Со навивање: „Динариди, Динариди“, шестоодделенците од ОУ „Коле Канински“, со домаќините од НП Пелистер (Информативниот центар), го започнаа одбележувањето на Денот на Динаридите, 7.Октомври. Овој ден за прв пат, од оваа година се прославува како ден на заштитата, востановен од мрежата на „Парковите Динариди“ и на сите заштитени подрачја членки и нечленки на мрежата, од државите кои се протегаат вдолж на Динарските Планини. На часот по биологија, д-р Драган Арсовски и Даниела Заец, претставници на Македонскот еколошко друштво (МЕД), одржаа интересен час за заштитата и зачувувањето на желката и другите влекачи и водоземци, како и за заштитата Балканскиот рис.

Блок 1 на РЕК Битола е исклучен од електроенергетскито систем во петокот, на 4 октомври, околу 23:30 часот, заради дефект на цевки во котелот на постројката. Се очекува да биде повторно ставен во функција во текот на утрешниот ден. Точно е дека Блок 1 почесто “испаѓа” за разлика од другите два блока на РЕК Битола, но вистината е дека причина за тоа е неуспешниот и сомнителен обид за модернизација на котелот на блокот од 2014 година. Обид заради кој и денес РЕК Битола е вовлечен во судски процеси и меѓународна арбитража, а на комбинатот му се закануваат милионски отштети кон странските партнери, при што трпи електроенергетскиот систем на земјата.      

Лицемерно е ВМРО – ДПМНЕ да зборува за партизација на РЕК Битола ако се знае дека за 11 години, колку што беше на власт оваа партија, во комбинатот се вработиле околу 1.400 лица, во најголем дел распределени на непродуктивни работни места. Последиците се чувствуваат и денеска.

Во ВМРО – ДПМНЕ може да бидат спокојни бидејќи тоа што не го направиле кога можеле и морале, а се однесува на ефикасноста во работењето на блоковите или , на пример, заштитата на животната средина, сега се надоместува со крупни чекори. За следната година предвидени се над 30 милиони денари за зголемување на доверливоста и ефикасноста на Блок 1, со што повторно ќе санираме наследени состојби.

ЕКГ во вредност од 70 илјади денари донираше  денес СОКОТАБ ДООЕЛ БИТОЛА во Клиничката Болница Битола.

Жителите на Кравари, во соработка со јавните претпријатија, викендов спроведоа еко акција за чистење и уредување на јавните површини во Кравари и миење на улиците.

Денеска во Охрид, во х. Метропол беше отворено 11-то Советување на Асоцијацијата на инженери и техничари МАКО СИГРЕ. 

После реализирани две мобилности во Шпанија и Германија, ученици и наставници од Основното училиште „Даме Груев“ од Битола престојуваа во Романија од 27 септември до 4 ноември годинава во рамки на проектот „Малцинствата во Европа“. Проектот има мото „Сите се смееме на ист јазик“, а се спроведува во партнерство со Германија, Шпанија, Турција и Романија.