АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Ноември 22, 2024
Промовиран новиот музејски зборник
Февруари 18, 2022Во Завод и музеј-Битола промовиран е Музејскиот зборник број 24 кој во континуитет се издава скоро четириесетина години. На промоцијата присуствуваше и министерската за култура Бисера Костадиновска- Стојчевска.
„Се работи за квалитетна адиција, зборник на трудови од различни области, кои и тоа ги покриваат областите со кои се занимаваат музејските институции низ Северна Македонија. Ми претставува особено задоволство кога спонзорираме вакви квалитетни проекти кои оставаат траен печат на заштита на културното наследство“, рече министерката.
Директорката на Завод и музеј Мери Стојанова рече дека изминатите четири години за првпат во континуитет Министерството за култура го финансира издавањето на Зборникот.
„Министерството го препозна квалитетот и традицијата на издавање на овој музејски зборник. Во него се објавени трудови од областите кои се поврзани со дејноста на Заводот односно заштита, археологија, етнологија, историја, уметност и друго. Тоа не се трудови само на автори кои се вработени во институцијата туку и на истражувачи од други институции во државата“, рече Стојанова. .
Остатоци од црква и три гроба со движни добра се пронајдени при најновите археолошки истражувања во дворот на Јени џамија во Битола, потврди Мери Стојанова, директорката на битолски Завод и Музеј.
Во дворот на Јени џамија неколку години се прават археолошки истражувања, со цел да се дефинира опфатот на црквите, чии темели беа откриени уште при истражувањата во тремот на џамијата, односно во молитвениот дел. Остатоци од сакрален објект беа откриени во дворот од десната страна на џамијата, а сега и во предниот дел. Со ова се проширува површината на која пред многу векови имало христијански храм во строгиот центар на Битола, каде што денес се наоѓаат Јени џамија и делови од Градски парк.
„При последните археолошки истражувања се откриени делови од западниот ѕид на црквата, северниот ѕид на тремот на црквата, како и два придружни ѕида од различни архитектонски фази. Покрај овие елементи, откриени се и три гроба со движни добра, масивна мермерна база со отвори за оловни стеги и друго. Овие недвижни и движни добра понатаму ќе бидат предмет на стручно проучување и се очекува да дадат значајни податоци за средновековна Битола“, вели Стојанова.
Во однос на заштитата на недвижните добра, се бара начин за најсоодветна презентација на археолошките наоди, без притоа да се наруши комплетниот амбиент.
„Улога во реализацијата на идеите играат и финансиските средства, чиј обем ќе произлезе од проектот кој е речиси целосно изработен. Во изминатиот период презедовме одредени зафати за да се заштитат наодите, особено од временските влијанија“, изјави Стојанова.
Истражувањата од изминатите години покажаа дека Јени џамија крие темели на три цркви, од седми, 11. и од 13. век и се смета дека меѓу нив е и некогаш најголемата раносредновековна црква во центарот на Битола, „Св. Ѓорги“. При ископувањата во џамијата беа пронајдени два печата, сребрен со ликот на Свети Ѓорѓи и друг со ликот на Богородица. За највреден пронајдок се смета пекторалниот медалјон на кој се изгравирани позлатени фигури на светци.
„Се смета дека еден печат му припаѓал на видно семејство, на некој од следбениците на цар Самоил. Се смета дека во 11. век ова место било епископско седиште“„ кажа археологот во пензија Гордана Филиповска-Лазаревска, која учествуваше во ископувањата.
Во внатрешноста на џамијата веќе е ставен стаклен под, под кој се гледаат темелите од црквите. Целта е објектот да ги обединува христијанското и исламското културно наследство. Државата досега вложи 15 милиони денари во истражувањата и реставрацијата. Во годинашната Програма за финансирање проекти од национален интерес на Министерството за култура предвидени се 300.000 денари за конзерваторски проект за ентериерот на Јени џамија и уште 250.000 денари за археолошки ископувања.
Лелекот на Македонецот од Првата светска војна автентично пренесен во книгата на Мери Стојанова
Март 06, 2020Промовирана книгата „Цивилното население во Битолско за време на Првата светска војна“ од д-р Мери Стојанова
Март 06, 2020Книгата „Цивилното население во Битолско за време на Првата светска војна“ чиј автор е д-р Мери Стојанова, денеска беше промовирана во битолскиот Завод и Музеј. Во книгата се содржани податоци од истражувања од педесеттите и шеесеттите години на минатиот век, како и авторски истражувања на Стојанова во Битолско, Преспа и Струмичко.
СЕ КОНЗЕРВИРА МИНАРЕТО НА ЈЕНИ ЏАМИЈА
Јули 26, 2019Се конзервира минарето на битолската Јени џамија високо околу 40 метри. Проектот и надзорот се на битолски Завод и музеј, а средства се обезбедени од Министерството за култура. Поради висината на минарето, околу него се монтира скеле кое треба да овозможи безбедност за работниците кои ја изведуваат конзервацијата.
Крфица
Најчитани
