Јас, Наташа Илиева, директор на ОСМУ „Д-р Јован Калаузи“- Битола и се обраќам на јавноста со намера да ја запознаам со фактите поврзани со вчерашниот немил настан во училиштето. Сметам дека настанот не треба да се злоупотребува од поединци и групи за добивање на партиски или политички поени и дека тоа не е во интерес на учениците и нивното подобро образование.

Вистина е дека една ученичка била во тоалетот кога паднал дел од плафонот. Веднаш по настанот разговаравме со ученичката и, освен вознемиреност од настанот, таа немаше видливи повреди. Затоа, по нејзина волја, ученичката остана до крајот на часовите.

Вистина е дека училиштето се реновираше со средства од Министерството за образование и наука, но тоалетите не беа опфатени со оваа реконструкција.Истите се реновирани пред 4 години со средства од донации. Во овој период, не се појавил некој видлив и значителен проблем во функционирањето на истите и поради тоа не се побарани средства за нивна повторна реконструкција ниту од општината, нуту од МОН.

Треба да се знае дека во училиштето нема стручно лице кое може да предвиди дали и кога би се случил ваков или сличен немил настан. Затоа денес побарав од општината да испрати стручно лице кое ќе ја утврди безбедноста за користење на останатите тоалети во училиштето со цел да се превенираат вакви настани.

Како директор на училиштето разговарав со ученичката и нејзините родители во врска со настанот и останувам во комуникација со нив за се што е потребно.

Воедно, како директор, ги уверувам учениците, родителите и целокупната јавност дека ќе продолжам да се грижам за успешна реализација на воспитно-образовниот процес. Останувам посветена на обезбедување квалитетни и безбедни услови за учење на учениците и работа на наставниците во нашето училиште.

Со почит, Наташа Илиева, директор на училиштето

„Ете една од многуте случки кои се случуваат во Медицинското училиште во Битола Др"Јован Калаузи" на чело со директорката  која што проблемите како овај ги притајува и не реагира, а во прашање е живот на ученици односно, во овај случај 16 годишно девојче.

Изјава од учениците кој беа сведоци на тоа што се случи:

Имено, утринава девојче се упатило во тоалетот каде што таванот и се срушил врз глава и одвај се извлекла од тоалет. Ученичката уредно пријави, преплашена од ситуацијата. Најжално и мизерно е што во тој момент никој не изрегира соодветно на ситуацијата.
Директорката влезе во класот каде учи девојчето после еден час и со добри манипилации се потруди да ги замолчи учениците со цел умешно да ја прикрие настанатата ситуација. Цитирам:
"ПА ТИ СИ ЈУНАК,БИТНО СИ ЖИВА" смеејки се ја потапка по грбот и убедубајки ја дека се е во ред. Но,кога учениците се побунија и кажаа дека се загрижени за нивната безбедност,таа бурно изреагира и рече како немаме право на глас. И нашата безбедност е на високо ниво.
Ние учениците,јавно ѝ поставуваме прашање на не одговорната "загрижена" директорка како после оваа ситуација да сме смирени и нашите родители да веруваат дека нашата безбедност во Средното медицинско училиште е на високо ниво?
Денес ова, а утре што?
Каде се одговорните да реагираат?“

(Анономно писмо од ученици во Средното медицинско училиште во Битола)

Истото анонимно писмо е објавено на социјалните мрежи и се препраќа меѓу средношколците од Битола.

Инцидентот се случи утрово,  од Општината соопштија дека незначително е повредена ученичка и побараа одговорност од директорката, а таа ни рече дека девојчето не е повредено, само е исплашено и во разговор со родителите ѝ рекле дека е добро.

На 25.03.2023 година во Битола се одржа втората обука во рамките на проектот FAST FORWARD на тема “Генерирање на бизнис идеи” на која 15-тина млади од руралните општини: Новаци, Могила, Кривогаштани, Долнени, Ресен, Демир Хисар, Кривогаштани и Крушево се стекнаа со нови знаења за генерирање, анализа и селекција на претприемнички идеи кои имаат потенцијал да се развијат во бизнис план а потоа и во одржлив бизнис.

За време на обуката, младите претприемачи идентификуваа бизнис идеи кои ќе решаваат конкретни проблеми и се стекнаа со вештини за споделување и соочување на своите бизнис идеи со поширока публика. Како дел од проект кој е поддржан од Амбасадата на САД во Северна Македонија а имплементиран од Здружението на граѓани за унапредување на развојните процеси - Про Локал Битола, за време на настанот, идните претприемачи од регионот стекнаа нови знаења на теми поврзани со развојот на претприемништвото како што се: микро-анализа на бизнис идеја, пичинг на бизнис идеја и се запознаа и со основните критериуми за анализа и селекција на бизнис идеја.

