Поранешната пратеничка од Ресен, Дивна Јовковска Ефтимовска, на социјалните мрежи испрати повик за помош на трите семејства од Ресен кои останаа без покрив над главата по вчерашниот силен пожар кој ги зафати нивните домови.

„Кога се работи за хумани цели, Македонија знае да биде хумана. Да им помогнеме на ресенските семејства, чии куќи беа опожарени вчера претпладне. Помошта е потребна најитно, независно од видот„, напиша таа на фејсбук.
За сите оние кои сакаат финансиски да помогнат можат да уплатат средства

Банка на примач: ХАЛКБАНК
Примач: Сибел Дафтовска
Бр. на Сметка: 270-7000-395-058.18

Пожарот избувнал вчера утро во куќите сопственост на 51-годишниот М.Д., 43-годишниот В.А. и на Н.З. во Ресен во кој биле опожарени покривните конструкции, собите и покуќнината, а при неговото гаснење биле оштетени дел од ѕидовите и покуќнината.

Пожарот бил изгаснат од екипа на Територијалната противпожарна единица Битола.Увид извршила екипа од Надворешната канцеларија за криминалистички работи Ресен. Пожарот, како што соопшти МВР, најверојатно настанал на покривот, односно на оџакот на една од куќите. 

Искршени прозорци, дотраен паркет, изронета фасада, ѕидови и скали, немолерисани простории, напукнати тавани... Вака изгледа подрачното училиште „Тодор Ангелевски“ во битолската населба Горно Оризари. Фотографии од затекнатата состојба во школото на својот фејсбук профил објави новата директорка на ОУ„Тодор Ангелевски“, Љубица Стерјева. Сликите покажуваат дека на школото во Горно Оризари потребна му е итна реконструкција.

На 18 јануари 1914 година во село Канино, битолско, роден е  Никола ТОДОРОВСКИ-Коле Канински, припадник на македонското националноослободително и комунистичко движење и учесник во Антифашистичката војна во Вардарскиот дел на Македонија. 

По професија бил правник. Основнотои средното образование ги завршил во Битола. Во октомври 1933 г. заминал на студии по право во Белград. Тука се истакнал со дејноста во прогресивното движење.

Станал член на КПЈ во 1936 г. По завршувањето на факултетот во 1938 г. се вратил во Битола и продолжил со својот политички ангажман. Во 1940 г. станал член на Месниот комитет на КПЈ-Битола. На теренот бил многу популарен.

Во септември 1941 г. станал член на првиот Битолски месен воен штаб, што значи дека непосредно раководел со организирањето на партизанската борба во Битолско. Поради својата револуционерна активност во време на окупацијата бил неколкупати затворен, а есента 1942 г. се приклучил кон партизанските единици.

Во април 1943 г. станал началник на штабот на Партизанскиот одред "Даме Груев". По формирањето на Партизанскиот одред "Гоце Делчев" на 20 мај 1943 г. станал негов командант. Подоцна бил именуван за политички комесар на Вториот баталјон на Третата оперативна зона, познат и како Битолско-мариовски баталјон на Втората македонска бригада.

Бил избран за делегат на Првото заседание на АСНОМ.

Загинал како политички комесар на Првата македонско-косовска народноослободителна бригада, во несреќен случај на 22 јули 1944 г., при испробувањето на минофрлач кај селото Буринец на планината Караорман.

                                                                                                                          подготвил: д-р Александар Литовски, историчар

Графит со фашистичка порака испишан   е денеска на фасада  на битолски Широк Сокак. Графитот е на македонски и албански јазик, што алудира  на Законот за употреба на јазиците.

Работници барајќи си ги заостанатите плати од фирмата „Трансмет“, чиј поранешен газда беше бизнисменот Сеад Кочан, четврти ден штрајкуваат во РЕК „Битола“. Фирмата им должи од една до три плати, а револтот одлучија да го изразат преку блокада на механизацијата што „Трансмет“ ја има во рудникот Брод Гнеотино за ископ на јаглен и јаловина.

Студено време утрово во Битола. Снегот кој падна синоќа во Битола не се задржа на коловозите. Снежна покривка има на Пелистер и во Пелагонија. Минималната температура измерена во шест часот утрово беше еден степен под нулата, а во Пелагониско и пониска. Максималната температура денес ќе се искачи до четвртиот степен над нулата.  Сепак, овие температури може да се каже и дека не се многу ниски ако се имаат во предвид сибирските зими кои Битола ја зафајќале во изминатите години, кога се случувало температурите околку христијанскиот празник Водици да паднат до минус 30 степени Целзиусови..

Радиото располагаше со 13 000 плочи, а музиката често пати ја изведуваа чалгиски оркестри во живо, сигналот стигнуваше далеку дури до плавиот Јадран, раскажува Диме Миновски.

„Бев пресреќен кога слушнав дека се зачувани 600 полочи од некогашната дискографска ризница на ‘Радио Битола’. Си реков ќе се спаси барем дел од големиот фонд да не заврши по буништа или во приватни колекции на дискофили“, вели Димче Миновски, еден од новинарите доајени на во најстарата локална радио станица во Македионија.

Министерството  за образование најави големи реформи во основното образование. Подготвени се нови наставни програми и планови за прво одделение, a наскоро се очекува  да заврши ревизијата и изгтовувањето на нови наставни програми за второ и трето одделение.

Реката Драгор многупати несовесни граѓани ја третираат како депонија, па во коритото завршуваат предмети, покуќнина, апарати за домаќинство кои веќе не се користат.

Обезбедена е вкупната финансиска конструкција за проектот пречистителна станица во Битола која ќе изнесува  28,7 милиони евра.Најголемиот дел   85% од средствата се обезбедени од ИПА фондовите, а околу 7,5 милиони евра се од Владата на Република Македонија.