Сообраќајот на патниот правец А3 Прилеп – Битола – Ресен преку обиколницата Битола е нормализиран за сообраќај.

– На делот на свлечиштето ќе се изведуват градежни работи, за таа цел ќе биде затворена едната лента во должина од 200 метри. Поради тоа сообраќајот ќе се одвива по една сообраќајна лента за што е поставена содветна светлосна сигнализација (семафори) која ќе го регулира сообраќајот, соопшти ЈП „Македонија пат“.

Полицијата го утврди идентитетот на разбојникот кој вчеравечер прво извршил разбојништво и кражба во колонијална продавница во Битола, а подоцна во престрелка со припадници на полицијата бил ранет и пренесен во Клиничка болница-Битола на лекување.

Инспекторот за државни патишта, Сашо Здравевски, во телефонски разговор рече дека од фирмата изведувач „Илинден“-Струга  го известиле дека се набавени нови семафори по кражбата на двата семафора во изминатата недела и прашање е на часови кога АМСМ ќе извести дека обиколницата е пуштена во сообраќај. Фотографии од новите семафори на обиколницата на својот фејзбук профил објави градоначалничката Нашата Петровска и напиша - „Семафорите на обиколницата повторно поставени. Растеретувањето на сообраќајот - ветено, реализирано. По втор пат“.

Едно лице е повредено во сообраќајната незгода што попладнево се случи во близина на кукуречанската клучка. При судир на камион, сопственост на "Македонија пат"  и автомобил марка "форд ескорд", со повреди се здобил возачот на автомобилот, а неговиот сопатник и возачот на камионот минале без повреди, информираат од СВР Битола.

63 годишниот возач е префрлен во битолската болница.

По извршениот увид, сообраќајот на патот кој беше затворен, сега е нормализиран.