Со цел дополнителна мотивација на учесниците, за време на обуката своја презентација одржаа и оснивачите на стартапот “УЛАФ СТЕ” од Битола кои и покрај тоа што се лица со пречки во слухот и говорот, успешно го водат својот бизнис и тоа во време на здравствени рестрикции, инфлација и општ пад на економијата.

Интегрален текст од изјавата на Јадранка Павловска од СДСМ

„Коњановски и ДПМНЕ работат на систематско и смислено пустење на Битола и на безмилосно трошење на парите на битолчани! Со секој ребаланс на буџетот на Општината минатата година, градоначалникот Коњановски ги намалуваше парите за капитални инвестиции, а ги зголемуваше за шетање и разно – разни трансфери. Во првичниот буџет беа предвидени 8,6 милиони евра за капитапни расходи, односно изградба на улици и објекти, а 7,8 милиони евра за разни трансфери и договорни услуги.

Со првиот ребаланс на буџетот, средствата за капитални расходи беа намалени на 8,28 милиони евра, а за трансфери и услуги беа зголемени на 8,25 милиони евра. Со вториот ребаланс, Коњановски отиде уште подалеку. Ги намали парите предвидени за капитални расходи на 7,5 милиони евра, а ги зголеми за трансфери и услуги на 9,2 милиони евра.

Затоа почитувани битолчани, не ја гледате направена улицата што Коњановски ви ја ветуваше, ја нема градинката што Коњановски ја ветуваше. Не започна изградбата на училиштето во Буковски ливади. Го нема новоизградениот Планинарски дом Копанки. Нема ниту нова инвестиција во Жабени. Има срушени гаражи и трафики и еден синџир за возила кај Пионерски.

Со историски високиот процент на реализација на буџетот на општината со кој се фалат, Коњановски и ДПМНЕ се ладат со жешка вода. Ама, попарени сме сите ние во Битола.

Битола никогаш не била повалкана, Битола никогаш не била потемна, Битола никогаш не била понесредена од овие 17 месеци власт на Коњановски и ДПМНЕ, а се потрошија во ветер 30 милиони евра наши пари!“

„МВР за граѓаните- заедница, доверба и одговорност“ е новата кампања што ја покрена Министерството за внатрешни работи со цел зајакнување на довербата кај граѓаните,а од денес почна да се спроведува и во Битола преку активности на Секторот за  внатрешни работи -Битола. На плоштадот Магнолија СВР-Битола постави штанд и им подели флаери на граѓаните со информации за полицијата во служба на заедницата,  проактивен пристап ориентиран кон решавање на проблемите и други податоци околу работењето на МВР.  

„Министерството започнува со нова кампања која од денес почна да ја спроведува и Секторот за внатрешни работи Битола со цел да ја афирмирање работата на полицијата поблиску до граѓаните, да ја зајакнеме довербата и да кажеме дека тука постоиме за заедницата, пред се за граѓаните. СВР Битола претставува транспарентна инситуација која ја јакне довербата со ѓраѓаните, отворена е за нив и им ги гарантира безбедноста и сигурноста со цел да направиме една побезбедна средина за живеење на сите граѓани на општина Битола“, рече Сања Стаматова портал на СВР Битола. 

 Штандот го посети и градоначалникот Тони Коњановски, која истакна дека како локална самоуправа ја поддржуваат кампањата. 

„Како локална самоуправа ja поддржуваме оваа кампања која има за цел граѓаните да бидат поблиску до МВР, вклучен е и Советот за локална превенција, Советот, јавните претпријатија, граѓански здуженија, иницијативи, Територијалната протовпожарна единица се со цел безбедност на граѓаните и приближување до акциите кои тие ги спроведуваат. Граѓаните да се запонаат со работата на МВР и да си помогнеме едни со други зашто само така  можеме разните девијантни  појави во ова турболентно и напнато време да ги решиме. Вработените  во МВР прават се што е во нивниот домен и надлежности, а граѓаните се тука да бидат поддржувачи, да помогнат, но и една врска на контрола на работењето на МВР. Како локална самоуправа секогаш ќе ги поддржуваме ваквите активности, често имаме и заеднички средби и само со заедничка меѓусебна доверба меѓу граѓаните , Советот локална превенција, Советот на Општината и МВР заедно можеме да направиме многу за зајакнување на довербата“, рече Коњановски.    

