Аплауз и полна сцена, колку убаво изгледа и звучи тоа во овие чудни времиња, дури лековито! Ова го соопштија од Народниот тетатар од Битола, а беше и заедничкиот впечаток на актерите и публиката, откако синоќешната премиера „Ноќта кога ја убив Месечината“ ги наполна сите седишта предвидени за публиката. Присутните гладни за театар по изведбата на претставата, актрите ги наградија аплаудирајќи им простум.

Претставата е во во адапација и режија на Марјан Ѓорѓиевски на текстот „Мост“ . Сценографијата е на Валентин Светозарев,костимографијата на Благој Мицевски, кореографијата е на Валентино Апостоловски. На сцената на Битолскиот народен театар ќе биде одиграна и вечерва, а изведби се закажани и за 24 и 25 феврураи од 20 часот.

Играат :

АЗ (човек од висока класа): Александар Копања

БУ (човек од средна класа) : Марјан Ѓорѓиевски

Просјакот: Валентин Светозарев

Инспициент: Димитар Михајловски

Шминка и фризура: Сашо Мартиновски

Фотограф: Љупчо Илиевски

Претствата беше одиграна според препораките за заштита од ковид-19. Во изминатиот период поради пандемијата во Битолскиот театар немаше претстави со физичко присуство, па премиерата им овозможи ретко културно насладување во последно време на љубениците во тетарот.