АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Учесниците од Битола од тесто го соѕидаа Градскиот часовник, а негов мотив во зимски пејсаж ставија и на новогодишната торта. Празничната трпеза од Организација на жени изобилуваше со битолска симболика..
„Инспирацијата ни беше Битола, преточена низ традиционална храна, претставена на модерен начин. Орешачник од печени кори со фил од ореви и солена торта претставени како Хераклеја. Мозаиците ги изработивме, едниот од лушпи од јајца лепени на нори алга, а другиот од семиња со ориз, леќа, црна и хималајска сол, сончоглед, семки. Потоа, изработивме за главно јадење три вида на месо претставено како фонтаната кај Саатот, салата како молика, свежа салата како паун, кој ја претставува Зоолошката градина во Битола“, рече коодинаторката на умешните битолчанки Весна Тодоровска Алачковска.
Во подготвката на оваа оригинална трпеза учествуваа и Светлана Петковска, претседател на Организацијата, Лилјана Ракосовска, Верица Бутлевска, Данче Милошевска, Виолета Николовска Златевска и Мирјана Кицева. Во ремек делата од храна помогна и надворешниот соработник Марјан Милошевски од позната битолска пекара кој ја подготви Саат кулата од тесто.
Организацијата на жени на натпреварот доби допломи за најуспешна организација, најдобро декорирана маса, Весна Тодоровска Алачковска признание за шефица на година, воедно имаше и признзнија за другите учеснички.
Организацијата на жени од Битола годинава прослави 75 години постоење.
