-Струшкиот градоначалник Мерко најави дека регионалната депонија за општините од Југозападниот и Пелагонискиот Регион ќе биде во Новаци. Што е досега преземено?

Што се однесува до регионалната депонијакоја која што како проект е отпочната во 2004 година и последователно сите овие години била на некое ниво актуелизирана за да се издигне како проект кој што ќе не доближи до ЕУ регулативите во делот на третирањето на отпадот и максимална заштита на животната средина, до ден денес не е ништо конкретно преземено. На ден 17.03.2022 година добиен е допис од МЖСПП во кој од општините во југоисточниот регион се бара да номинираат лица кои заедно со Министерството ќе работат на подготовка на документацијата и формирање на заедничко јавно претпријатие за управување со регионалната депонија.

-Дали беше побарано мислење од Општина Новаци дали сакатерегионалната депонија да биде на ваша територија?

Сите овие години оваа тема е актуелизирана во неколку наврати за да во 2017 година се дојде до некаква финална одлука за која што жителите на Општина Новаци во 7 месец 2017 година  на јавна расправа биле прашани и дале зелено светло.

-Кој пинцип на работа со сметот ќе биде применет?

Точно е тоа дека Општина Новаци се јавува како општина на чија што територија планирано е да се изгради регионалната депонија која во суштина би требало да биди фабрика која што ќе го селектира и рециклира целокупниот отпад од кој органскиот отпад ќе биде подложен на процес на анаеробна ферментација од што би се добило биогас кој би се користел за производство на електрична енергија. Другиот отпад ќе се селектира на посебен начини ќе се пренасочува на финална рециклажа онаму каде што е наменет.

-До која фаза се наоѓаат тековните работи за изградба на оваа регионална депонија?

Во овие 5 месеци од кога сум јас градоначалник на Општина Новаци ова се информациите кои се стигнати до мене. Во овој момент од мене не се бара согласност од МЖСПП затоа што согласноста е дадена во 2017 година како од страна на локалното раководство така и од срана на жителите на Општина Новаци. Од мене се бара само соработка и вклученост на општината во понатамошните процеси кои ги диктира министерството.

 -Дали е оправдан стравот кај населението дека депонијата ќе значи дополнително загадување на средината?

Според она што како е замислена да функционира регионалната фабрика за рециклирање на отпадот која впрочем треба да ги задоволува сите ЕУ регулативи за модерна депонија мислам дека загадувањето ќе биде сведено на минимум за разлика од она што сега се случува со депонијата Мегленци која не задоволува никакви стандарди и услови и екстремно ја загадува животна средина во пелагонискиот регион.Регионалната депонија која се планира да се изгради секако ќе биде можност за нови вработувања за локалното население со што ќе допринесе за дополнителен економски развој на нашата општина

Во времето кога Османлиите го освоиле градот Битола, најревносните проповедници и чувари на верата, претежно млади монаси со неколку опитни старци, заедно триесет и девет на број, од повеќе битолски манастири и скитови, кои по Божја промисла ги преживеале страшните настани, се повлекле во манастирот „Свети Георгиј Победоносец“.

Но, Османлиите откриле каде се кријат овие монаси и ги заробиле. Најпрвин жестоко ги мачеле, потоа ги фрлиле во зандана, а утредента, доведувајќи им ги најдобрите мухамедански учители, започнале ласкаво да им се додворуваат и да ги убедуваат да се откажат од Христос. Започнала препирка за тоа која вера е вистинската, при што монасите мудро одговарале, темелејќи ги своите зборови на Светото Писмо и светоотечкото Предание, и така постигнале победа во дијалогот.

Откако го проследил со големо внимание овој дијалог, еден Турчин, кој се викал Хасан, а им служел како преведувач на препирачите, се восхитил и бил трогнат од неочекуваната духовна длабочина и големото христијанско смирение. Тогаш Агарјаните се нафрлиле на својот сонародник и толку силно го претепале што на телото на маченикот не останало неповредено место, а потоа го фрлиле во занданата, заедно со останатите Христови преподобномаченици.

