„Се повикуваат доверителите на Општина Битола и доверителите на единките основани од Општина Битола од областа на образование, култура, детска и социјална заштита да ги пријавата доспеаните а неплатени побарувања заклучно со 30.09.2018 година. рокот на пријавување е 15 дена“, се наведува во јавниот повик на Општина Битола.

Според овој јавен повик, градоначалникот и директорите на единките основани од Општината можат да пристапат кон преговори со сите доверители кои се јавиле на повикот за спогодбено утврдување на износот на обврските, односно намалување на износот на обврските. Приоритет на исплатата на долговите ќе имаат доверителите со кои спогодбено е постигнато целосно откажување од каматите и намалување на главницата за 15 проценти.

-Јавниот повик е објавен согласно законот донесен во Собранието на РМ. Повикот ќе се одвива според одредбите од тој закон и она што го дефинира правилникот, а потоа ќе има преговори, што е предвидено и со законот. Не би прејудицирала како би се одвивале работите, затоа што едно е како гледаме ние од едната страна, а друго е како гледаат доверителите од другата страна, но факт е дека со ова ќе се обезбедат средства што нив им се потребни и на тој начин би имале обрт во нивните бизниси, што е голем мотив за секој бизнисмен, рече Петровска.

Државата ќе покрие 51 процент од долговите на општините, а на нивните сметки ќе бидат исплатени околу 50 милиони евра. Целта е да се зајакне фискалниот капацитет на единиците на локалната самоуправа, сервисирање на долговите и раздолжување кон стопанството, а останатите 49 проценти од долгото општините сами ќе го сервисираат,