Во рудникот Суводол при РЕК Битола пуштен во употреба е новиот јаловински систем кој на годишно ниво ќе овозможи ископ на јаловина од 2,5 до 3 милиони тони, што значи за педесет проценти повеќе. Со ова ќе се влијае и врз зголемување на ископот на јаглен во рудникот, намалување на трошоците за механизација, а со тоа и поевтина цена на јагленот што ќе рефлектира во иднина и врз цената на струјата.

Еден ваков јаловински систем чини седум милиони евра, но вработените и менаџерскиот тим во РЕК, во соработка со Фабриката за опрема и делови го направија од репарирани стари делови.

„Ние со сопствени сили оспособивме стари станици и други пропратни елементи за системот со помош на ФОД за да направиме нов систем и да обезбедиме стабилно производство. Една година го подготвувавме системот кој беше долго најавуван, а требаше да работи пред 10 до 15 години. Со ова во РЕК почнуваат работите за новата грејна сезона 2024, а оваа веќе ја завршуваме со над 300 000 тони јаглен на депонија и 50 000 тони од Брод Гнеотино“, рече директорот на РЕК „Битола“ Пеце Матевски.

Ова е втор јаловински систем во Суводол, а четврт во рудниците на РЕК.

„Системот е составен од пет транспортери, пет погонски станици, багер одлагач, во должина од 3 и пол километри и ќе го зголеми двојно ископот на јаловина во однос на претходната година зашто сега ќе копаат два системи“, рече Димитар Петковски, директор на Рудници.

„Со пуштањето на овој систем ќе се намали механизацијата што ќе ископува во рудникот Суводол јаловина која не чинеше многу пари. Со ова ги намалуваме нашите трошоци, а го зголемуваме профитот на компанијата. Ако е поевтин ископот ќе биде и поевтина цената на јагленот, а тоа ќе се рефлектира и на цената на струјата“, рече Драган Видновски, еден од директорите на Рудници при РЕК „Битола“.

 Во Рудникот ПЈС Суводол на РЕК Битола, вкупните резервите на јаглен се околу 45 милиони тони. Со петгодишниот рударски проект по кој се работи во моментов и во следните пет години, лоцирани и обезбедени за експлоатација се 15 милиони тони. Проценките се дека двата постоечки рудници на РЕК Битола – ПЈС Суводол и Брод – Гнеотино, како и рудникот Живојно кој наскоро треба да започне со работа, ќе обезбедат јаглен за производство на електрична енергија во следните 20тина години.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

На 03.04.2023, полициски службеници од криминалистичката полиција при СВР Битола и Полициската станица од општа надлежност Битола го лишиле од слобода Б.А.(62) од с.Крклино,битолско. При претрес во неговиот дом, извршен врз основа на наредба од Основен суд Битола, биле пронајдени и одземени предмети кои потекнуваат од кривично дело „тешка кражба”, кое го извршил во објект на приватна фирма во периодот од 01.04. до 03.04.2023. Тој бил задржан во полициска станица, а предметите биле вратени на сопственикот. По целосно документирање на случајот, против Б.А ќе следува соодветна кривична пријава.

Асоцијацијата за Доброволно Пожарникарство и Кризен Менаџмент ДПД ПЕЛАГОНИЈА - ПРЕСПА на 31.03.2023 година во Отешево го организираше настанот „Јакнење на капацитетите за соработка во заштита на шумите и животната средина“. .

На подрачјето на Битола за периодот од првите два месеца оваа година по член 236 „тешка кражба“ од КЗ на подрачје на Битола поднесени се вкупно 38 кривични пријави против 17 сторители.

Најчесто пријавените тешки кражби се извршени во визби, помошни простории, магацини и подруми...

Од страна на полициски службеници од криминалистичката полиција при СВР Битола извршени биле 6 претреси во домови и други простории, при што лишени од слобода и приведени во полициска станица биле 7 лица. Кај нив се пронајдени и одземени разни украдени предмети и вратени се на сопствениците, соопштија од СВР Битола.

Велосипедски патеки, организирани активноси за забава и дружење на младите, згрижување на кучињата скитници, повеќе пешачки зони во градот се само дел од барањата што младите битолчани ги доставија до Општина Битола. Ова беше дел од акцијата за младински граѓански активизам “Во каков град сакаш да живееш? - кажи го твоето барање кон општината за Битола да биде град по мерка на младите" во организација на Еквалис. Настаните се одржаа на 30 март во три средни училишта „Јосип Броз- Тито“, „Таки Даскало“ и „Ѓорѓи Наумов“, а потоа беше побаран прием кај градоначалникот за младите да му предадат барањата.

„Организиравме акција за собирање на мислења, идеи и потреби од нашите соученици. Сакаме да бидат чуени потребите на младите. И сакаме Битола да биде град на младите, да живееме овде наместо да се иселуваме ви странство“, рече Емилија Трампевска , ученичка во „Таки Даскало“ Битола.

На повикот од организацијата „Еквалис“ - за учество на младинска програма за активно граѓанство во Битола учествуваа 20 младинци, студенти и средношколци од Битола. Програмата ги опфати темите за човекови права, стереотипи/ предрасуди, опасноста од лажните вести, демократски систем и граѓанско општество, форми на граѓански активизам - со акцент на развивање на дух на меѓусебно почитување и соработка. Програмата имаше и мултиетничката компонена, па една третина од од учениците беа Роми.

„Младите луѓе од нашиот град се жедни за содржини кои ќе им дадат културна и социјална вредност на нивните младешки животи. Низ шесте работилници учесниците учеа нови информации, разменуваа мислења и знаења кои ги имаа стекнато, а најмногу учеа по методот учење преку правење. Сите идеи произлегоа од самите учесници, јас како тренер и организацијата Еквалис која го отвори повикот стоиме како логистичка и менторска поддршка. Настанот е насловен "Битола- град по мерка на младите" и има за цел прибирање на информации кои сѐ потреби мислења и идеи ги имаат младите луѓе во нашиот град. Кои содржини и потреби ќе им го збогатат квалитетот на нивниот младешки живот“, рече Денис Арслановски, тренер.

Собраните информации беа адресирани до носителите на одлуки, а организаторите изразија надеж дека потребите и барањата на младите луѓе се приоритет во нашето општество и треба да им се даде простор поактивно да учествуваат во демократските процеси во нашиот град.

„Соработката со школите и општината досега беше одлична, ја поддржа и програмата и оваа младешка иницијатива. Тоа многу ме радува, бидејќи на тој начин им даваме можност и поттик на младите да бидат поактивни граѓани. Акцијата се одвива во школските дворови на три средни училишта - кои многу срдечно одговорија на сите барања за изведувањето на настанот. А, особена поддршка дадоа професорките Весна Мундишевска Вељановска и Живка Танушевска од ‘Таки Даскало’ кои споделија многу од нивните ресурси и вклучија многу ученици“, додаде Арслановски.

Интегрално ја пренесуваме изјавата на Весна Баковска од СДСМ: 

„Изразуваме жалење и ѝ посакуваме побрзо оздравување на ученичката од Медицинското училиште која вчера беше повредена при пад на дел од таванот во тоалетот.