Министерот за транспорт и врски Благој Бочварски заедно со директорот на ЈП за државни патишта, Ејуп Рустеми денес извршија увид на започнатата реконструкција на патниот правец Битола- граничен премин Меџитлија, кој со години беше запоставен и полн со ударни дупки.

„Сакаме овој патен правец да го издигнеме на ниво на модерен и безбеден пат кој ќе биде во функција на бизнис секторот и на граѓаните. Ако земеме предвид дека овој е пат кој не поврзува со Грција како единствена меѓународна патна врска во овој Пелагониски Регион тогаш значењето е уште поголемо зашто тој е дел од коридорот 10 Д“, рече Бочварски.  

„Рехабилитацијата се одвива со средства од ЕБОР во висина од 3,27 милиони евра, а се рехабилитираат околу 12,5 километри. Ширината на оваа делница е шест до шест и половина метри. Во моментов се врши гребење на асфалтот, а предвидениот рок за завршување на градежните работи е до крајот на јули евентуално до сптемеври“, рече Ристеми.

Од 22 април ќе започне и градбата на автопатот Битола-Прилеп чија градба треба да заврши за четири години и седум месеци. Автопатот ќе треба да се надоврзи на експресниот пат Битола-грчка граница чија изградба ќе започне в година.

Младинскиот културен центар - Битола како граѓанска организација која активно работи на промовирање на волонтерството на локално и национално ниво, во соработка со Општина Битола и Локалниот волонтерски совет на Општина Битола, започна иницијатива за партиципативно креирање на нова стратегија за волонтерство за Општина Битола за периодот 2023 – 2026 година.

Со цел да се обезбеди поголема јавност и можност сите граѓани на Општина Битола да се запознаат со процесот, да дадат свое мислење и предлози се организираат два консултативни форуми за изработка на стратешкиот документ. Првиот се реализира 22 март 2023 година во Битола, наменет за претставници на организатори на волонтерска работа (граѓански организации, државни органи и јавни институции) и граѓани.

Следниот ден следува вториот консултативен форум кој е наменет за млади кои се воедно и најбројна целна група која се вклучува во волонтерски активности. На овај начин ќе имаат можност да се вклучат и во креирањето на локалните волонтерски политики.

„На партиципативен, инклузивен начин овие месеци работиме на подготовката на документот. Направени се структурени интервенции во документот. Консултативниот форум се одржа со цел досега сработеното од стратегијата да добие јавност. Битола предничи во однос на другите општини за промоција на волонтерството. Пред неколку години формиран е Локалниот совет за волонтерство како меѓусекторско општинско тело кое и денес е активно и функционира. Преку подготовката на оваа стратегија сакаме да ја заокружиме волонтерската инфраструктура на ниво на општина Битола која понатаму може да биде репер за другите општини да го преземат истото искуство и да формираат и Локални совети за волонтерство и да ги подготват локалните стратегии“, рече Мери Нашоку од МКЦ-Битола, координатор на проектот.

Катица Михајловиќ вклучена во изработката на стратегијата за Битола рече дека самиот процес првично опфати анализа на состојбата со волонтерство во општината, формирање на работна група за подготовка на стратегијата, спроведување на три работилници, презентација пред јавноста за да се дадат дополнителни импути во документот пред да биде предложен за усвојување од страна на општинскиот Совет.

„Стратегијата се базира на четири цели, а тоа се промоција на волонтерството, поддршка на волонтерските активности, негова промоција во образовниот систем и поддршка на локалната инфраструктура за волонтерство“, рече Михајловиќ.  

„Ова е порака до сите оние кои се сомневаат во способностите и капцитетите на локалната самоуправа. Ние не сме тука за собирање ситно политички поени и удоволување на некоја партија, ние сме тука за граѓаните затоа бевме избрани да го направиме најдоброто како знаеме. Ги повикувам сите добронамерни политички партии и организации да се вклучат да помогнат конечно да излеземе од ова повеќегодишно сивило. Ве уверувам, граѓаните ќе бидат сведоци ние ќе си достоиме на ветеното да го напоравиме тоа на најдобар начин. Затоа да ги оставиме политиките и ситните интереси настрана, да работиме“, рече Коњановски по обвинувањата на Поинаку дека дел од проектите не се сработени од локалната власт иако одлуките за нив Советот ги донел.

„Направени сите подготовки и активности во изминатата година, целата планска документација е во завршна фаза и почнуваат со реализација на терен. Веќе се тендерирани дел од проектите, рече тој, деновиве почнуваат на терен со подобрување на линиската инфраструктура, патната мрежа. Денес ќе се објави и тендерот од првата фаза за прифатилиштето за бездомни животни. Шесте локации каде беа турнати гаражите во периодот кој следи ќе се уреди просторот, а во тек се и работите на новиот парк.

„Не би сакал да навлегувам во политика, поставен сум и избран од граѓаните. Максимални напори се вложуваат, обемна документација со оглед на тоа дека ништо не беше подготвено за да ги направиме сите проекти ни требаше време. Некои работи можебио ќе задонцат, но ќе се сработат во секој случај“, рече Коњановски.

-Дали ќе опстани колаицијата, тоа останува на оние кои ја почнаа приказната. Од самиот почеток со моето појавување на говорницата кажав дека Советот и градоначалникот имаат голема тежина и одговорност да ги спроведат работите за кои се избрани. Сите оние кои сакаат да податат рака и д а бидат дел од напорите што ги правиме за подобро утре на градот се добредојдени. Секогаш имале отворена врата, секогаш проектите се прифајќале од едните, другите и третите. Да не навлергуваме во ситено политички поени и профитирање кој и како ќе каже, делата ќе кажат.

