Им се соопштува на граѓаните дека по повод Новогодишните и Божиќните празници, КЈП Нискоградба ќе работи по следниот редослед:

Наплатен центар

-30.12.2019 со полно работно време

-31.12.2019 до 12 часот

Наплатниот центар нема да работи во периодот од 01.01.2020 заклучно 07.01.2020.

Наплатниот центар ќе почне со работа на 08.01.2020

Управа

Управната зграда нема да работи во периодот од 30.12.2019 до 10.01.2020

Со работа почнуваме на 13.01.2020

ЈКП Нискоградба

Зимски игри без граници се одржаа во спортската сала „Боро Чурлевски“ во Битола, во организација на Телвизијата за деца и тинејџери TVB.mk и Спортската академија од Битола поддржани од „Бучен Козјак“. Целта на настанот во кој учество зедоа над стотина ученици беше да се поттикнат повеќе да спортуваат, но и да се вратат уличните игри кои во последните години ги има се помалку.

Советничката група на СДСМ на денешната прес конференција побара неотповиклива оставка од совeтникот од независната група Пoинаку во Советот на Општина Битола, поради повикување на насилство. Тие прашаа дали кривичната пријава на охридската полицијата за насилство  против лице со иницијали И. Ч. од Битола се однесува токму на него.

Мешаниот аматерски хор на КУД „Стив Наумов" – Битола е првиот, најстариот македонски хор, формиран само два дена по 4 ноември, денот на ослободувањето на Битола, односно на 6 ноември во 1944 година, објавува МИА. Пред 75 години, борците на Седмата македонска ударна бригада – Битолска, сакајќи што побрзо да се чуе слободна македонска песна, на плоштадот во Битола и под диригентство на Тодор Скаловски приредуваат музичка програма со хорски композиции.

Според архивата на КУД „Стив Наумов“ – Битола, по првиот концерт, десетици битолчани изразиле желба да се зачленат во мешаниот хор, кој од 1944 година до ден-денес без прекин работи во овој град. Но, битолчани барале место и во другите секции, кои тогаш и низ годините се формирале, како што биле играорната секција, рецитаторската и дувачкиот оркестар, потсетува Љубомир Трифуновски, актуелен диригент на мешаниот хор на КУД „Стив Наумов“ – Битола.