Нема отстапување од она за што се залагав како советник, а ми останува предизвик во мојот градоначалнички мандар, рече градоначалничката Наташа Петровска во своето обраќање пред советниците по повод носењето на буџетот за 2018 година. Таа нагласи дека останува посветена на битката за чист воздух, но преку преземање на долгорочни мерки како што е гасификацијата, а не преку краткорочни кои нема суштински да ја изменат ситуацијата со загадениот воздух.

За Нова година битолчани кои ќе одлучат вечерта да ја минат на плоштадот Магнолија ќе имаат можност да уживаат во новогодишен џубокс. Во него од 21,30 часот до еден по полноќ ќе настапат музичката група „Боеми“, Борче Наумовски, Бојан Стојков и актерите Илина Чоревска, Маја Андоновска Илијевска, Викторија Степановска Јанкуловска и Марјан Ѓоргиевски.

Финансиските планови за работа во 2018 година на јавните претпријатија „Комуналец“ и „Водовод“ беа изгласани со мнозинство гласови во битолскиот Совет, а на останатите како „Нискоградба“, „Пазари“, „Жабени“ и ЈП за урбанистичко пранирање, проектирање и инженеринг, како и на Старскиот дом „Сју Рајдер“, не беа усвоени.

Советникот Иван Чулакоски  од незвисната советничка група „Поинаку“ со бејсбол палка во рацете денес излезе на советничката говорница во Битола. По најавите дека од буџетот ќе се издвојат средства за нови спортски активности, тој пародично побара од Општината да формира бејсбол клуб велејќи дека има многу заинтересирани битолчани за овој спорт.

„По барање на битолчани има многу заинтересирани да се занимаваат со бејсбол во Битола и побаравме од Комисијата за спорт која предвидува буџет и средства за нови спортски активности и содржини во Битола да се формира и еден бејсбол клуб кој ќе функционира под належност на Општина Битола. Ние како ‘Поинаку’ сме заинтересирани да донираме палки за сите заинтересирани граѓани“, рече Чулаковски.

На ваквото барање возврати претседателот на Советот, Валентин Груевски велејќи дека Општината нема надлежност да формира спортски клубови, но може да ја поддржи нивната активност доколку таков клуб е оформен.

Од „Поинаку“ побараа во Советот да се достави информација за аероздагувањето во Битола. Но, ваквиот прелог беше одбиен зашто како што изјави Методија Илиевски, координатор на советниците од СДСМ, во тек е изработка на краткорочни мерки за заштита на животната средина. 

Во интернет комуникацијата на социјалните мрежи популарен е уличниот сленг, полн со англицизми, кои често се пишуваат неправилно, па им се додава и македонски член, србизми, нестандардизирани кратенки и слично. Дури и изразот за најубавите чувства како – те сакам најмногу – преминува во акроним, а младите ја губат способноста да формираат реченица која добро звучи.

Да запре трендот на незаинтересираност кон Битола, Прилеп и Охрид

За недоизградената пруга од Битола за грчка граница ќе се води судски спор, најави министерот за транспорт и врски, Горан Сугарески. Тој не прецизираше против кого ќе биде поведен спорот, но рече дека веќе имало дејствија за откривање на одговорните лица кои не го завршиле проектот.

„Судска постапка ќе се води во делот на одговорноста. Сѐ што имаме поврзано со овој случај доставуваме до органите на проганот. Тие малверзации ги открива обвинителството“, рече Сугаревски.

Суспендиран од работа е екс секретарот на Општина Битола, а сега  раководител на Секторот за финансии, Слободан Бончановски, еден од обвинетите во случаите „Транспортер 1 и 2“.

„Среќни, задоволни, видовте, разбравте“, со овие зборови им се обрати на новинарите, екс градоначалникот на Битола, Владимир Талески, по одлагањето на судскиот процес во кој е обвинет за недоволна грижа за Офицерскиот дом.

И денешното рочиште во Основниот суд во Битола беше одложено зашто бранителот на Талески според Законот за кривична постапка побара рочиштето да биде тонски снимено, а во судницата немаше улови за тоа. Неговиот адвокат Драѓи Пажиќ, кој го застапува и во обвинението за „Транспортер“, изјави дека доколку расправата почне без снимање ќе се жалат до Судот за човекови права во Стразбур.