Спортски реквизити донираше денеска локалната самоуправа за средните училишта во Општина Битола. Обезбедени се по 10 000 денари, така што за шесте средни училишта во Битола беа набавени топки за сите спортови, според потребата за изведување екипна настава по кошарка, ракомет, одбојка и фудбал.

„Завршивме со неколку реконструктивни зафати во училиштата во Општина Битола, во вредност од над 380 000 денари и во таа насока ќе продолжиме и следниот период. Она што е исклучително значајно, покрај реконструктивните зафати, е збогатувањето на нагледните средства во училиштата. Денес сме овде да промовираме опрема, обезбедени се по 10 000 денари за секое средно училиште, исклучиво за намена на спортски реквизити и овозможување на јакнење на спортскиот дух кај младата популација. Како локална самоуправа, овозможивме и во ОУ Ѓорѓи Сугарев да имаме спортски активности на децата кои досега беа инклузивно невклучени во спортските активности, односно децата кои што имаат посебни потреби. Исто така, најавувам дека во следниот период ќе следува парична активност во функција на јакнење на спортските капацитети во основните училишта. Имајќи ја предвид, финансиската состојба на нашите училишта, ова е единствениот начин како би можеле да ја зголемуваме и подигнуваме кондицијата и атмосферата за што поблагопријатна атмосфера на учениците во Општина Битола“, рече градоначалничката на Општина Битола, Наташа Петровска.

Од општинскиот сојуз на училишни спортови, изразија голема благодарност за денешната донација од Општина Битола, која ќе овозможи и учество на учениците на натпревари во сите спортови.

„Морам да потенцирам дека за првпат од Општина Битола се прави ваков вид на набавка на опрема и значајно е за подготвување на екипите за претстојните натпревари и одржување на натпреварите во сите спортови“, изјави Михајло Трампевски , претседател на ОСУС – Битола. 

Учениците од одделенската настава во ЦОУ „Славко Лумбарковски“ од село Новаци денеска присуствуваа на детската претстава „ Волшебна приказна“ која ја изведе театарот „ Колозов од Скопје.Проектот е насловен како „Прикажување на театарски претстави во рурални средини“.

На овој начин учениците се запознаа со театарската уметност и се дружеа  со познатите актери Владо Дојчиновски, Дубравка Киселички и Перуника Киселички.

Активноста ја реализира Сојуз на здруженија за рурален развој „Мрежа на Лагови“ во рамките на „Нов културен бран 2018“ поддржан од Министерство за култура на РМ. 

Н.У.Завод и музеј- Битола во рамките на партнерскиот проект "Допир на Уметноста"(Touching Art ) поддржан од Културно наследство без граници од БиХ, преку Фондација Ставрос Ниархос,  презентираше тактилни копии на предмети во Музејот на Зеница во БиХ.

За потребите на проектот беа изработени тактилни копии од двата музеи.

Во рамките на овој проект беа организирани и голем број на посети на културно наследство, работилници со посетители со попречености, слабовиди и слепи лица, во кои беа вкључени стручни лица дефектолози, уметници, едукатори.  Учесниците во работилниците беа присутни и во процесот на изработка на копиите.

Н.У. Завод и музеј во рамките на проектот набави масички и столчиња за работилници.

Доближувањето на културното наследство и музејската поставка до лицата со попреченост институцијата го продолжува и оваа есен за кога се планирани повеќе активности, работилници, проекти, презентации и меѓународна соработка.

Од 30 000 прегледани деца на територијата на Македонија, десет проценти имале проблеми со видот. Овој податок денес на Меѓународниот ден на белиот стап го соопштија од Лајонс клубовите во Битола кои веќе петта година го спроведуваат проектот за рано откривање на проблемите со видот кај малите деца.

По повод Светскиот ден на здрава храна, утре, 16 октомври, вработените и родителите на децата од градинките на ЈОУДГ „Естреја Овадија Мара“ организираат хуманитарна акција за продажба на домашно приготвена храна, а собраните средства ќе бидат наменети за деца со ретки болести од Битола.

Некои од конзулите во Битола останувале по една до две години, а некои до крајот на животот. Најдолго во Битола останал австро- унгарскиот конзул Франц Едлер фон Кнапич. Тој тука ја доживеал и најголемата радост, раѓањето на неговата ќерка Едле фон Кнапич, но и завршетокот на својот животен пат. Конзулот фон Кнапич засекогаш останал во Битола. Починал во 1886 година, а дваесетина години порано и конзулот Франц Зелнер во 1863 година исто така животот го завршил животот во Битола.

Оригинални фотографии од изложбата „Конзулска Битола од првиот Австриски конзулат до Првата светска војна“ отворена во битолски Завод и музеј во организација на Амбасадата на Република Австрија во Македонија, Почесниот австриски конзулат во Битола и Општина Битола..

 Битола деновиве е домаќи на VII FUTURA Регионален Moot Court натпревар за симулација на судски процеси пред Европскиот суд за човекови права во организација на CIVIL RIGHTS DEFENDERS. На натпреварот учество зедоа осум екипи од Правните факултети од регионот (Битола, Штип, Крагујевац, Бања Лука, Мостар, Зеница, Тузла и Витез).

Натрупаните долгови на општините во областа на образованието, културата и социјалната заштита ќе се враќаат со пари од државната каса. Ваква одлука донесе синоќа Владата на седница на која беше усвоен предлог Ребалансот на Буџетот на РМ за 2018 година. Со ова,  најголема алокација на средства со Ребалансот,  има токму за општините, за кои се обезбедува финансиска поддршка  во висина од 3,020 милијарди денари, односно 50 милиони евра, со цел намалување на доспеаните, а неплатени обврски.