Изградба на оградена патека која ќе минува вдолж дворот на Техничкото училиште, е едно од решенијата на проблемот со „корзото“ низ овој простор што го практикуваат пазарџиите на Новиот пазар во Битола. По отворањето на проблемот, за кој пишуваше апла.мк, со секојденевното користење на дворот од страна на граѓани кои поминуваат  пеш, со велосипеди или мотори, или пак, го користат  како паркинг за автомобилите,  денеска на терен излегоа комунални инспектори од Општина Битола.

Тие заедно со директорот на училиштето Владимир Роме, ја разгледуваа можноста за оградување на патека за непречено движење на граѓаните  од пазарот кон околните згради без да влегуваат  на спортските терени на Техничкото.

Основното училиште „Александар Турунџев“ во Кукуречани, битолската болница, една градинка и едно социјално загрозено семејство од Битола, денеска добија четири телевизиски уреди како донација од ЈП „Водовод“-Битола и  приватната фирма за трговија и услуги „Џамбо  Пет“-Битола  во соработка со Општина Битола. Од Општината училиштето доби и географска релјефна карта на Република Македонија.

Во употреба пуштен е новиот, модерен, регионален пазар во Демир Хисар на кој би им позавиделе и поразвиени општини.  Проектот и реализацијата се на Центарот за развој на Пелагонискиот плански реион. Средства од 6 милиони денари беа вложени преку Министерството за локална самоуправа и  Бирото за регионален развој. Со пазарот ќе стопанисува комуналното претпријатие од Демир Хисар. 

" Трговијата со регионални земјоделски производи е значаен потенцијал на регионалната конкурентност на Пелагонискиот регион. Со новиот пазар се овозможува поефикасна и поквалитетна трговија на земјоделските производи што ќе доведе до зголемени приходи на земјоделските производители" , рече Гого Видимче , директор на Центарот за развој на Пелагонискиот плански регион. 

Тој додаде дека со овој проект е извршена темелна реконструкција на стариот пазар, поставени се потпорни ѕидови со површина од 450 метри квадратни, нова челична ограда од 205 метри, поплочување на целиот пазар со бехатон плочки на површина од 550 метри квадратни и поставени се 48 тезги од метален профил. 

"Поставена е и нова електрична инсталација, осветлување и нова атмосферска канализација. Со еден збор Демир Хисар доби современ пазар на кого би позавиделе и многу поразвиени општини", рече Видимче. 

Градоначалникот на Демир Хисар Марјанче Стојановски рече дека од новиот пазар бенефит ќе имаат и околните општини. 

"Во градскиот пазар во Демир Хисар е изграден и тоалет  од 99000 денари, а Општината учествуваше со сопствени средства и во изградбата на пазарот со 125 000 денари, рече градоначалникот. 

Белградскиот режисер Златко Паковиќ, кој ја режира најновата претстава на Битолскиот народен театар „Јулие Цезар- рес публика или Коза Ностра“ чија премиера е во петок, на прес конферецнија направи споредба меѓу поранешниот римски водач Цезар и екс премиерот Никола Груевски.

Советничката на ВМРО-ДПМНЕ, Анита Ангелевска мобилниот телефон „Ајфон“ што го добила како вработена во Општина Битола, од бившата власт, и по седум месеци од заминувањето од општинската администрација не го вратила назат. „Ајфонот“ денеска на Совет го побара градоначалничката Наташа Петровска и ја повика советничката што побрзо да се раздолжи.

Опозицијата го поздрави присуството на градоначалничката Наташа Петровска на денешната седница на Совет со зборовите „Нека е за аирлија“ и прашуваше за состојбите во образованието, за непотизмот , за легализацијата на објектите, за обиколницата, за загадениот воздух...Завршните сметки на училиштата и градинките денеска се најдоа пред советниците. Училиштата должат 4, 3 милиони евра, долгови наследени од бившата власт. Петровска ги потсети советниците од опозицијата дека токму заради образованието некои се влечкаат по судови.

Емилија Костурска, професор по информатика и советник од редовите на СДСМ, е назначена за заменик градоначалник на Општина Битола.

Битолската полиција поднесе кривични пријави против поранешниот директор на ЈП „Нискоградба“, Кире Крстевски, за сторени кривични дела “злоупотреба на службена положба и овластување “несовесно работење во службата” и “фалсификување или уништување на деловни книги”.

Веќе не предаваат во Горната гимназија, но работниот век ги поврза за на век. Иако пезнионирани по повеќе години, не пропуштаат ни една недела без да се сретнат. Збирно место им ресторанот „Грне“ во центарот на Битола каде со по некој филџан кафе ќе помуабетат, евоцирајќи спомени за минатото кога биле професорки, а дискутирајќи и за сегашноста. Понекогаш се собираат и по петнесетина пензионирани професорки од гимназијата „Јосип Броз Тито“.

Апарат за лекување на белодробни заболувања кај децата доби како донација детскиот оддел на Клиничката болница д-р „Трифун Пановски“-Битола  од фирмата „Жито Лукс“.