Webp.net gifmaker

Шо рече

Советничката на Поинаку, Габриела Илиевска  е сериозно загрижена за развојот на туризмот во градот откако Општина Битола на својата официјална веб страница објави фотографии од искршените стакла на  вратата  на општината  по неодамнешниот протест  за чист воздух на група битолчани меѓу кои се најдоа и двајцата советници од Поинаку.

“Приказна за еден град” е насловот на годинашниот новогодишен џез концерт на Jazzna & Friends кој во Битола на 26 декември ги носи извонредните музичари Џон Илија Апелгрин, Оливер Јосифовски, Дамир Имери, Славчо Коцев, Ади Имери, Сенад Хусеин, Рики Трајановски и Демир Кантуровски кои заедно со вокалистката Јасна Димитровска ќе направат вистинска џез бајка од познати кавери изведени во џез манир. Каков ќе беше животот без џез, добро знаат љубителите на овој музички правец, а битолската публика уште на првиот ден од продажбата на билетите ја распродава големата сала на Центарот за култура во Битола. Оваа година концертот има и мисија преку музиката да направи спој со уметноста создадена од битолските ученици вклучени во треш челинџ акцијата “Мети си со класнето” создавајќи уметнички скулптури од смет кои ќе бидат изложени во фоајето на Центарот за култура пред почетокот на овој голем концерт. Битола со вакви извонредни музички настани покажува дека има можности и има публика еднаква на големите градови. Концертот е на 26 декември со почеток во 20.30 часот.

Овој пат фронот не е на улицата и во протестите. Проблемот со аерозагадувањето не се решава со бојкот на наставата, туку таа борба започнува во училишните купи и се води на образовен, културен и граѓански начин, им порача Петар Николовски претседател на СДММ на средношколците по најавите дека утре извесна група организира марш со бојкот на наставата.

Од полноќ во Битола ќе биде надминат прагот на информирање, а според Платформата „Земи здив“ и прагот на алармирање и со тоа да стапат на сила препораките предвидени за намалување на аерозагадувањето.

Од Платформата „Земи здив“ апелираат до Општина Битола да го вклучи алармот и да превземе соодветни мерки за заштита на нејзините граѓани. Препораките кои треба да ги превземе се наведени на веб страната на Министерството за животна средина.

Општина Битола денеска преку соопштение се обрати до битолската јавноста за состојбата со воздухот во градот. Соопштението го објавуваме во целост.

Експлозијата што се случи вчера вечер во печатницата „Киро Дандаро“ во Битола настанала од запалено буре од 50 литри мешавина од ацетат и алкохол, велат од печатницата. Пожарот се случил во просторија за рециклажа, a od менаџментот на фирмата велат дека немаат материјална штета и дека нема повредени.

Да се укине фејсбукот за жените да не можат да се прегледуваат една со друга, предложил жител од пелагониското село Долно Агларци во анкетен прашалник за руралната жена како да стане успешен претприемач без стереотипи и предрасури. Истражувањето го спроведуваше Здружението „Зелена берза“ од Битола во проект финансиран од Фондацијата Отворено општество, а со цел да се намдминат стреотипоте кои се дискриминаторски кон жените. Беа анкетирани 350 жени и мажи од повеќе села во општините Новаци, Могила Крушево и Битола.

Осврнувајќи се на енергетскиот сектор, на вчерашаната трибна во Битола, претседателот на СДСМ и премиер на Владата , Зоран Заев, рече дека се вложуваат десетици милиони евра во еколошко проекти

Холот на Гимназијата „Јосип Броз Тито“ денес беше полн со штандови здрава храна. Таму за првпат се одржа македонско-словенечки доручек со цел да се влијае кај учениците да се хртанат здраво, но да се поттикнат и школите за воведување здрав оброк за учениците. Настанот беше организиран под покровителство на Амбасадата на Република Словенија и „Бага фуд“ од Битола, а во соработка со Гимназијата и Словенечкото здружение „Триглав“ од Битола.

По пауза од четврт век Народниот театар од Битола во своја продукција на сцена поставува детско-младинска претстава. „Си беше еднаш во иднината“ е новата премиера работена по текст на Сашо Кокаланов, а во режија на Срѓан Јанаќијевиќ, закажана за во петок.

