АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Активисти на Регионалното географското друштво „Геосфера“ од Битола на граѓаните денес им поделија 900 памучни торби со еко пораки. „Биди кабадаја, земи ме на пазар“ пишуваше на дел од торбите. Целта е да ја подигнат еко-свеста кај населението за употреба на еколошки материјали и исфрлање на пластиката од секојдневието.
„Насмевките на лицата говорат за задоволството на граѓаните“, велат од „Геосфера“. 
Акцијата беше спроведена на просторот на двата градски пазари во Битола, а финансиски поддржана од Фондација Отворено Општество -Македонија.
Загадувањето со пластика денес е едно од најгорливите прашања кога станува збор за животната средина, поради фактот што забрзаното производство на пластични производи кои потоа се фрлаат е поголемо од капацитетите за справување со тие производи на светско ниво. Во земјава веќе е воведена забрана за употреба на пластични кеси во трговија.
