„Со ваквите испутувања нашата Клиника  го опфајќа цел југо-западен регион, ова е голема придобивка и помош за нашите пациенти, бидејќи овој апарат е со поголем капацитет од претходниот ( 120 исечоци), апаратот е од понова генерација и има можност за повеќе програми за обработка во зависност од материјалот и потребните дијагностички процедури. Стандардната процедура при обработка е 20 часа, а најкратката за обработка на ситен ткивен материјал (кор-биопсии, ендоскопски биотичен материјал, панч биопсии) трае само три часа. Со ова се скратува времето на чекање краен резултат особено важно кај тумурската патологија, од кој резултат зависат понатамошните постапки за лекување на заболувањето“, рече Сузана Конеска, портпарол на Клиничката болница.
Ткивниот процесор е дел од современата апаратура со која во последните месеци се поднови Клиничката болница со сопствени средства, а со единствена цел поквалитетни услуги на пацинетите.