ПРИЕМ НА АМБАСАДОРКАТА НА ИЗРАЕЛ

Визуелни елоквенции“ – нова поетска книга на Лили Бошевска во издание на „Матица македонска“ 

 Книгоиздавателството „Матица македонска“ ја објави новата поетска книга на Лили Бошевска, „Визуелни елоквенции“. Станува збор за оригинален книжевно-ликовен проект – секоја од песните во книгата е во дијалог со дело од ликовната уметност, од истакнати ликовни уметници од Македонија и од светот. Со тоа, најновото дело на Бошевска се вбројува меѓу оние што во македонскиот културен простор, експлицитно го поттикнуваат дијалогот на поезијата со другите, некнижевни форми на уметнички израз, докажувајќи дека делата од различни уметности можат едно со друго да се дополнуваат, оформувајќи ја големата слика за пораките и светот на творецот.

„Во уметноста, како и во љубовта, човек може да го даде само она што го има.“ Оваа мисла на Владислав Сштемински (1983-1952) се издвојува како носечко мото на книгата на Бошевска, што се потврдува и преку тематско-мотивските преокупации на Бошевска засведочени во песните поделени во осум циклуси. Поезијата од оваа поетска книга, покрај мултимедијалноста остварена со дијалогот со ликовната уметност, се одликува и со силни интертекстуални, пред сѐ хипертекстуални врски со филозофијата и со историјата на книжевноста, пред сѐ со митологијата, во потрагата по одговори на суштински прашања за човековото постоење. Накусо, покрај со концептот и внатрешната архитектоника со која се издвојува како осмислена и заокружена целина со концепт, а не само како збир на песни, „Визуелни елоквенции“ се издвојува и со автентичноста на стилот на Бошевска, којшто ја претставува како поетеса-ерудит и промислувач. Значајно е да се напомене дека најголемиот дел од делата од ликовната уметност што се во дијалог со песните на Бошевска се од понов датум, при што во книгата се гради синтеза меѓу архаичното (митолошкото) со интертекстуалната врска во стиховите, колективното, индивидуалното и најсовременото, а притоа се понесува заклучокот дека Бошевска, всушност трага и успева да дојде до поетски одговори на веничните прашања за човекот, творецот и уметникот воопшто.

Раде Силјан

„Матица македонска“

Промоцијата на најновото остварување на Лили Бошевска, пред бројна публика, се одвиваше на 12.12 2025 во галеријата „Ранко Струмениковски“ која станува  неодминлив простор во кој редовно се случуваат квалитетни културни настани.

Во книгата, покрај песните со оригинален и веќе препознатлив стил, како инспирации и илустрации избликнуваат и ликовните дела на повеќе домашни и странски ликовни уметници: Сергеј Андреевски, Владо Ѓорески, Никола Пијанманов (Македонија), Валерија Бертесина (Италија),Виктор Мануел Хернандез Кастиљо (Мексико), Деница Јанева(Бугарија), Снежана Кезеле (Србија), Лукаш Богдан (Полска). Автор на корицата е уметникот Владо Ѓорески.

На промоцијата со свои осврти се обратија и поетесата Милица Радевска –Димитријовска како претставник на издавачот, рецензентот Добре Тодоровски, Гордана Петров- Такец и галеристот Драган Ристевски. Поезијата ја читаа Климент Ристески, Теодора Кулевска и Рамадан Рустемов.

СВР Битола извести - На 16.12.2025 во 1:40 часот во СВР Битола, Ф.А.(36) од Битола пријави дека на ул. „Г. Васко Карангелевски“ комплекс „Нов Пазар“ во Битола, бил физички нападнат од неколку лица. Се преземаат мерки за расчистување на настанот.

 КИНО ПОД ЅВЕЗДИТЕ за зимските празници!

  Кино програмата ќе трае 5 денови од 20-25 декември на плоштадот Магнолија, а почетокот на проекциите е 17.00ч. 

ЈП Стрежево Битола известува дека секој викенд чајџилницата ќе биде отворена од 08:00 до 15:00 часот.

Природата е секогаш најдобро место за мал одмор, порачуваат од ЈП Стрежево.