Зголемен обем на работа се чувствува во последните два до три месеци во Клиничката болница во Битола, откако се расипа апаратот за томографија во болницата во Охрид.  Поради тоа термините за снимање на компјутерот се зафатени до крајот на април, велат од прес-службата на болницата во Битола, со напомена дека за итните случи секогаш се остава простор за истиот ден да се заврши снимањето.

Садо-мазохистички, вака битолскиот градоначалник Владимир Талески пред две години на денешен ден го нарече однесувањето на Специјалното јавно обвинителство, а денес е веќе обвинет во случајот „Транспортер“.

Не стивнуваат реакциите за таканаречениот Шутка панаѓур, како што ја нарекоа родители продажбата на текстилни производи  од комбе во училиштето „Стив Наумов“ во Битола. 

„Честитки до новата управа на ОУ „Стив Наумов“ за успешно организираниот панаѓур, многу сличен на оној што се одржуваше на влезот на Битола, само сега на сред ходник во образовна институција. Нема веќе потреба да ја прикриваме сивата економија по канцеларии“, напиша родител на својот фејсбук профил, откако вчера видел како стоката се продава во школскиот ходник.

Иако во неколку изборни циклуси, парламентарни и локални, ВМРО-ДПМНЕ ветуваше топлификација на Битола, во своето повеќегодишно владеење не ја спроведе, па сега ја обвинуваат новата власта дека им го укинува проектот.

Пратеникот од СДСМ, Александар Кирацовски, денеска најави дека во Собранието на РМ ќе иницира процедура со која седиштето на Правниот факултет од Кичево, ќе се префрли во Битола. Овој факултет кој е во рамките на универзитетот „Св. Климент Охридски“-Битола, беше  обновен во 2008 година, но со седиште во Кичево,a  со дисперзирани студии во Битола и Струга.

Крадец синоќа околу 21 и 30 часот бил фатен на лице место како ги празни касите со пари во црквата „Св. Богородица“ во Битола. Само што ги искршил стаклата од вратата и влегол внатре да оперира по дојава во обезбедувањето „Карпатија“, кадецот бил фатен со неколку десетици илјади денари во рацете и се уште  се обидувал да ги собере и металните монети што верниците ги оставаат на иконите.

Битолската граѓанската иницијатива за субвенционирана тарифа „24/7 субвенционирана струја “, направи анализа и пресметка на финансиските импликации од прифаќањето и воведувањето на субвенционирана струја за граѓаните на пелагониските општини Битола, Новаци и Могила. Членовите на Иницијативата во декември и јануари годинава побараа податоци од Регулаторната  комисија за енергетика и ЕВН за анализа и пресметка на финансиите.

Семејни колекции, предмети, мебел, фотографии, документи , облека , лична или семејна историја или објекти со културно историско значење кои имаат потенцијал да станат туристичка атракција, ќе бидат промовирани како дел од локалната туристичка понуда во рамките на проектот „Раскажи ја својата приказна“.

Центарот за културна деконтаминација Битола е имплементатор на - Проект за унапредување на локалните политики за културен туризам и потикнување на индивидуалното претприемништво преку туристичка валоризација на приватни објекти и семејни атрактивности со културно-историско значење. Истиот е регрантиран како подпроект на проектот „Подобрување на активната вклученост на македонските граѓански организации во процесот на донесување на одлуки преку зајакнување на новоосновани граѓански организации" Референца: EuropeAid / 151569 / DD / ACT / MK, финансиран од ЕУ, а имплементиран од Фондацијата за оддржлив развој „ Преда Плус“.

-Проектот „Раскажи ја својата приказна“ се фокусира на сегментот на иновативни економски активности во делот на микротуризмот во Општина Битола. Активностите на проектот ќе траат осум месеци , заклучно со месец ,септември и ќе бидат фокусирани кон збогатување на локалната туристичка понуда , преку туристичка валоризација на културно историското - наследство во приватна или семејна соопственост. Проектот предвидува и формирање на мрежа на индивидуални туристички претприемачи , обуки и зајакнување на капацитетите за индивидуалното претприемништво во областа на туризмот и влијание врз креирањето на локалните политики за развој на туризмот. Проектот е поддржан од Општина Битола – преку одделението за Локален економски развој – ЛЕР, а вкупниот буџет за имплементација изнесува 246.000.00 денари, наведува Тоше Ивановски, координатор на проектот.

Вработени од Јавното претпријатие „Нискоградба“ со помош на механизација денес го чистеа Широк Сокак од снегот.  Работниците го собираа снегот со помош на машина бобкет, а потоа го префрлуваа во трактори и го носеа надвор од главната амбиенталната улица. 

Битолчанецот, Петар Нолев е планинарски водич и професионален спасувач. Учествувал во преку стотици  акции за спасување на планина, потраги  со кучиња, теренски возила, хеликоптери,  во гаснење пожари, помош при поплави.