Комисијата за заштита од дискриминација утврди дека ЛДП ја вознемириле Габриела Илиевска од Поинаку со фејсбук статус со политички обвинувања за наводни „лажни ветувања и популизам“ објавени на 30 декември минатата година. Според мислењето дадено од Комисијата, Илиевска била вознемирена врз основа на политичка припадност и други видови уверување во постот „Народот си дојде по своето“ објавен на официјалната фејсбук страница на ЛДП-Битола.

Во постот пишува: „Лажните ветувања, популизмот, секојдневните лаги и големите желби, кои се очигледно над реалните можности си го сторија своето. Нема потреба од замајување на јавноста, нема потреба од изигрување од лажни херои и жртви, се е веќе прочитано и видено“.

Комисијата ѝ препорча на ЛДП во рок од 30 дена да ги отстрани спорните содржини од профилот, а упати писмено извинување за стореното вознемирување и во иднина да се воздржат од содржини кои предизвикуваат вознемирување по било кои дискриминаторски основи.

По ова Илиевска на нејзиниот фб профил напиша: „Поинаку ѝ препорачаа на ЛДП никогаш повеќе да не се занимавате со политика. СТОП за дискриминација кон било кој!

Од ЛДП возвратија дека Комицијата за заштита од дискриминација ја има целата нивна поддршка да пработи по сопствено професионално видување, но тоа не ги спречува да изразат изненаденост и крајно разочарување од нејзиното мислење.

„Правниот тим на ЛДП не може да определи од образложението на Комисијата во која смисла на Законот за спречување и заштита од дискриминација е направено било какво вознемирување, со кое би сè овозможило да се преземат корективни мерки и во рамките на партијата и во рамките на општеството за да се реализира основната цел на законот, а тоа е да се делува превентивно за спречување на било каков вид на дискриминација во општеството и да се понесе лична одговорност за оние кои вршат дискриминација врз било кој граѓанин или граѓанка на Македонија“, пишува во соопштението на ЛДП.

ЛДП ќе ги почитува правните и демократските механизми во државата, не бегајќи од никаква одговорност. Извинувањето или бришењето на објавата велат дека е полесниот дел од работата и ќе го направате со чувство на доблест и правичност. Но, нема да се откажат од инсистирање на целосно разјаснување на спорното мислење на Комисијата. Ќе ги преземат следните чекори:

-Правниот тим на ЛДП ќе поднесе жалба до Комисијата за донесеното Мислење и ќе побара детално објаснување. За резултатите од процесот дополнително ќе ја информираме јавноста.

-Согласно препораката на Комисијата, спорната содржина веднаш ќе биде отстранета од социјалните мрежи. Доколку во жалбената и евентуалната судска постапка се утврди дека содржината не била спорна согласно ЗСЗД истата ќе биде повторно објавена на социјалните мрежи.

-Согласно препораката на Комисијата, ЛДП ќе упати писмено извинување до подносителот на претставката, воедно информирајќи го подносителот дека партијата го прави тоа почитувајќи ја Комисијата и институциите во државата едновремено поднесувајќи жалба на Мислењето на Комисијата за разјаснување на случајот и во насока на превентивно делување во општеството од сите чинители. Извинувањето во никој случај не може да се третира како одобрување на политиките, политичката активност и на способноста на подносителот за извршување на важната општествена функција, за која целосно го задржуваме правото на слобода на мисла и на говор без дискриминација.

-Согласно препораката на Комисијата, ЛДП не само што ќе се воздржи од изразување на содржини кои предизвикуваат било какво вознемирување заснована на било која од дискриминаторските основи, туку и жестоко ќе инсистира никој во општеството така да не се однесува.

-ЛДП ќе побара писмено објаснување од страна на Комисијата зошто воопшто нема реагирано по основа на допрен глас по канонадата на јавен говор полн со омраза врз основа на пол и политичко убедување на кое е изложена претседателката на ЛДП Моника Зајкова, во смисла на вознемирување и дискриминација согласно Законот за спречување и заштита од дискриминација.

Недостатокот на можности за соодветно вработување на млади луѓе, немањето соодветни обуки и тренинзи за млади, непостоење на младински културен центар, проблеми со транспортот помеѓу населените места – вака беше презентирана состојбата на младите во општина Могила на завршната конференција на  иновативната иницијатива „Поттикнување на претприемачкиот дух кај младите во општина Могила“.

