Општина Новаци спроведе акција за чистење на времените депонии во Новаци и Добромири. Ваквите депонии се создадени со цел месното население да го одлага комуналниот смет и градежен шут на едно собирно место со цел да не се создаваат помали диви депонии на несодветни места .Насобраниот комунален смет од овие депонии потоа се транспортира до депонијата Мегленци .
Акцијата за чистење беше поздравена од локалното население, изразувајќи го своето огромно задоволство од големиот ангажман на градоначалникот Љубе Кузманоски .

-Од локалната самоуправа упатија апел до граѓаните на Општина Новаци за совесно однесување кон веќе исчистените депонии и подигнување на јавната свест за несовесното постапување со отпадот, бидејќи заштитата на животната средина во голема мера зависи од правилниот однос и постапување со отпадот, велат од општината.

"Упатувам апел до граѓаните совесно да се однесуваат кон еднаш исчистените локации со диви депонии.Штетноста од несовесното постапување со отпадот треба да биде основа за подигнување на јавната свест кај граѓаните и силна порака за да разберат дека заштитата на животната околина во голема мера зависи од нашиот однос кон отпадот."-истакна градоначалникот Љубе Кузманоски.  

Со свечена седница, потпишување на договор за соработка со Коломбел, Франција и други пригодни активности, општина Новаци денес прослави 23 години постоење.

„Од типично рурална општина пред 23 години, денес Новаци е општина со која сите треба да се гордееме. Таа денес претставува стопански, административен, образовен, културен, уметничнки и спортски центар. Постојано вложуваме во инфраструктура, во изградба на нови паркови, засадување на дрвја, реконструкција на училишта и градинки. Нашата општина е една од најперспективните рурални општини која интензивно се развива. Заедно со Советот на Општината и граѓаните, чекор по чекор, упорно работиме и ја градина општина Новаци“, рече градоначалникот Љубе Кузманоски.

Градоначалникот на општина Новаци, Љубе Кузманоски беше домаќин на делегацијата од збратимената општина Дуги Рат од Република Хрватска предводена од градоначалникот Јерко Роглиќ. Збратимувањето меѓу двете општини е од 2013-та година и секоја година се остваруваат вакви средби кои се важен чекор за зацврстување на заедничката соработка.

Од деветнаесетмината пријавени за фаќање на светиот крст во Општина Новаци оваа година најсреќен беше Ице Марковски од селото Новаци кој за прв пат го фати светиот крст .

Традиционално со фрлање на светиот крст во осветените води во сите православни храмови во општина Новаци се одбележа големиот христијански празник Богојавление-Водици .
Главната церемонија се одржа во црквата „Св. Атанасиј Велики“ во селото Новаци каде на светата богослужба присуствуваа голем број на верници.
Градоначалникот Љубе Кузманоски на  Марковски му додели парична награда .

Општината обезбеди парични награди и за сите  други верници кои го фатија светиот крст во сите четиринаесет населени места каде се негува традицијата на одбележување на Водици.
Градоначалникот Кузманоски уште присуствуваше на светиот чин на фрлање на крстот во с. Добромири и во с.Рибарци .

Градоначалникот Кузманоски на сите оние кои беа најсреќни и го фатија светиот крст им  посака здравје , среќа и бериќет.

Православните христијани денеска ја слават Василица , а бројни маала низ општина Новаци  синоќа традиционално ги запалија василичарските огнови околу кои во весело расположение , со греана ракија , вино и скара се прослави Стара Нова година и Василица.

Градоначалникот Љубе Кузманоски  ја прослави Василица  со своите сограѓани . Ги посети големите  маалски василичарски огнови  од каде испрати порака  да се негува традицијата и обичаите и да се пренесуваат  на идните поколенија.

“Овие празници како дел од нашата традиција  ни даваат можност  да се собериме сите заедно на едно место , на едно огниште кое симболизира заедништво , единство и сите заедно да ги одбележиме традиционалните вредности кои всушност  се и белег на нашето постоење.Ова зедништво  ги зајакнува меѓусебните  врски во нашата локална заедница. Дружењето со соседите  , пријателите  , блискоста меѓу младите  дава посебно чувство на среќа , задоволство и исполнетост. Да си подаваме рака , да се помируваме , да бидеме единствени и сплотени не само на ваквите празници туку тоа да ни биде секојдневие. На сите граѓани на општина Новаци  и на сите православни верници им ја честитам Стара Нова година и Василица со желби за здравје , среќа и бериќет ”– истакна градоначалникот Кузманоски.