На што точно потроши лани 30 милиони евра градоначалникот Тони Коњановски? Ова е прашањето на кое битолчани сакаат одговор. Ама, наместо одговор, слушаат жалопојки од градоначалникот и од претседателката на Советот дека сите други се виновни за нивната неспособност, само тие не, изјави Методија Иливеска од СДСМ.

„Коњановски поддржува и штити директори на јавни претпријатија кои или не работат или работат противзаконски! Коњановски цела учебна година не обезбеди превоз за учениците!

Коњановски со месеци се инаети за санација на цевка во градинка! Најголемите достигнувања на Коњановски за 16 месеци се синџирчето кај Пионерски и поправката на дрвеното мовче кај Јени Маале, а новиот парк, стационарот и Копанки сеуште ги нема. Единствено ги срушија гаражите и трафики низ Битола.

Со 30 милиони евра потрошени за една година, Коњановски е рекордер меѓу градоначалниците во историјата на Битола, полош дури и од Владимир Талески. Очигледно, се работи за иста матрица! Потсетуваме по којзнае кој пат дека локалната власт предводена од Коњановски и ДПМНЕ е одговорна за Битола. Како меур од сапуница им се распрнаа лагите дека Владата предводена од СДСМ не ја поддржува Битола. Само лани Владата префрлила скоро 20 милиони евра на сметката на Битола. Не може СДСМ и Владата да бидат виновни за неспособноста на Коњановски и за арамилакот на ДПМНЕ. Сите други, пак, што мислат дека со нападите врз СДСМ и врз поединци од локалната власт на ДПМНЕ, ќе се спасат од одговорност пред граѓаните, се излажат. За катастрофата што ја снајде Битола, одговорна е коалицијата ДПМНЕ – Поинаку“, рече Илиевски.

Членови на Здружението на пензионери од Битола 21 март, Денот на пролетта, го одбележаа со еколошка акција чистејќи неколку локации низ градот. Тие од уличен смет го исчистија просторот околу Основното училиште ,,Климент Охридски“, улиците „Игњат Атанасовски“ ,„ЈНА“ , „Смилевски конгрес“, чистеа во Буковска населба, околу Безистенот и други места.

„Се надевеме дека ваквиот пример ќе го следат и други граѓани на Битола за заедно да придонесме за почист градот“, рекоа од Здружението

Здружението за пензионери во својата програма за работа има планирано активности за заштита на човековата околина и унапредување на животната средина. 

ПРЕД 

ПОТОА 

Членките на Организацијата на жени од Битола беа во возвратна посета на здруженијата со кои имаат остварено соработка од Грделица, Лесковац и Власотинац. Нивни домаќини беа Здружението „Јлендол“ од Грделица и „Лоза“ од Власотинац. Членовите на овие здруженија во 2019 година ги посетија Битола и Крушево, па сметаа за своја должност престојот на новостекнатите пријатели од Северна Македонија да го направат што попријатен.

Дел од нивниот престој вклучуваше обиколка и запознавање со Власотинце, каде ја посетија градската црква Света Троица, Спомен паркот на старите гробишта, Кејот Нешиќ и центарот на градот. Особено им беше интересна куќата на Млин и Поповиќ, затоа што беа препознатливи по популарната серија „Семејно богатство“ на Синиша Павиќ.

Гостите од Македонија во црквата Света Троица ги поздрави свештеникот Никола Пешиќ. Тој, заедно со Даница Валчиќ, пензиониран кустос на Завичајниот музеј, ги запозна со изградбата, сликарството, времетраењето и особеноста на храмот. Потоа им беше приреден прием во црковната гостилница, каде заедно со богослужбата, со посебна програма, членовите на Женското пеачко друштво од Власотинац ги воодушевија со својата песна.

Оваа средба беше можност и за размена на подароци, а Срба Такиќ, претседател на Здружението „Лоза“ и директор на општинската библиотека „Десанка Максимовиќ“ на гостите им подарија фотографии и книги за Власотинац, Битолчанките, пак, им подарија десет книги на македонски јазик со кои ќе биде збогатен фонд на Одделот за странски книги.

Во амфитеатарот на Спомен-паркот на ослободителите се одржа еден вид поетско матине, на кое поетестите Светлана Пешиќ, Јасмина Митровиќ и Вера Стоиљковиќ ги читаа своите стихови. Во радост и добро расположение заврши ова дружење, со ветување дека ќе продолжи во Битола.

Членови на Извршниот одбор на Здружението на пензионери од Битола го посетија Домот за стари лица „Сју Рајдер“ и донираа 100 постелнини. Штитениците во домот ги поздрави претседателката на Здружението на пензионери, Даница Петличкова и воедно им посака здравје и долг живот.

„Донацијата ја даваме за нашите пензионери кои од различни причини животот го продолжуваат згружени во Домот ‘Сју Рајдер’ во Битола. Тие се наши пензионери, наши граѓани, наши пријатели кои заслужуваат да имаат мирен, спокоен и сигурен дом“, рече Петличкова.

Заедно со претставниците од Здружението беше и пејачката група „Сирма Војвода“ која на штитениците од Домот им одржа и концерт со народни македонски песни. Задоволни станарите на Домот запеаја и заиграа заедно со посетителите. На крај ги испратија со аплауз и желба пак да ги посетатат.