Општина Могила и тоа како го чувствува проблемот со невработеноста, која особено ги тишки младите. Според пописот од 2021 година само 17 проценти од жителите во Општината се млади лица на возраст од 14 до 29 години. Споредбено со пописот во 2000 година се бележи голем пад на младата популација. Една од причините е невработеноста, иселувањето и недоволните мерки за развој на претприем

Иван Дургутов, дел од проектниот тим на Здружението за меѓународна младинска соработка Интерактив – Битола, кои го спроведуваа овој проект, изјави дека повеќето општини во земјава имаат слични предизвици во однос на нивните млади жители.

„Тоа се младинската невработеност, културниот живот, спортот итн. Од друга страна, руралните општини како општини со поспецифични услови, најчесто и со помали ресурси, се соочуваат со уште поголеми предизвици. Овој проект и иновативната иницијатива имаа за цел да ги активираат младите од општината и околината да бидат поагилни, да имаат уште поголеми барања од своите општини, но и да се вклучуваат во можностите кои постојат за нив.нички бизниси“, изјави Дургутов.

Градоначалникот на Општина Могила, Драганчо Саботковски, на денешната конференција го најави отворањето на локалниот младински културен центар, со кој општината ќе се усогласи со најновото законско решение во овој поглед.

„Просторот е обезбеден, следува негово доопремување“, рече Саботковски, и ги повика младите да бидат гласни и да ги кажат своите идеи и потреби за реализација преку тој центар.

Иновативната иницијатива „Поттикнување на претприемачкиот дух кај младите во општина Могила“ е во реализација на Здружението за меѓународна младинска соработка Интерактив – Битола, а спроведените активности беа во рамки на проектот „Поддршка на изборни реформи” на Владата на Швајцарија, имплементиран од Меѓународната фондација за изборни системи (ИФЕС). Целта на проектот беше зголемено вклучување на младите во подобрување на нивната социо- економската ситуација преку структурен дијалог со локалните власти и активни мерки за промоција на претприемништво и потребни вештини и знаења кај младите во Могила.

Почитувани од СДС тоа што го реализира Градоначалникот со локалната самоуправа предводена од ВМРО-ДПМНЕ во текот на една година вие во претходните 4 години стоејќи на глава неможевте да го замислите, изјави Сашо Никовски од ВМРО-ДПМНЕ во реакцијата на обвинувањата на СДСМ.

„Повторно манипулирате со бројките или не знаете да прочитате буџетот на општина Битола што доколку е така навистина е жално. Прашуваме сега ние, дали вие, кои 4 години трошевте народни пари, а ништо не направивте?Дали вие потрошивте 120 милиони евра а ништо не направивте односно во последната година го направивте само мовчето кај Буковски ?

Во однос на ребалансот и ваши предлози околу капитални вложувања што вие ќе предложите е ваше право а ние ќе наброиме само дел од изготвените над 60 проекти за следниот период од Буџетот за 2023 година е досега најтранспарентниот буџет кој некогаш е донесен со директно вклучување на граѓаните од УЗ, бизнис секторот и НВО

Буџетот е со зголемен акцент и поддршка за изградба и реконструкција на улици и патишта, спортот, културата, образованието изградба на пречистителни станици и колектори, паркови и зеленило.

Ул.Зборска

ул.Драгорска

улици во с. Егри

улици во с. Лажец

улици во с. Оптичари

ул.Стив Наумов

ул. СрУ5 во АРМ

Група на улици во Населба Недопирливи

Колектори и Пречистителна станица Национален парк Пелистер

Улично осветлување и пешачка патека спрема Долно Оризари

ул. Студентска

Реконструкција на патот од с.Трново до влез на Национален парк Пелистер

ул. СтУ 1 АРМ

11 Улици во Горно Оризари

11 Улици во Долно Оризари

Адаптација на објект за ветеринарна заштита - прифатилиште за бездомни животни

Реконструкција на ул. Индустриска (Бурса)

Изградба паркинг кај ул. Цане Василев

ул.Зборска

ул.Солунска II ра фаза

Изградба на објект за противпожарна станица

Изградба на парк - Довлеџик

Реконструкција на паркинг кај спортска сала Боро Чурлевски

улица од Св. Недела до Нови гробишта

Партерно уредување на офицерски дом

Рекреативна зона Тумбе кафе - Смолево

Изградба на детска градинка во АРМ

Оваа 2023 година за општина Битола ќе биде година која ќе донесе многу нови проекти со кои значително ќе го подобри животот на сите граѓани во Битола“, рече Никовски.