И по четири дена се уште нема решение на проблемот со дефектот во  електричната мрежа на улиците Караорман и Дебарска на битолскиот Баир.

Крушево се подготвува за одбележување на уште еден роденден на Тоше Проески со пригодна програма во спомен куќата „Тодор Проески“ на 25 јануари со почеток во 12 часот.

Во рамки на овој ден ќе се одржат неколку ликовни изложби во спомен куќата „Тодор Проески“, а во официјалната програма ќе настапува „Уникат бенд“ и настап на Сара Ристеска придружена од Габриела Аврамоска. Свои точки во спомен на Тоше ќе имаат и СОУ „Наум Наумовски Борче“ и ООУ „Никола Карев“.

На одбележувањето на денот на раѓање на Тоше Проески ќе се обратат претседателот на Советот на општина Крушево Тома Петроски и директорката на спомен куќата „Тодор Проески“ Елена Мирчевска кои и со полагање на цвеќе ќе оддадат почит за пејачот и граѓанин на Крушево.

И овој 25 јануари 2020 година ќе биде во знакот на реченицата: „Тоше има само ден на раѓање“.

Колку битолчани беа побогати во минатото покажува петминутната снимка направена за време на социјализмот во Битола, а објавена од Алберт Сулеј на јутјуб. На снимката се гледаат полни улици луѓе, Широк Сокак, чаршијата и пазарот со врвулица од минувачи, продавачи, купувачи, граѓани со торби во рацете. Минуваат и запрежни коли кои разнесуваат млеко. Дотерани луѓе, град во подем, паркови и тротоари полни зеленило. Среден Офицерски дом, Безистен, чисти улици, повеќе велосипеди од возила. Период на кој дел битолчани денес се сеќаваат со носталгија. Не попусто се пееше „Битола, бабам Битола, таму се живот живее, таму се јаде и пие...“