Опули

Најголемиот храм во Битола, „Св. Великомаченик Димитриј“ за првпат  остана празен за најголемиот христијански празник, Велигден.

 

Моликите натежнале од новиот априлски снег на Пелистер кој наврна денеска и повторно ја покажа раскошната убавина на планината.

Иако снегот во април не е ништо невообичаено за Баба, сепак во услови на ограничено движење и полициски час кој почнува во 16 ч ги споделуваме овие фотографии со читателите на апла.мк

Во реката Драгор може да се види секакво ѓубре. Овде граѓаните често се ослободуваат од отпадот, по реновирање, чистење, па  по течението има мебел, бела техника, градежен шут.

Ова е првата пролетна полна месечина, карактеристича по нејзиното име „розова“ Месечина.

Првата полна Месечина во април е наречена розова, но не затоа што е навистина розова, туку своето име го добила по Северноамериканското диво цвеќе Флокс (gr.phlox-пламен), или познато како „розов мов“. Тоа цвета во овој период и има цветови во розова боја и симболично го означува будењето на природата.

Овие фасцинантни фотографии од „розовата“ Месечина што ги споделуваме со вас ги направи Јован Наумовски.

 

 Априлијадата годинава се пресели на ФБ, а родителите покажаа голема креативност дури и во изолација, каде годинава принудно го одбележаа Денот на шегата. Вчера  Драгана Спасевска, позната меѓу битолчани, посебно меѓу децата како Кловнот Заги, ги организираше родителите преку ФБ групата „1 Април во изолација“,  каде тие испраќаа фотографии од своите деца со шарени, разни и убави  маски. Таа денеска проглси 25 најдобри маски, а ние споделуваме дел од наградените, но и други маски по наш избор. 

Login to your account

Username *
Password *
Remember Me
© 2021 АПЛА.мк. Сите права се задржани