2win800x200

Директно

Мери Тромбева-Јавен обвинител во Вишо Јавно обвинителство Битола на денешната седница на Советот на јавни обвинители е избрана за прв човек на Вишото  јавно обвинителство во Битола, доаѓа на местото на вишиот обвинител Димче Пажески.

Заврши процесот за самокандидирање  за локален лидер на СДСМ во Битола. До понеделникот сите членови на СДСМ Битола имаа право да испратат  до централата во Скопје, кандидатура за оваа позиција со биографија и  програма за работа.  Засега не се знае кои се од сопартиците на Зоран Заев во Битола пројавиле апетити за локален шеф

Почна процесот за стандардизација на касетно отпепелување во РЕК Битола, а куповите од нестандардизирано одложената пепел се затрупуваат со земја и се врши континуирано пошумување на овие површини. За овие активности денеска биле известени активистите  од неколку граѓански  здруженија   на информативната средба со раководството  на РЕК Битола и претставници од ЕЛЕМ.

Јени џамија, заштитен споменик од прва категорија, го покажа реставрираниот надворешен лик. Со реставрацијата на објектот му се врати надворешниот изглед што го имал при градбата  пред повеќе векови.

Секторот за Внатрешни работи- Битола вчера до Основното јавно обвинителство  поднесе кривична пријава против Р.А.(45) и Б.Г.(33) и двајцата од Република Албанија, поради постоење основи на сомнение за сторено кривично дело “неовластено производство и пуштање во промет на наркотични дроги, психотропни супстанци и прекурсори“, предвидено и казниво по член 215 став 1 од КЗ на Република Македонија.

Здружението за хуманитарни дејности „Лајонс Клуб Кабадаја“ од Битола денеска организираше традиционално Дефиле низ Широк Сокак по повод Меѓународниот ден на лицата со инвалидитет. Учениците од основните и средните училишта од Битола се собараа на плоштад Магнолија, а во исто време пред Офицерскиот дом се собраа децата од Заводот за рехабилитација на говор, слух и глас „Кочо Рацин” Битола.

Со семафори кои наизменично ќе ги пропуштаат возилата по една коловозна лента, ќе се регулира сообраќајот на обиколницата над Битола која поради одрон на камења е затворена повеќе од една година. Од Јавното претпријатие за државни патишта најавуваат дека деновиве ќе биде отворена, иако станува збор за времено решение, додека се работи на санација на свлечиштата на овој дел од  магистралниот  пат Охрид-Битола-Прилеп. 

Градежните работи на обиколницата  почнаа пред неколку недели, а  на местата каде има одрони се поставуваат челични мрежести коцки со камења. Но, деновиве  се активираше и ново свлечиште, што дополнително ја усложнува работата 

Дотраени и оштетени врати, без кваки и брави, дупки среде училници и по ѕидовите, тоалети од кои се шири влага по околните простории, искршени компјутери, откачени грејни тела... Ова е само дел од лошите услови во кои се одвива наставата во средното медицинско училиште „Д-р Јован Калаузи“ со кое во изминатите години директоруваше Јасмина Ниќиќ Десановска, една од обвинетите во случајот „Транспортер“.

Лидерот Никола Груевски и   локалното раководство на ВМРО-ДПМНЕ  во Битола, немаат легитимитет да управуваат со партијата, изјавија вечерва на прес конференција сегашни и поранешни членови на партијата и побараа оставки.

-Почитувани,
ве покануваме на прес конференција која ќе се одржи пред Општинскиот комитет на ВМРО-ДПМНЕ во Битола во 17:30 часот на кој ќе се обратат Месните комитети од Битола во врска со барање за оставка на раководството на ВМРО-ДПМНЕ.

Вака стои на меил пораката што денеска ја добија дел од медиумите, а во која се бара оставка од раководството на ВМРО-ДПМНЕ во Битола.

Login to your account

Username *
Password *
Remember Me
© 2021 АПЛА.мк. Сите права се задржани