АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
-Соработката на оваа организација со Заводот трае скоро година и пол и за тоа време е реализирана донација во вредност од 100 000 евра, вели Марија Русенгрен претседател на организацијата.
Во заводот „Кочо Рацин“ има 73 деца од општини во цела Македонија, од кои 40 се интернатски сместени. Голем дел од проблемите Заводот ги решава токму преку вакви донации.
- Овој последен проект со кој што ни го реновираа трпезарискиот дел на Заводот каде што децата се хранат и ги земаат своите оброци и помошните простории кои се многу солидно направени, за одржување на хигиената, што е многу битно за овие деца, рече Вилма Петревска Анастасова, директор на Заводот за рехабилитација на децата со оштетен слух и говор.
Како што информираше Марија Русенгрен и во иднина ќе продолжат со нивната хуманитарна мисија. Организација Hand till Hand досега реализираше 5 донации во битолската Клиничка болница во висина од 900.000 евра, а ќе продолжат и во иднина. Следен проект на кој ќе работат е опремување на сензорна соба за учениците со пречки во развојот во ОУ „Ѓорѓи Сугарев“ во Битола .