Утредента, кога посрамените Агарјани увиделе дека монасите се непопустливи, исполнети со гнев, ги осудиле на смрт сите четириесетемина и ги повеле кон височинката на Баирскиот рид за таму да им ги отсечат главите на 9 март 1385 година според страиот календар. Од тогаш се слават 40 битолски маченици на 21/22 март секоја година со збирање на народот на манастирот на Кркардаш и со палење свеќа во храмот.

(Преземено од фб страницата на Манастир Св Спас, село Црнобуки)

Фото Диоген Хаџи-Коста Милевски 

Сметот од струшката дива депонија и охридската на Буково ќе се носат на нова регионална депонија во Пелагонискиот регион на територија на општина Новаци која ќе биде изградена според европските стандарди – собирање на исцедокот за да се спречи загадување на водите, како и изведба на подлога на депонијата од геолошка бариера, геомембрана, геотекстил и слој за дренажа, објави24.мк.

Советот на Југозападниот плански регион донел одлука за формирање јавно меѓуопштинско претпријатие во Новаци за транспорт на смет. Финансиските средства за воспоставување на овој систем за управување со отпадот се обезбедени преку заем од Европската банка за обнова и развој (ЕБОР).

„Веќе дадовме претставници од сите општини, со предност во Општина Новаци да биде седиштето на новото меѓуопштинско претпријатие за управување со сметот. Дивите депонии еднаш засекогаш да излезат од секојдневниот нпад и критики од граѓаните. Добиени се средатва, доделени на Министерствопто за живота средина и ова е убрзана постапка за што посокро да се реши овој проблем“, рече градоначалникот на струга Рамиз Мерко.  

Имплементација на овој проект ќе се одвива релативно брзо, уверува Мерко.Со овој регионален систем за управување опфатени ќе бидат општините Охрид, Дебар, Струга, Кичево, Прилеп и Битола.

Со изградбата на регионалната депонија на местото во иднина треба да се затворат постојната охридска депонија „Буково“, струшката депонија, како и сите останати општински локации за одлагање на отпадот кои до денешен ден предизвикуваат проблеми и негодувања кај населението, критики од УНЕСКО и на еколошките организации поради досегашните палења на отпадот, загадувањето на водите и нивната севкупна опасност по животната среди, пренесува 24.мк..

Веднаш по веста, селдуваа реакции на социјалните мрежи од страна на битолачани.

„Не ми се верува што сега слушам на вестите! Мерко кажува дека во општина Новаци, готово било да се изгради регионална депонија, за општините Струга,Охрид, Кичево, Ресен, Битола,Прилеп и да не има уште некој град! Парите биле обезбедени и со ова готово, трајно ќе се решел проблемот со дивите депонии! Добро бре, имате ли вие памет или немате,ако е ова навистина дозволено? Па доста цела Пелагонија е отруена и загадена со РЕК Битола 50 години, сега треба да стане главна депонија за скоро пола Македонија? Прв сум против оваа идеа и прв ќе ја бранам Пелагонија со сите демократски средства“, напиша битолчанецот Владо Стојанов. 

„„

Европската шампионка, битолчанката Оливера Наковска Бикова, утрово пристигна од Норвешка, каде на Европското првенство во стрелање со воздушен пиштол, освои златен медал.

На Меѓународниот аеродором во Скопје ја пречекаа, претставниците од Општина Битола,  Гордана Цветковска Бошевска и советникот Зоран Петковски, претседател на Комисијата за спорт, кои и посакаа топло добредојде, честитајќи и за постигнатиот успех и заблагодарувајќи и се за нејзината несебична посветеност, со која преку бројни спортски успеси ги промовира Битола и Македонија, во европски и светски рамки.