Во срцето на градот на конзулите, од чкртаници одвај може да се прочита единствената информативна табла за улицата на конзулите во Битола. Таблата содржи историски факти за конзулското минато на Битола, поткрепени со фотографии од тоа време. За жал, несовесни лица со спреј го исчкртале стаклото од таблата. На неа со напор може да се прочита дека долж оваа улица се распространети зданијата каде што биле сместени францускиот, грчкиот, српскиот, англискиот конзулат.

ОУ „Тодор Ангелевски“ од Битола се вклучи во меѓународен проект „Innovate your dreams-2019“ кој има за цел да им помогне на учениците да разберат и да се подготват за работните места во иднина.

Општина Битола деновиве ја отплати втората рата во износ од 7.866.783 денари, од кредитот кој што беше земен од Светска банка од претходната локална власт.

„Со оваа исплата за само шест месеци,заедно со првата рата во вредност од 7.840.623 денари, општината покрај тековните обврски, успеа да исплати вкупно 15.707.406 денари, или над 253.300 евра“, соопштија од Општина Битола.

Таблата со натписот со новото име на нашата држава Република Северна Македонија пристигна за царинската испостава на граничниот премин Меџитлија, потврдија за апла.мк

Со издавањето на имотниот лист Општина Битола официјално го има во владение полигонот лоциран во населбата Горно Оризари.

На свои 84 години доживеав нареда и разочарување зашто по се што имам направено за развој на младите ликовни таленти, од Министерството за култура годинава ми одобрија 100 000 денари за Малиот битолски Монмартр, а ни денар за Светската изложба, реагира Коста Хаџи Антоновски, творецот на Детското ликовно студио „Св. Кирил и Методиј“ од Битола.

По 20 години опстанок, постои опасност да згасне Интернационалниот фестивал на монодрама што со години традиционално  се одржуваше во Центарот за култура во Битола.

Годинава фестивалот не доби ни денар финансиска поддршка од Министерството за култура. Директорката на Центарот за култура, Маја Андоновска Илијевски на својот фејсбук профил реагираше:

„21 година Фестивал на Монодрама, член на интернационален форум One man show под УНЕСКО, оваа година не доби средства во годишната програма на Министерството за култура. Прво мислев дека неможам да го најдам, потоа дека е некоја грешка во објавувањето на програмата... Значи на крај е сепак 0 денари“.

Државна видеолотарија донираше 200.000,00 денари на Друштвото на физичари на Република Македонија (ДФРМ). Наша цел е да им овозможиме на младите средношколци-истражувачи да добијат нормални услови, во кои ќе можат да го развиваат и да го надградуваат својот талент, а притоа да бидат успешни амбасадори кои ќе ја претстават земјава во одлично светло пред меѓународната јавност.

Со набавка на нова механизација и опрема, ЈП „Водовод“ ги подобрува условите за работа за вработените, но и за одржување на водоводната мрежа во градот и руралните средини.