Учениците од средното  медицинско училиште „Д-р Јован Калаузи“ Битола, денеска го одбележаа Меѓународниот ден за борба против гладта. Медицинското училиште цела недела е вклучено во активности за тоа како да се подигне свеста кај младите за рационално третирање на храната и искоренување на гладта. Група ученици денеска со дел од професорите се собраа на едукативна и интерактивна работилница во еден од битолските расторани.  

-Сакам да истакнам дека ова е еден сериозен светски проблем. Нашето училиште започна со активностите по повод Меѓународниот ден на храната и Денот на гладта и тие активности ќе траат до крајот на оваа работна недела. Денеска нашите ученици во оваа воннаставна активност ќе бидат запознати со повеќе информации за Денот на гладта, а ќе се водат и дискусии, бидејќи на тој начин ќе ја поттикнеме свесноста   и хуманоста во борбата против гладта,што  е светски сериозен проблем,  а уште повеќе отежнат од климатските промени и нееднаквиот економски развој. Нашите ученици се застапени во овие работилници од прва до четврта година со едукација како да се помогне на социјално загрозените лица и како може да се искорени сиромаштијата преку учење и знаење, рече педагогот во Медицинското училиште во Битола, Милка Мицевска.

„Пет минути винимание за промена во вашите животи“ е мотото под кое денес (24.10 2018, среда)  во Битола, Европскиот институт за менаџмент, право и дипломатија од Скопје ќе оджри бесплатен семинар за мотивација. Еднодневниот семинар ќе се одржи во големата сала на НУ Народен театар Битола во времетраење од 18 до 21 часот. Регистрацијата на учесниците е предвидена за денес од 18: 00 до 18: 30 часот. Битолчани деновиве пројавија голем интерес за присуство на семинарот, па се очекува салата да биде полна.  

Во рамките на проектот за граѓанско учество поддржан од УСАИД „Инспирирај, вклучи се, волонтирај“, Младинскиот културен центар од Битола и Општина Битола, го промовираа Советот за волонтерство.

Ученици од седумте средни училишта од Битола ќе бидат дел од проектот на здружението „Ганимед“ од Битола со цел промовирање на медиумската писменост преку стимулирање на критичко размислување, плурализам на мислења и демократски вредности.

Преку проектот „Тема за дилема“, што ќе трае шест месеци „Ганимед“ ќе се обиде да придонесе за поттикнување на култура на критичко размислување преку едукација на средношколците за штетните ефекти на медиумските манипулации врз демократијата и европските вредности кон кои се стреми нашето општество, зголемување на капацитетот на здружението и на медиумот вклучен во проектот за справување со медиумски манипулации преку подобрувањето на медиумската писменост во соработка со средните училишта, пошироко медиумско описменување на средношколците надвор од формалното образование.

Проектот „Тема за дилема“ е дел од проектот Критинк – „Со критичко мислење до граѓани со медиумска умешност“, финансиран од ЕУ, а го спроведуваат Фондација за интернет и општество „Метаморфозис“ и Центарот за европски стратегии „Евротинк“.

Државна видеолотарија како општествено одговорна компанија се вклучи во активностите со кои денес, 16 октомври се одбележува Светскиот ден на храната и ден на борба против гладот.

Битолчани предлагаат проширување на пешачките зони во централното градско подрачје. Во истражувањето што го спорведе Здружението „Геосфера“ од Битола од 770 анкетирани битолчани, дури 63 проценти одговориле дека треба да се зголеми бројот на пешачки зони во градот.

На дадениот линк од веб страницата на РГД Геосфера-Битола прикажани се резултатите од спроведената анкета и визуелно со кликање врз картата во Google Maps, прикажани се предлог пешачките зони во град Битола по сугестија на граѓаните.

Клекнувајќи на колена со букет црвени рози во рацете 75 годишниот битолчанец Томе Галовски симболично по втор пат ја побара за жена неговата долгогодишна сопруга Лилјана (71). На ваков романтичен начин овој брачен пар од Битола деновиве ја прослави златната свадба или половина век заеднички живот. Прославата се одржа во потесниот круг на семесјството, а истата вечер Томе го славеше и својот 75-ти роденден. Блиските роднини им подарија заедничка врамена фотогрфија.

Спортски реквизити донираше денеска локалната самоуправа за средните училишта во Општина Битола. Обезбедени се по 10 000 денари, така што за шесте средни училишта во Битола беа набавени топки за сите спортови, според потребата за изведување екипна настава по кошарка, ракомет, одбојка и фудбал.

„Завршивме со неколку реконструктивни зафати во училиштата во Општина Битола, во вредност од над 380 000 денари и во таа насока ќе продолжиме и следниот период. Она што е исклучително значајно, покрај реконструктивните зафати, е збогатувањето на нагледните средства во училиштата. Денес сме овде да промовираме опрема, обезбедени се по 10 000 денари за секое средно училиште, исклучиво за намена на спортски реквизити и овозможување на јакнење на спортскиот дух кај младата популација. Како локална самоуправа, овозможивме и во ОУ Ѓорѓи Сугарев да имаме спортски активности на децата кои досега беа инклузивно невклучени во спортските активности, односно децата кои што имаат посебни потреби. Исто така, најавувам дека во следниот период ќе следува парична активност во функција на јакнење на спортските капацитети во основните училишта. Имајќи ја предвид, финансиската состојба на нашите училишта, ова е единствениот начин како би можеле да ја зголемуваме и подигнуваме кондицијата и атмосферата за што поблагопријатна атмосфера на учениците во Општина Битола“, рече градоначалничката на Општина Битола, Наташа Петровска.

Од општинскиот сојуз на училишни спортови, изразија голема благодарност за денешната донација од Општина Битола, која ќе овозможи и учество на учениците на натпревари во сите спортови.

„Морам да потенцирам дека за првпат од Општина Битола се прави ваков вид на набавка на опрема и значајно е за подготвување на екипите за претстојните натпревари и одржување на натпреварите во сите спортови“, изјави Михајло Трампевски , претседател на ОСУС – Битола. 

Учениците од одделенската настава во ЦОУ „Славко Лумбарковски“ од село Новаци денеска присуствуваа на детската претстава „ Волшебна приказна“ која ја изведе театарот „ Колозов од Скопје.Проектот е насловен како „Прикажување на театарски претстави во рурални средини“.

На овој начин учениците се запознаа со театарската уметност и се дружеа  со познатите актери Владо Дојчиновски, Дубравка Киселички и Перуника Киселички.

Активноста ја реализира Сојуз на здруженија за рурален развој „Мрежа на Лагови“ во рамките на „Нов културен бран 2018“ поддржан од Министерство за култура на РМ.