.bitola.gov.mk/ednakvi-moznosti/
Најчитани
