Локацијата каде некогаша се ноѓаше воен поилигон за гаѓање на ЈНА сега е едно од најпосетените излетнички места во околината на Битола. Група ентузијасти со потекло од битолското село Лавци му го променија ликот на местото откако и АРМ ја напушти касарната. Тогаш беше реновирана црквичката, фасадата, покривот, уредена внатрешноста, поставени клупи и маси во дворот, беше пошумена околината...

Лавчани за местото и црквата биле поврзани уште од турско. Се раскажува дека пред многу векови со тоа место владеела некоја анка која имала голем чифлик. Иако била муслиманска, дозволила рајата да подигне манастир за да има место каде ќе се моли. Кога Турците заминувале жителите на село Лавци го купиле местото со заеднички пари. Бидејќи било скапо го собрале и семејниот накит за да го докупат.

Денес местото е во сопственост на црквата и општина Битола, но го одржув групата ентузијасти.  Смолево прерасна во едно од најпосетените места за рекреација во Битолско. Тоа е дестинација каде редовно застануваат да одморат планинарите што се искачуваат на врвот Неолица на Баба Планина виок 1440 метри. До црквата извира вода, која посетителите ја пијат верувајќи дека помага при лекување на болести на главата и од уплав кај малите деца. Водата која извира тука се смета дека е од изворите Дванаесет кладенци кај Нолица.

Смолево има специфилна местоположба, па се случува додека Битола е стегната во магла, таму среде зима да пукне пролетно време.