„Како продуцент на претставата сум особено горд што после 25 години со поддршка на Министерството за култура продуцираме една детска и младинска претстава. Имавме обиди и минатите години, но за жал не добивме средства од Министерството да ја ревитализираме или реанимираме детско-младинската сцена во Тетарот во Битола. 25 години беа потребни затоа што некој своевремено решил дека аплицирајќи до Министерството за култура тоа ќе го одземе правото да се добие проект кој би го нарекол целовечерен. Не би рекол дека тоа е некаква незаинтересираност иако би требало да се обрне повеќе внимание зашто тоа е публика која понатаму треба да се едуцира и би требало да се потрудат да го направат тоа макар и на мускули“, рече на денешната прес конференција Иван Јерчиќ, директор на НТБ.

Уметничката директорка Илина Чоревска рече дека нити еден режисер или драматург нема дојдено со детски текст или со предлог да работи детска претстава.

„Тоа говори за тоа колку ние немаме однос кон најмладата публика која мораме и треба да ја едуцираме за театар. Ние сме направиле непоправлива штета во тој поглед. И ова е текст направен по нарачка на Народниот театар од Битола и благодарност до режисерот што се нафати зашто имавме добиени друга претстава од Министерството за култура, а и тие изгледа во пресрет да го сменат текстот’’, рече Чоревска.

Режисерот Јаниќијевиќ рече дека важно е да се имаат младински претстави зашто театарите кога немаат редовен детски репертоар, кога работат претстави за деца, тие се за најмладите, а а младинците се заборавени.  

„Постојано има една театарска дупка во образованието, се воспитуваат децата театарски до седум-осум години и кога е најважно за младите од 8 до 19 години многу ретко се случуваат претстави. Дури и Театар за деца и младинци по повеќе од 20 години постоење има две- три младински претстави што е многу малку во однос на другите стотици претстави“, рече режисерот.

Претставата е приказна за две деца Адила, бегалка од Истокот со папагалот Рамин и Андреа чии родители не се дома, но цело време е со својот андроид.   

„На една група деца им велам нацртајте вазна, а не знаат што е вазна, не знаат да нацртаат овошја, не зборувам за папаја туку за наши овошја. Нивните братчињата и сестричињата ги отпишуваат од училиштето ‘Ѓорги Сугарев’ и ги запишуваат од други училишта поради предрасуди. Дечиња велат дека учителките, место да доаѓаат 10 минути порано, стигнуваат 10 минути подоцна на час. Претставата ќе отвори еден куп такви проблеми’, рече актерот Никола Пројчевски.

Во претставата ликот на Адила го игра  Сандра Грибовска, на Андреа Анастазија Христовска,  таткото Мартин е Огнен Дранговски, мајката Матеа -Валентина Грамосли, палагалот Рамин -Никола Пројчевски, Нова-Никола Стефанов, полицаецот Менде Филип Мирчевски, бабата Менче Елена Моше. 

Ж.З.

Најстариот факултет во Битола, Техничкиот, кој опстојува половина век е дивоградба. Факултетот бара од Општина Битола согласност за да отпочне легализација зашто дел од земјиштето каде е изграден е општински. Одуката на денешната седница треба да ја донесат битолските советници. Техничкиот факултет сака да покрене постапка за легализација за да може да постави фотоволтаици. 

Вработените во ЈКП Водовод-Битола ќе го добијат покачувањето на платата од 5 % заклучно со ноемвриската плата, за што одлука е донесена и од Управниот одбор пред една недела, потврди на денешната прес-конференција првиот човек на ЈКП Водовод, Горан Козаров.

Пет члена екипа од Горската служба за спасување од Битола учествуваше во потрага по преживеани лица од земјотресот во хотелот „Мира Маре“ во Драч, Албанија. Пред земјотресот хотелот беше на неколку ката со десетици соби за туристи, а по катастрофалниот земјотрес беше протворен во рушевина.

„Работевме заедно со тимови од Србија и Црна Гора на рушевините од хотелот каде немавме потврдна информација од тамошните служби дали е пронајдена исчезната девојка или се уште е внатре. Во потрагата ни помагаа тимови од Швајцарија, Италија и Фрнција кои асистираа со кучиња трагачи и камери за пребарување. Поради ризичниот терен имаше само до некаде услови за да се постават камерите“ , велат членови од Горската служба за спасување од Битола. 

Битола вчера вечер била повеќе загадена од Новаци иако на нејзина територија е комбинатот „РЕК“ Битола. Ова го покажаа податоците од деветтиот сезнор што го постави Платформата „Земи здив“ за следење на квалитетот на амбиенталниот воздух во Битола. Деветтиот сензор е поставен на фасадата од општинската зграда во Новаци оддалечена на 2 километри од РЕК, а во Битола на различни локации се поставени осум други мерачи на квалитетот на воздухот од „Земи Здив“.

Login to your account

Username *
Password *
Remember Me
© 2020 АПЛА.мк. Сите права се задржани