Webp.net gifmaker

КОВИД 19 – ЖИВОТЕН КОНТЕЈНЕР “НИШТО НЕ СЕ ПОДРАЗБИРА” (Пишува Билјана Галовска)

Март 20, 2020

Двете приоритетни вредности кои често се во првите десет кај луѓето се семејството и слободата. Кај мене како прва вредност е семејството, а слободата веднаш по неа, можеби за нијанса заостанувајќи зад првата. Ако првата има значење - моите најблиски да се добри и да имам хармонијата со нив, другата ми значи слобода на движење, донесување одлуки и слобода на однесување - (кај различни луѓе значењето е различно, за иста вредност). Не сакам кога некој ми го контролира животот, бидејќи тоа е моја одговорност. И ова е во редовни и нормали услови на живеење. Сега сме во вонредни....а тоа покажува нешто?!20200321 005210

Во нормални услови ние имаме два делови од контејнерот. Едниот се вика “СЕ ПОДРАЗБИРА”, а другиот “И ОВА ГО САКАМ”. Кога ќе добиеме нешто што сакаме кратко стануваме среќни, а потоа за кратко време тоа ни се подразбира.

Во делот “СЕ ПОДРАЗБИРА”, влегуваат сите работи кои на некој начин ги имаме и по дифолт постојат. Другиот дел “И ОВА ГО САКАМ” не дека не е потребен, но во овој период се елиминира. Мора да постанеме свесни дека кога отпаѓа едниот на негово место доаѓа оној другиот. Голем дел од она што се подразбирало досега во нашиот живот, преминало во делот кој денес го сакаме и не ни се подразбира. Затоа од целокупната ситуација во која завладеа страв да не изгубиме работи кои ни се подразбираат, стануваме и свесни што базично нам ни е важно. Не е добро да се продава памет кога сите се информирани и свесни за ситуацијата, само може да резимираме дека сите имаме различен став кон животот, кон болестите, забавата, смртта, неуспехот. Но, време е за генерален заклучок: “Никој не може да ја негира ситуацијата во која сме, но таа ни покажува дека голем дел од она што секојдневно имаме, веќе не ни се подразбира, а во овој период станавме свесни за тоа”. Кога не можеме против околностите време е на индивидуално ниво да придонесеме да се подигне и колективната свест. Иако не постои гаранција, а обично не постои кај се што е ново и досега непознато, треба да направиме се што зависи од нас, да прифатиме се што не може да промениме и да дозволиме тишината во која сме да ни даде дел од одговорите кои ги немаме.

Пишува: м-р Билјана Галовска, НЛП тренер, предавач на Бизнис Академија Смилевски

Инфо: Оваа е-адреса е заштитена од спамботови. Треба да ви е овозможено JavaScript за да ја видите.

(Ставовите изнесени во колумните не се ставови на редакцијата на Апла.мк. Затоа Апла.мк не сноси одоговорност за содржината на истите)

Сподели

Login to your account

Username *
Password *
Remember Me
© 2020 АПЛА.мк. Сите права се задржани